Канттагы Россиянын авиабазасынын терроризмге каршы бөлүгү окуу-машыгуунун жүрүшүндө көзөмөлдөп өткөрүү пунктунан каршылаштын чабуулун артка кайтарды

Канттагы авиабазага диверсиялык топ "кол салды". Машыгуунун сүрөттөрү

114
Сценарий боюнча каршылаштардын диверсиялык тобу Россиянын аскердик объектисин басып алууга аракет кылат. Нөөмөттө турган аскерлерге БТР-82 сооттолгон унаасы менен антитеррордук топ жардамга келген.

БИШКЕК, 22-ноя. — Sputnik. Канттагы Россиянын авиабазасынын терроризмге каршы бөлүгү окуу-машыгуунун жүрүшүндө көзөмөлдөп өткөрүү пунктунан каршылаштын чабуулун артка кайтарды. Бул тууралуу Россиянын Коргоо министрлигинин Борбордук аскер округунун маалымат кызматы кабарлады.

  • Подразделение противодействия терроризму российской военной базы в Канте в ходе тренировки отразило атаку условного противника на контрольно-пропускной пункт (КПП)
    Канттагы Россиянын авиабазасынын терроризмге каршы бөлүгү окуу-машыгуунун жүрүшүндө көзөмөлдөп өткөрүү пунктунан каршылаштын чабуулун артка кайтарды
    © Фото / пресс-служба Центрального военного округа Минобороны РФ
  • Подразделение противодействия терроризму российской военной базы в Канте в ходе тренировки отразило атаку условного противника на контрольно-пропускной пункт (КПП)
    Сценарий боюнча каршылаштардын диверсиялык тобу Россиянын аскердик объектисин басып алууга аракет кылат
    © Фото / пресс-служба Центрального военного округа Минобороны РФ
  • Подразделение противодействия терроризму российской военной базы в Канте в ходе тренировки отразило атаку условного противника на контрольно-пропускной пункт (КПП)
    Көзөмөлдөп өткөрүү пунктунда нөөмөттө турган аскерлерге БТР-82 сооттолгон унаасы менен антитеррордук топ жардамга келген.
    © Фото / пресс-служба Центрального военного округа Минобороны РФ
1 / 3
© Фото / пресс-служба Центрального военного округа Минобороны РФ
Канттагы Россиянын авиабазасынын терроризмге каршы бөлүгү окуу-машыгуунун жүрүшүндө көзөмөлдөп өткөрүү пунктунан каршылаштын чабуулун артка кайтарды

Сценарий боюнча каршылаштардын диверсиялык тобу Россиянын аскердик объектисин басып алууга аракет кылат. Көзөмөлдөп өткөрүү пунктунда нөөмөттө турган аскерлерге БТР-82 сооттолгон унаасы менен антитеррордук топ жардамга келген.

"Россиялык аскерлер чабуул койгондор менен атышып, кылмышкерлердин тобун аскер базасынын аймагынан сүрүп чыгарды жана артка чегинип баштаган диверсиялык топтун мүчөлөрүн колго түшүрдү", — деп жазылган маалыматта.

Окуу-машыгууга 50 аскер менен 10 аскер техникасы тартылган.

Канттагы россиялык биргелешкен аскердик база — Тез аракетке келүүчү жамааттык күчтөрдүн бир бөлүгү. Ал ЖККУ мамлекеттеринин коопсуздугун абадан коргоп, камсыздап турат. Карамагында чабуул жасоочу Су-25 учактары менен Ми-8 тик учактары бар.

114
Белгилер:
Россия, 'Кант' авиабазасы, машыгуу, терроризм
Тема боюнча
Россиялык аскерлер Кант шаарындагы темир жолдун бир бөлүгүн оңдошот
Өзбекстан сооттолгон машина чыгара баштады. Сүрөт
Митингчилер. Архив

Таласта Дастан Жумабековдун шайланышына каршы болгондор митингге чыкты

41
(жаңыланган 16:49 30.11.2021)
Шайлоонун алдын ала жыйынтыгы боюнча, Жумабеков атаандашы Назарбековдон 125 добуш айырма менен алдыда баратат.

БИШКЕК, 30-ноя. — Sputnik. Талас облусунун Кара-Буура районунда шайлоонун жыйынтыгына нааразы болгон адамдар митингге чыкты.

Алар Кызыл-Адыр айылына чогулуп, №20 Манас шайлоо округунан депутаттыкка талапкер Дастан Жумабековдун утуп чыгышына каршылыгын билдиришүүдө. Топтолгондор Жумабековду добуш сатып алууга күнөөлөп жатышат. Ошондой эле шайлоонун жыйынтыгын тааныбай турганын айтышты.

Чогулгандар ушул эле округдан талапкерлигин койгон Мирлан Назарбековдун тарапташтары.

№20 Манас шайлоо округунда учурда бюллетендердин 96,41 пайызы кол менен эсептелип бүттү. Анда Жумабеков 13 171 добушка ээ болуп алдыда баратат. Ал эми Назарбеков элдин 13 046 добушу менен экинчи орунда турат.

41
Белгилер:
Дастанбек Жумабеков, Талас облусу, митинг, каршылык, шайлоо
Тема:
Жогорку Кеңешке жаңы тартип менен болчу шайлоо
Тема боюнча
БШКнын имаратынын алдында митинг өтүп жатат. Видео
Президент Садыр Жапаров. Архив

Атамды тынч койгула! Жапаров ага акаарат келтирген жарандарга жооп берди

229
(жаңыланган 16:26 30.11.2021)
Мамлекет башчы бийлик шайлоо процессине кандай кийлигишпеген болсо, БШКнын ишине да ошондой аралашпаганын айтты.

БИШКЕК, 30-ноя. — Sputnik. Президент Садыр Жапаров парламенттик шайлоонун алдын ала жыйынтыгын чыгарууда БШКнын сайтындагы мүчүлүштүк үчүн анын атасына чейин асылып акаарат келтиргендер чыгып жатканын билдирди.

Мамлекет башчы Facebook баракчасы аркылуу кайрылуу жасаган.

"Мага акаарат айтып, сөгүп-сагып, атама чейин сөз тийгизип, ишенбөөчүлүк көрсөтүп жаткан аттуу-баштуу эле "Кудайга ишенем" деп, дин жолунда жүргөн жарандарыма айтарым: урматтуу жарандар, мен дагы Кудайга ишенген адаммын. Ооба, атам өмүр бою Кудай жолунда жүргөн инсан. "Калыс бол, туура эмес жолго түшпө, куран окуганды үйрөн, намаз оку" деп 8-классымдан баштап үйрөткөн. Кудайым бейишинен берсин. Атамды тынч койгула", — деди Жапаров.

Аны менен катар бийлик шайлоо процессине кандай кийлигишпеген болсо, БШКнын ишине да ошондой аралашпаганын айтты. БШК тараптан дагы добуштарды бурмалоо болбогонун жана болбой турганын белгиледи.

229
Белгилер:
Садыр Жапаров, БШК, шайлоо, кайрылуу, акаарат
Тема:
Жогорку Кеңешке жаңы тартип менен болчу шайлоо
Тема боюнча
Шайлдабекова: бул ирет мыйзамсыздыкты ооздуктоого бийликтин эрки жетти. Видео
Кол менен санагыла! Жапаров "добуштар уурдалды" деген партияларга кайрылды
"Ишеним" партиясынан Жогорку Кеңешке кимдер келе жатат? 12 талапкердин аты-жөнү
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

0
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

0
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео