Кыргызстандык жарандын муздаткычы. Архивдик сүрөт

Кыргызстанда жардамга муктаж үй-бүлөлөрдүн тизмеси түзүлөт. Максаты

170
(жаңыланган 12:28 22.11.2021)
Базарбаев 2022-жылдын январь айынын аягына чейин социалдык камсыздоо боюнча карта даяр болушу керектигин белгилеген. Анда аз камсыз жана жардамга муктаж үй-бүлөлөрдүн саны көрсөтүлөт.

БИШКЕК, 22-ноя. — Sputnik. Эмгек, социалдык камсыздоо жана миграция министри Кудайберген Базарбаев жөлөк пул алган аз камсыз үй-бүлөлөрдөн башка дагы жардамга муктаждардын тизмесин түзүү тапшырмасын берди.

Министрликтин маалымат кызматы билдиргендей, Базарбаев колунда жок бүлөлөрдү көмүр менен камсыздоо боюнча жыйын өткөрдү. Буга чейин Бишкек шаардык кеңеши ордо калаада 1,5 тонна көмүрдүн ордуна 5 000 сомдон берүү чечимин кабыл алган. Аны менен катар пенсионерлер менен майыптыгы барларга 500 сом, алардын жаңы конуштарда жашагандарына 700 сомдон кошумча акча берүү каралган.

Министрлик Бишкекте аталган жардам акчаны алуу үчүн 4 000 адамдан арыз түшкөнүн билдирди. Текшерүүнүн жыйынтыгында 3 700үнө 18,6 миллион сом төлөнүп берилген.

Бишкектен сырткары Чүй облусунун өкүлдөрү да көмүр менен камсыз кылуу боюнча отчёт беришкен. Анда Базарбаев айыл, райондордогу жардамга муктаж үй-бүлөлөрдүн тизмесин түзүүнү тапшырган.

"Үй-бүлөгө көмөк" жөлөк пулун алып жүргөн аз камсыз үй-бүлөлөрдү гана эмес, андан башкаларын да эске алыш керек. Анткени бул жөлөк пул 3төн 16 жашка чейинки ар бир үчүнчү балага жана айлык кирешеси бир адамга 1 000 сомго жетпегендерге берилет. Ал эми бизде кирешеси андан көбүрөөк, бирок жөлөк пул албай, татаал шартта жашагандар бар. Аларга да жардам көрсөтүшүбүз керек", — деди министр.

Базарбаев 2022-жылдын январь айынын аягына чейин өлкө боюнча социалдык камсыздоо картасы даяр болушу керектигин белгилеген. Анда аз камсыз жана жардамга муктаж үй-бүлөлөрдүн саны көрсөтүлөт. Бул карта социалдык жардамды тең бөлүштүрүү максатында түзүлө турганы айтылды.

170
Белгилер:
үй-бүлө, жардам, тизме, акча, көмүр, карта
Тема боюнча
Акматов: аймактагы ишкерлер юридикалык, финансылык билимге муктаж
Абдувалиев: азиздерди жардамга муктаж адам катары кабылдабаш керек
Студенттер. Архив

Кыргызстандык студенттер Эл аралык жаштар парламентинин угуучусу болду

2
(жаңыланган 10:28 01.12.2021)
Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

БИШКЕК, 1-дек. — Sputnik. Кыргызстандык студенттер Санкт-Петербургдагы Эл аралык жаштар парламентинин угуучусу болду. Бул тууралуу КМШ Парламенттер аралык ассамблеясы кеңешинин катчылыгынын маалымат кызматы билдирди.

Бул мектеп кечээ, 30-ноябрда, "Дүйнө өлкөлөрүнүн шайлоо системалары" II Эл аралык студенттик интернет-олимпиаданын жеңүүчүлөрү жана байге ээлери үчүн ачылган.

Долбоордун угуучулары болуп КМШнын жогорку окуу жайларында билим алып жаткан 30дан ашык студенттер Азербайжан, Армения, Беларусь, Казакстан, Кыргызстан, Молдова, Россия, Өзбекстан, Украина, Түркмөнстан жана Сербиянын жарандары болушту. Мектеп 4-декабрга чейин иштейт.

Парламенттер аралык ассамблеясы кеңешинин башкы катчысы Дмитрий Кобицкий долбоордун катышуучуларына өз саламын жолдоду. Ал бул иш-чара КМШнын түзүлгөндүгүнүн 30 жылдыгынын алдында өтүп жатканын белгиледи.

"Шериктештиктин келечеги түздөн-түз жаш муундан, алардын мезгилдин жаңы чакырыктарына даярдыгынан жана пайдалуу кызматташууну тандоосунан көз каранды", — деп баса белгиледи Кобицкий.

Анын айтымында, КМШ ПАА жаштардын коомдун саясий турмушуна жана мамлекеттин ишмердүүлүгүнө жигердүү катышуу укугун ишке ашырууга өзгөчө көңүл бурат.

Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

Жаштар мектебинин программасына интерактивдүү лекцияларды өткөрүү, студенттерди постсоветтик мейкиндикте интеграцияны өнүктүрүү боюнча көрөгөчтүккө (эксперттик баалоо ыкмаларынын системасы) даярдоо, КМШ ПАА Кеңешинин катчылыгынын иши менен таанышуу кирери белгиленди.

Программанын негизги иш-чарасы 2-декабрда илимий дебат форматында өтө турган "Электрондук добуш берүү: макул жана каршы" эл аралык конференциясы болмокчу. Командалар шайлоо процессинде санариптик технологияларды колдонууга арналган интеллектуалдык таймашка катышат. Конференциянын соңунда дебаттардын катышуучуларына сыйлык тапшырылат.

Мунун баары Көз карандысыз мамлекеттер шериктештигинин түзүлгөндүгүнүн 30 жылдыгына арналган "Жаштар парламентаризми КМШ өлкөлөрүнүн туруктуу саясий өнүгүүсүнүн жана өнөктөштүгүнүн негизи" долбоорунун бир бөлүгү. 2021-жылы долбоор РФ президентинин Гранттык фондунун колдоосуна ээ болгон.

2
Белгилер:
Кыргызстан, мектеп, парламент, жаштар, КМШ Парламенттер аралык ассамблеясы
Тема боюнча
Россия чет элдик студенттерге туруктуу жашоого жеңилдетилген жол менен уруксат берет
QR-код текшерүү

Кыргызстанда эмделгенин тастыктоочу QR-код системасы киреби? Министрдин жообу

5
(жаңыланган 10:24 01.12.2021)
Буга чейин социалдык тармактарда бийлик кийинки аптадан тарта адамдын коронавируска каршы эмдөөдөн өткөнүн тастыктай турган QR-код системасын киргизет деген маалымат тараган.

БИШКЕК, 1-дек. — Sputnik. Кыргызстанда QR-код системасын киргизүү планы жок. Бул тууралуу Sputnik редакциясына саламаттык сактоо министри Алымкадыр Бейшеналиев билдирди.

Буга чейин социалдык тармактарда, анын ичинде "Бишкек сегодня" Telegram-каналында дагы бийлик кийинки аптадан тарта адамдын коронавируска каршы эмдөөдөн өткөнүн тастыктай турган QR-код системасын киргизет деген маалымат тараган. Анда вакцина албай, QR-кодго ээ болбогондор соода борборлору, кафе-ресторан сыяктуу коомдук жайларга киргизилбей турганы айтылган.

Министр бул маалыматты төгүндөдү.

"Жок, андай нерсе пландалган эмес. Бул маселени мен чечем да, азыр андай оюбуз жок", — деди Бейшеналиев.

Соңку маалыматтарга караганда, Кыргызстанда 1,1 миллион киши коронавируска каршы вакцинанын биринчи дозасын алды. Ал эми экинчи компоненти дээрлик 900 миң кишиге сайылды.

Белгилей кетсек, эмделгендер жана ооруп сакайгандар коомдук жайларда эркин жүрүшү үчүн аларга QR-код берүү чечимин Россия бийлиги кабыл алган. Ушул эле эрежелер Европанын айрым мамлекеттеринде колдонулуп жатат.

5
Белгилер:
Кыргызстан, коронавирус, QR-код, Алымкадыр Бейшеналиев
Тема:
Кыргызстандагы коронавирус
Тема боюнча
Кыргызстандагы вакциналар "омикронго" каршы эффективдүүбү? Адистин жообу
Жугуштуу илдеттер ооруканасы COVID жуктургандарды кайра кабыл алмай болду