Киши автоунааны текшерип жатат. Архив

Carcheck кызматы эми бекер болбой калат. Долбоор

400
(жаңыланган 18:19 23.11.2021)
Сервис 2019-жылы ишке кирген. Порталдын жардамы менен пайдалануучулардын автоунаа биринчи ирет кайсы өлкөдө качан катталганын, күрөөгө жана камакка алынган-алынбаганын билип алуу мүмкүнчүлүгү болгон.

БИШКЕК, 22-ноя. — Sputnik. Эл арасында белгилүү болгон Carcheck автокызматы эми бекер болбойт, тагыраагы, аны пайдалануу үчүн акча төлөөгө туура келет.

Буйруктун долбоору Санариптик өнүктүрүү министрлигине тиешелүү. Бул маалыматты аталган министрликтин маалымат кызматынан тастыкташты.

Документте "Унаа" мамлекеттик мекемеси министрлер кабинетинин токтомунун негизинде мамлекеттик кызматтарга тиешелүү административдик регламентти киргизүүгө ниеттенип жатканы айтылган.

Аталган министрликтен мындай чаралар кызматты жакшыртуу жана электрондук түрдө бериле турган маалыматтардын тизмесин кеңейтүү үчүн көрүлүп жаткандыгын айтышты. Сервис 2019-жылы ишке кирген.

Министрлер кабинетинин токтомуна ылайык, 2021-жылдын 1-июлунда автоунаалар боюнча маалыматты электрондук түрдө алууга болот деген өзгөртүү киргизилген.

Азыр онлайн-тартипте portal.tunduk.kg мамлекеттик кызматтар порталы жана Carchek электрондук кызматы аркылуу каалаган автокөлүк боюнча маалымат алууга мүмкүнчүлүк жаралган. Мындан сырткары, транспорт боюнча кайсы бир маалыматты сурам кылып, мобилдик капчык аркылуу да алууга болот.

Алдын ала берилген маалыматтарга таянсак, электрондук форматтагы маалымат 10 сом болот. Санариптик өнүктүрүү министрлигинен машина боюнча документти кагаз түрүндө алганда 120 сомго чыгарын айтышты.

Министрликтен акы төлөгөн кызмат киргизилгенде анын ичиндеги маалыматтар да арбый турганын билдиришти.

Азыр портал мамлекеттик номер боюнча кандай маалыматтарды берет:

  • автоунаанын үлгүсү;
  • модель;
  • өңү;
  • чыккан жылы;
  • кыймылдаткычтын көлөмү;
  • рулдун кайсы жагында жайгашканы;
  • транспорт боюнча маалымат, камакта/күрөөдө турабы же жокпу;
  • жол эрежелерин бузганы үчүн айып салынганбы, алар төлөндү беле;
  • буга чейинки ээлеринин тарыхы же канча кожоюну болгон.

Кошула турган маалыматтар:

  • канча чакырым жол жүргөнү;
  • автоунаанын сүрөтү.

Санариптик өнүктүрүү министрлигинен маалымат үчүн акчаны банк, терминал жана электрондук капчык аркылуу төлөөгө болорун билдиришти.

Белгилей кетсек, мамлекеттик кызматтар порталында айдоочуга “Коопсуз шаар” долбоору боюнча айып пул салынган-салынбаганы текшерүү үчүн атайын бөлүм бар.  Бул кызмат Carcheck бөлүмүнө кирбейт.

400
Белгилер:
автоунаа, бекер, долбоор, Carcheck кызматы, сервис
Тема боюнча
Кыргызстанда бензин тартыш болуп жатабы? Расмий жооп
Кымбаттап жатат! Кыргызстанда эң өтүмдүү автоунаалардын баасы кандай өзгөрдү
Баласына китеп окуп жаткан адам. Архив

Балага жыныстык тарбия берүүдөн уялбаш үчүн ата-эне кантип даярданышы керек

5
Психолог бала өзү төшөк маселесине байланыштуу суроо берген учурда жооп берүүдөн качпаш керектигин айтат. Ал үчүн ата-эне бири-бири менен сүйлөшүп, даярданып алганы жакшы.

БИШКЕК, 30-ноя. — Sputnik. Балага жыныстык тарбия берүү үчүн ата-эне өзү кандай даярдыктан өтүшү керектигин РИА Новости агенттигине Россиянын сексологиялык илимий коомунун мүчөсү, психолог Татьяна Селезнева айтып берди.

Алгач адис бала кайсы курактан баштап жыныстык тарбияга даяр болорун түшүндүрдү.

"Ар бир бала дүйнө таанымына жараша ар кайсы куракта "жетилет". Негизги 15-16 жашка чейин акырындык менен маалымат алып алганы туура. Мисалы, жыныстык органдар, алардын функциялары, бойго бүтүп калуу жана венерологиялык оорулардан сактануу жолдорун билиши керек. Качан гана уул-кыздар 16дан ашканда секс тууралуу, болгондо дагы анын жалаң негитивдүү жактарын айта баштаган туура эмес", — деди Селезнева.

Психолог "төшөк мамилеси тууралуу балага туура түшүндүрүп берсе келечеги жакшы болорун" кошумчалады.

Ошондой эле ал ата-энелер өздөрү диалог баштоодон уялбаш үчүн кантип даярданышы керектигин айтып берди.

"Алгач ата-эне бири-бири менен сүйлөшүп, даярданып алганы жакшы. Учурда жыныстык тарбия тууралуу балдар үчүн китептер өтө көп. Ошолорду алып окуп койсо балдар гана эмес, чоңдор дагы көп нерселерди биле алышат", — деди адис.

Сөзүнүн соңунда психолог бала өзү төшөк маселесине байланыштуу суроо берген учурда жооп берүүдөн эч качан качпаш керектигин айтат.

5
Белгилер:
бала, тарбия, психология, ата-эне, жыныс
Тема боюнча
Атаны балдардын тарбиясына кантип аралаштырса болот? Педагогдун кеңеши
Баланы жоопкерчиликке кантип үйрөтсө болот? Адистин кеңеши
Көчөдө бараткан аял. Архив

Шейшембиге карата аба ырайы

94
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

94
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды