Столдогу сок жана коктейль. Архив

Мээни 11 жылга карытат. Ден соолукка зыян делген суусундук аталды

302
Окумуштуулар белгилеген суусундук адамдын эс тутумун начарлатып, мээнин көлөмүн кичирейте турганы маалым болду.

БИШКЕК, 23-ноя. — Sputnik. Кумшекер мээнин функцияларына терс таасирин тийгизет, ал эми курамында канты көп суусундуктар мээнин иштөөсүн бузуп, эрте карытат. Бул тууралуу РИА Новости Daily Express басылмасына таянып жазды.

Билдирмеге караганда, Бостон университетинин алдындагы медициналык мектептин окумуштуулары изилдөө жүргүзүп, ага 4 200 адам катышкан. Алар таттуу суусундукту канчалык көп ичерин айтып, илимпоздор кумшекер кошулган суусундук организмге кандай таасир этерин байкашкан.

"Адам күнүнө бир же эки стакан таттуу суусундук ичсе, анын мээси 5,8 жылга, ал эми эки стакандан көп ичсе 11 жылга картаят. Окумуштуулар кумшекер кошулган таттуу суусундукту ичкендердин эс тутуму начарлап, мээсинин көлөмү кичирейе турганын белгилешкен", — деп айтылат маалыматта.

Илимпоздор иликтөөнүн жыйынтыгы аягына чыга электигин айтып, анткен менен таттуу суусундук ден соолукка пайда алып келбей турганын ишенимдүү түрдө белгилешкен.

302
Белгилер:
суусундук, мээ, ден соолук, окумуштуулар, зыян
Тема боюнча
Адамдын башкы органдарын кантип карылыкка алдырбоо керек. Адистин кеңеши
Гастриттен жапа чеккендерге пайдалуу болчу азыктар туурасында адис айтып берди
Адис чарчоону чакырган тамактарды санап берди
COVID-19 тест лабораториясынын кызматкери. Архив

Адис: COVID-19дун жаңы штаммы СПИД болгон адамда пайда болушу мүмкүн

3
(жаңыланган 11:03 27.11.2021)
Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталып, Дүйнөлүк саламаттык сактоо уюму жума күнү чукул жыйын өткөргөн.

БИШКЕК, 27-ноя. — Sputnik. Азырынча аталышы жок, бирок B.1.1.529 деп белгиленип жаткан коронавирустун жаңы түрү алгач СПИД менен ооруган адамдын организминде пайда болушу мүмкүн. Бул тууралуу россиялык иммунолог Николай Крючков "Ридус" басылмасына билдирди.

Эске салсак, Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталгандыгына байланыштуу Дүйнөлүк саламаттык сактоо уюму жума күнү чукул жыйын өткөргөн.

Коронавирустун жаңы түрү аныкталганына байланыштуу Улуу Британия менен Израилде Түштүк Африкага каттамдар токтотулган.

"Жаңы вариант тууралуу азырынча көп нерсе белгисиз. Бирок окумуштуулар бул мутация ВИЧ-инфекциясын жуктурган адамдын организминде болгон деп божомолдоп жатышат. Болгондо дагы оорусу күчөп кеткен адамда. Жаңы штамм пайда болгон Түштүк Африкада СПИД илдетине чалдыккан адамдар көп болгондуктан, бул туура божомол деп ишенип жатабыз", — деди дарыгер.

Адис вирус өтө жугуштуу экенин айтып, ал вакцинага дагы туруштук бериши мүмкүн деп божомолдоодо.

"Бул вирус 32 жолу мутация болгон. Демек, өтө жугуштуу. Штаммдын бир бөлүгү "дельта", дагы бир бөлүгү "беттадан" турат. Курамында жаңы бөлүкчөлөр дагы бар", — деди Крючков.

Адис бул штамм дагы дүйнөгө тарап кетиши толук мүмкүн экенин кошумчалады.

3
Белгилер:
Дүйнө, коронавирус, жаңы штамм
Тема:
Дүйнөгө жайылган коронавирус
Тема боюнча
Адис COVID-19га каршы вакцинанын таасири канча убакытка жетип жатканын айтты
Россия: COVID-19га каршы өспүрүмдөр вакцинаcын колдонууга уруксат берилди
Автоунаалар. Архив

Арзан кезинде жасап алгыла! Министрликтин айдоочуларга эскертүүсү

28
(жаңыланган 10:52 27.11.2021)
Улуттук кампания жылдын аягына чейин болот. Акция башталгандан, тагыраагы, 1-июндан тарта 189 585 машина жаңы ээлерине катталган.

БИШКЕК, 27-ноя. — Sputnik. Кыргызстандагы автоунаа айдап жүргөндөрдү темир тулпарын нөлдүк ставка менен өзүнө кайра каттатып алууга дагы бир ай бар. Бул тууралуу Санарипти өнүктүрүү министрлигинен кабарлады.

Улуттук кампания жылдын аягына чейин уланат. Акциясыз күндөрү автоунааны кайра каттатууда бул кыймылдуу мүлктүн жалпы баасынан бекитилген эреже боюнча бир пайыз алынат. Эске салсак, мындай жеңилдетүү мурда да жарыяланып, анда 0,3 пайызга чейин болгон.

Азыркы арзандатуу шартында, 31-декабрга чейин жогоруда айтылган 1 пайыз алынбайт, министрлик андыктан темир тулпар ээлерине айдап жүргөн автоунаасын мурдагы кожоюндарынан кайра өзүнө каттатып алууда болгону 498 сом гана төлөй тургандыгын айтты. Бул кызмат көрсөтүүгө гана каралган акча. Эгерде ал номердик белгисин же аймагын өзгөрткүсү келсе, анда 1 633 сом төлөйт.

Акция башталгандан, тагыраагы, 1-июндан тарта 189 585 машина учурдагы ээсине каттатылган.

Өлкө боюнча бул багытта иш алып барган мамлекеттик "Унаа" ишканасынын аймактык 26 бөлүмү жумасына беш күн, тагыраагы, дүйшөмбү-жума күндөрү иштейт. Ал эми эс алуу күндөрү "Риом-авто" базарынан аталган мамлекеттик ишкананын Батыш аймактык бөлүмүнөн каттатып же кайра каттатып алса болот.

Мындай процедураларды эл үчүн жеңилдетүү жана тейлөөнү жакшыртуу үчүн банктык кызматтарды терминалдан төлөө системасы каралган. Министрликтен Бишкектеги, Оштогу шаардык, Жалал-Абаддагы аймактык бөлүмдө бул мүмкүнчүлүктөрдү пайдаланууга болорун билдирди.

28
Белгилер:
Кыргызстан, автоунаа, каттоо, акция
Тема боюнча
Транспорт салыгын төлөбөгөндөр четинен айыпка жыгылууда. Рейд жыйынтыгы
6 жерин майлаңыз. Автоунаага кыштын алдында кантип кам көрүш керек