Жол. Архив

Күүгүмдө айдоочу эмнеге көңүл бурушу керек. Адистин кеңеши

821
(жаңыланган 09:58 24.11.2021)
Эксперт биринчи иретте жарык берүүчү приборлорду бир ирет сөзсүз текшерип коюу зарылдыгын белгилеген.

БИШКЕК, 24-ноя. — Sputnik. Жарык азайып, күүгүм киргенде автоунаа айдаган бир топ кооптуу, андыктан рулда бараткандар этият болуш үчүн бир канча эрежелерди сакташы керек. Мындай кеңешин Коопсуздук боюнча улуттук коомдук борбордун директору Сергей Канаев Sputnik радиосуна айтып берген.

Адис күндүн бул бөлүгү айдоочулардын абалына өзүнүн терс таасирин берерин айткан.

Кеч күздө жана кышында айдоочуларга жылдын башка мезгилине караганда көбүрөөк жол жүргөнгө туура келет, күн да тез батат.

"Бул бардык айдоочулар үчүн эле кыйын учур. Кээ бирөөлөрүнүн көзү начар көрөт, дагы бирөөлөрдүн тажрыйбасы жетишсиз. Күүгүмдө жолдогу нерселер жакшы көрүнбөгөндүктөн көңүлдү бир жерге топтоо кыйын. Андан сырткары, таң куланөөк атып баратканда жарык жетишсиз болору баарыбызга белгилүү, эгерде түнү менен жол жүрүп келе жатса, кишини уйку басат. Андыктан эринбей эле 10 мүнөттөй эс алып алганы жакшы", — деген ал.

Адис кечинде жана эртең менен эрте алыс жолго аттанганда мүмкүн болсо, жанына бирөөнү салып алган жакшы деп кеңеш берген.

Ал күүгүмдө иштен чыгып, үйдө көздөй жөнөгөндө биринчи иретте жарык берүүчү приборлорду сөзсүз бир ирет текшерип коюу зарылдыгын белгилеген.

"Күүгүм киргенден кийин машинага отурар алдында эринбей жарык берген шаймандарды текшерип койгула. Эгерде көңүлдү бир жерге топтой албай, жолго жакшылап көз сала албай тургандай болсоңуз, жогоруда мен айткандай, беш-он мүнөттөй эс алып, анан рулга отурсаңыз болот", — деген эксперт.

Канаев алтын эреже катары кармай турган дагы бир кеңешти эске салган.

Айдоочу кеч кире баштаганда жолдо жаткан же өтүп бара жаткан жаныбарды, кара түстө кийинип алган кишини байкабай калышы да мүмкүн.

"Рулдагы адам биринчи иретте ылдамдыкты ашыкча көбөйтүп жибербей, кылдаттык менен айдашы керек, бул абдан маанилүү", — деген ал.

Мындан мурдараак кышында автоунааны туура айдоо боюнча эксперттер кеңештерин айткан.

821
Белгилер:
автоунаа, айдоочу, коопсуздук, кеңеш, таң
Тема боюнча
Кырсыктан оолак болосуз! Кышында автоунааны туура айдоо боюнча кеңештер
Россиянын учагы Афганистандан жарандарды эвакуациялоо учурунда

Россиянын учактары Афганистандан элди алып келүүгө кетти. Ичинде КР жарандары бар

13
(жаңыланган 10:01 01.12.2021)
Россия лидери Владимир Путиндин тапшырмасы менен коргоо министри Сергей Шойгу Афганистан аймагынан элди эвакуациялоо үчүн үчүнчү ирет учак жиберген.

БИШКЕК, 1-дек. — Sputnik. Россиянын аскердик-транспорттук үч учагы Афганистандан жарандарды эвакуациялап, гуманитардык жардам жеткирүү үчүн учуп кетти. Алардын бири Кабул шаарына барып конду деп билдирди РИА Новости.

"Россия лидери Владимир Путиндин тапшырмасы менен коргоо министри Сергей Шойгу Афганистан аймагына үчүнчү эвакуациялык иштерди уюштурду. Ал жактан Россиянын (380ден ашуун) жана ЖККУга мүчө болгон мамлекеттердин (Кыргызстан) жарандарын жана Россия аймагында окуп жаткан афганистандык студенттерди алып келет", — деп айтылган маалыматта.

Учактар Кабулга Подмосковьедеги Чкалов аэродромунан жөнөп кеткен.

Маалыматта россиялык аба кемелери афган элине эмне жардам алып барганы такталып жатканы жазылган.

13
Белгилер:
Афганистан, Россия, Кыргызстан, эвакуация, учак, гуманитардык жардам
Тема боюнча
Россия Афганистандан өз жарандары менен кошо кыргызстандыктарды ала чыгат
Медициналык кызматкер жана COVID-19 менен бейтап ооруканада

Коронавирустун 53 жаңы учуру катталып, үч адам көз жумду. Статистика

13
(жаңыланган 09:51 01.12.2021)
Өлкөдөгү ооруканаларда медициналык жардам алып жаткан 378 кишинин ичинен 30унун абалы өтө оор деп бааланды.

БИШКЕК, 1-дек. — Sputnik. Өткөн суткада Кыргызстанда 53 адамдан коронавирус табылып, 102 бейтап айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек шаары – 18;
  • Чүй облусу – 10;
  • Ош облусу – 3;
  • Ысык-Көл облусу – 7;
  • Жалал-Абад облусу – 7;
  • Баткен облусу – 8.

Өлкөдө илдет илештиргендердин жалпы саны 183 404кө жетти. Анын ичинен 178 332 адам дартты жеңген.

Тилекке каршы, бир суткада Чүй облусунда үч адам коронавирустун курмандыгы болгон. Алардын вакцина албаганы айтылды. Муну менен жалпысынан 2 749 киши оорудан каза болду.

Азыркы тапта стационарда 378 бейтап, ал эми амбулатордук шартта 466 киши дарыланып жатат. Ооруканада медициналык жардам алып жаткандардын ичинен 30унун абалы өтө оор.

13
Белгилер:
Кыргызстан, коронавирус, статистика, бейтап, оору
Тема:
Кыргызстандагы коронавирус
Тема боюнча
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат