Блогер Гусейн Гасанов жана досу. Архив

Блогер Гусейн Гасанов кыргызстандык таксистке ыраазы болуп унаа алып берди. Видео

1691
(жаңыланган 10:52 25.11.2021)
Таксистке ыраазы болгон блогерлер ага заводдон жаңы чыгарылган 1,5 миллион рублдик Kia Rio үлгүсүндөгү машина алып беришти.

БИШКЕК, 25-ноя. — Sputnik. Россиялык блогерлер Гусейн Гасанов менен Арутюн Назарян Москвада такси айдап иштеген кыргызстандыкка автоунаа белек кылышты.

Аталган видеону Гасанов "Жакшылык кайтат" деген аталыш менен Instagram баракчасына жүктөгөн.

Посмотреть эту публикацию в Instagram

Публикация от ГУСЕЙН ГАСАНОВ (@gusein.gasanov)

Кадрдан эки блогер социалдык эксперимент жүргүзүп, акчасы жок калган адамдын образын жаратканын көрүүгө болот. Эгер ким аны акысыз жеткирүүгө макул болсо, ошого жаңы автоунаа алып берүүнү убадалашкан. "Байкуштардын" бекер жеткирүү өтүнүчүн бир нече таксист четке каккан. Акыры кыргызстандык таксист Эген Апсаматов ага макул болуп, айткан дарегине жеткирген.

Жолдо сүйлөшүп баратып ал Москвада көптөн бери иштеп жүргөнүн, айдаган машинасынын ижара акысына күнүнө 1 600 рубль төлөөрүн айткан. Бир уул, бир кызы бар экенин, тилекке каршы, кызынын бир кулагы укпагандыктан операция жасатууга муктаж экенин билдирген. Жүргүнчүлөр анын кыялдары тууралуу да сурашкан.

"Кээде сурангандар болсо акысыз жеткирип коём. Бүгүн аларга жакшылык кылсам, кийин ал нерсе кайта турганына ишенем. Айына 40 миң рублдей табам. Эң биринчи кыялым — карыздан кутулуп, өзүм үчүн бир аз иштеп алып мекениме кетүү. Ал жакта апам жалгыз", — деп жооп берген.

Андан соң блогерлер Апсаматовдун жакшылыгына ыраазычылык билдирип, заводдон жаңы чыгарылган 1,5 миллион рублдик Kia Rio үлгүсүндөгү машина алып беришти. Таксист буга алгач ишенип-ишенбей, анан кубанганынан жашып кеткенин көрүүгө болот.

Гусейн Гасанов аудиториясы кенен белгилүү блогерлердин катарында. Анын Instagram баракчасына 19,2 миллион адам катталуу.

1691
Белгилер:
таксист, автоунаа, жакшылык, Гусейин Гасанов, кыргызстандык
Тема боюнча
Россиялык блогер кыргызстандык кыз менен ырдады. Клип кайдыгер калтырган эмес
Instagram да, блогер да салык төлөйт. Жаңы кодекске кошулган берене
Башкы прокурор Курманкул Зулушев. Архив

Кирешесинен чыгашасы көп. Баш прокурор Зулушевдин кандай мал-мүлкү бар

3
(жаңыланган 18:00 06.12.2021)
Баш прокурордун жакын туугандары былтыр 250 миң сом киреше тапса, чыгашасы 4,9 миллион сомго жеткен.

БИШКЕК, 6-дек. — Sputnik. Салык кызматы башкы прокурор Курманкул Зулушевдин мал-мүлкү тууралуу 2020-жылга карата тапшырган декларациясын жарыялады.

Документке ылайык, башкы прокурор бир жылда 750 722 сом иштеп тапкан, чыгашасы жазылган эмес. Ал Toyota (үлгүсү көрсөтүлгөн эмес) автоунаасына, 70 миң сомдук эмерек, 25 миң сомдук компьютер жана техникага ээлик кылат. Мындан сырткары, 250 миң сомго бааланган бодо малы, 700 миң сомдук жылкы, 1 650 000 сомдук таза кандуу аргымактары бар.

Ал эми жакын туугандары 2020-жылы 250 миң сом киреше чогулткан. Ошол эле учурда чыгашасы 4,9 миллион сомго жеткен. Алардын 119 чарчы метрлик турак жайы, аянты 8,1 гектар айыл чарба багытындагы жер тилкеси бар.

Белгилей кетсек, Курманкул Зулушев 2020-жылдын октябрь айына чейин Жогорку Кеңештин депутаты болуп иштеген.

3
Белгилер:
Курманкул Зулушев, мал, мүлк, декларация, Башкы прокурор, туугандар
Тема боюнча
Жер тилкеси 20дан ашып... Жээнбеков президент болгондон кийин канчалык байыган
Садыр Жапаров жана анын үй-бүлөсү кандай мал-мүлккө ээлик кылары жарыяланды
Кишилер майрам учурунда. Архив

Бишкек мэриясы жаңы жылдык кечеден баш тартып, акчасын кайрымдуулукка жумшайт

13
(жаңыланган 17:40 06.12.2021)
Мэрия Бишкектеги башка эмгек жамааттарын бул демилгени колдоп, муктаж болгон жарандарга жардам көрсөтүүгө чакырат.

БИШКЕК, 6-дек. — Sputnik. Бишкек мэриясы жаңы жылдык кечеден баш тартып, ага кетчү каражатты кайрымдуулукка жумшамай болду. Бул тууралуу муниципалитеттен кабарлашты.

Маалыматка караганда, мындай чечимди шаар жетекчилигине тиешелүү бардык мекемелер колдоду.

"Азыркыдай эпидемиологиялык жана экономикалык оор кырдаалда COVID-19 сыяктуу негизги көйгөйлөрдү унутпашыбыз керек. Андыктан аны менен күрөшүүдө калктын аялуу катмарына жардам беребиз. Бул максатта мэрия кызматкерлери жаңы жылдык көңүл ачуу кечесинен баш тартып, ага кеткен каражатка социалдык мекемелерге керектүү буюм-тайымдарды жана тиричилик техникаларын сатып берет", — деп айтылат билдирүүдө.

Мындан ташкары, мэрия Бишкектеги башка эмгек жамааттарын бул демилгени колдоп, муктаж болгон жарандарга жардам көрсөтүүгө чакырат.

Кайрымдуулук акциясын колдогон жамааттарга муниципалитет жардамга муктаж мекемелердин тизмесин бермекчи.

13
Белгилер:
Бишкек мэриясы, Жаңы жыл, кече, кайрымдуулук
Тема боюнча
Мэрия: быйыл Жаңы жылдын түнүндө салют атылбайт
2022-жылы кандай окуялар болот? Ванга менен Нострадамустун айткандары