Ош шаарынын көчөлөрүнүн бириндеги маршрутка. Архив

Ош шаарында маршруткага төлөнчү жол кире 20 сомго чейин көтөрүлдү

1481
(жаңыланган 13:08 25.11.2021)
Кичи автобустар үчүн жол кире кымбаттаган эмес, муниципалдык транспорт үчүн тарифтер дээрлик өзгөргөн жок.

БИШКЕК, 25-ноя. — Sputnik. Ош шаардык кеңешинин депутаттары калаада коомдук транспорттун жол киресин көтөрүүгө макулдук берди.

Ага ылайык, маршруткалардын тарифи күндүз 15 сом деп белгиленди. Ал эми кыш мезгилинде саат 19:00дөн 21:00гө чейин, жай мезгилинде 21:00дөн 23:00гө чейин 20 сомго көтөрүлдү. Мурда бардык убакытта жол акы 10 сом болчу.

Ал эми муниципалдык транспорттун тарифи дээрлик өзгөргөн жок. Болгону троллейбуста электрондук билети барлар үчүн жол кире 6дан 8 сомго жогорулады. Билети жоктор мурдагыдай эле төлөйт.

Автобустардын тарифи кымбаттаган жок, электрондук билети барларга 8, жоктор үчүн 10 сом бойдон калды.

Мектеп окуучулары да мурдагыдай эле автобус, троллейбуска 3, маршруткаларга 5 сом жол кире төлөйт.

Жаңы тарифтер кийинки жумадан тарта колдонулат. Азырынча так датасы белгисиз, шаардык кеңештин токтому төрага кол койгондон кийин күчүнө кирет.

1481
Белгилер:
Ош шаары, жол кире, маршрутка, автобус, тариф
Тема боюнча
Жол кире дагы көтөрүлсүн! Кара-Балтада маршрутка айдоочулары талабын айтты
Кытай грантынын эсебинен жол боюнча үч ири долбоору

Бишкек мэриясы Кытай грантынын эсебинен жол боюнча ири долбоор сунуштады

18
(жаңыланган 12:12 07.12.2021)
Келерки жылы Кытайдын жардамы менен Бишкектеги жолдорду куруу жана оңдоо боюнча кезектеги фазаны ишке ашыруу пландалып жатат.

БИШКЕК, 7-дек. — Sputnik. Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады.

Мэр города Бишкек Айбек Джунушалиев ознакомился с проектами, которые находятся на рассмотрении для третьей фазы дорожного проекта за счет гранта КНР. 07 декабря 2021 года
© пресс-служба мэрии города Бишкек Улукбек Шамбетов
Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады

Муниципалитеттин маалымат кызматы 2022-жылы "Бишкек шаарынын ички жол тармактарын өнүктүрүү" долбоорунун үчүнчү фазасын баштоо пландалып жатканын эске салды.

Мэрия сунуштаган долбоорлор:

  • Лев Толстой — Фучик — Садырбаев (Бах) көчөлөрүнүн кесилишинде эки деңгээлдүү автотранспорттук жол курулуп, Фучик көчөсү узартылат. Ошондой эле Бахтын Лев Толстойдон Гагаринге чейинки бөлүгү оңдолот;
  • Лев Толстой менен Жаш гвардия проспектисиндеги транспорттук түйүн проспектиден Матыев көчөсүнө чейин узартылат. Ошондой эле Чапаев көчөсүнө Ала-Арча дарыясы аркылуу өткөн көпүрө курулат;
  • Темир жол аркылуу Сүйүнбаев жана Төрөкул Айтматов көчөлөрүнө Лев Толстойго чыккан жол үстүндөгү көпүрөлөрдү куруу;
  • Кийин Кара-Дарыя көчөсүнүн Лев Толстойдон Медеровго чейинки бөлүгүн узартууга мүмкүнчүлүк жаралары айтылды.

Учурда долбоор алдындагы иштер жана алдын ала эсептөөлөр жүргүзүлүүдө.

18
Белгилер:
Бишкек, Кытай, грант, жол оңдоо, куруу, көпүрө, мэрия, долбоор, план
Тема боюнча
Бишкектин 23 жерине жол чырак коюлду. Даректери
Бишкек мэриясы жаңы жылдык кечеден баш тартып, акчасын кайрымдуулукка жумшайт
Мэрия: быйыл Жаңы жылдын түнүндө салют атылбайт
Бишкек шаардык мэриясынын алдындагы экологиялык кеңештин катчысы Адил Назаров

Бишкекти каптаган ыштын негизги себеби айтылды

17
Бишкек шаардык мэриясынын алдындагы экологиялык кеңештин катчысы Адил Назаров борбор калааны каптаган ыштын себептерин айтып берди.

Борбор калааны каптаган ыштын башкы себеби — Кара-Кеченин көмүрү. Мындай пикирин Адил Назаров Sputnik Кыргызстан радиосунда маек куруп жатып билдирди.

Бишкекти каптаган ыштын негизги себеби айтылды

Анын айтымында, Кара-Кеченин көмүрүндө нымдуулук ашыкча болуп, калдыгы көп, ошондой эле табы көп жок.

"Мэриянын алдындагы экологиялык кеңештин түзүлгөнүнө бир жыл болду. Ага көз карандысыз экологдор, эксперттер кирген. Буга чейин мамлекеттик органдар калааны каптаган ыштын так себебин айтпай келишти. Ошондуктан экологиялык кеңеш тарабынан шаардын аймагына атмосферанын тазалыгын аныктаган 50 аппарат орнотулду. Натыйжада абанын булганышынын негизги себеби — көмүрдүн түтүнү экени аныкталды. Буга чейин мындай көйгөй болгон эмес. Себеби Бишкек ЖЭБ Карагандадан алып келинген сапаттуу көмүрдү колдонгон. Кийин жергиликтүү көмүрдү колдонуу ниети менен ЖЭБ модернизациядан өткөрүлгөн. ТЭЦ жылына 1 миллион 600 миң тонна көмүр жагат. Мындан тышкары, 47 жаңы конуштун тургундары тарабынан 200 миң тонна көмүр колдонулат. Ошол түтүн шаарды каптоодо. Мындан улам ЖЭБди газга өткөрүү сунушу да айтылып келет. Бирок газ Россиядан дүйнөлүк баадан төмөн алып келинип жатканы менен көмүргө салыштырмалуу кымбат болуп калат. Ошондуктан борбор калаага сапаттуу көмүр алып келүүнү карап чыгуу зарыл. Мындан тышкары, Бишкек ЖЭБин мэриянын алдына өткөрүү сунуштары айтылууда. Ошондо көмүрдүн сапатын муниципалитет көзөмөл кылмак", — деди Назаров.

Ал автоунаалардан чыккан газ дагы шаарды каптаган түтүндүн себептеринин бири экенин кошумчалады.

17
Белгилер:
ыш, көмүр, экология, Адил Назаров
Тема боюнча
Азыр Бишкектин абасы кандай жана булгануунун деңгээлин кайдан билсе болот