Электр лампасы. Архив

Шайлоодон кийин жарык өчүрүлө баштайбы? Энергетика министрлигинин жообу

508
(жаңыланган 14:12 26.11.2021)
Буга чейин ишкерлер арасында 28-ноябрдан кийин, башкача айтканда, парламенттик шайлоодон соң электр энергиясы жапырт өчүрүлөт деген кооптонуулар болуп жатканы айтылган.

БИШКЕК, 26-ноя. — Sputnik. Өлкөдө ЖК шайлоосунан кийин электр энергиясына кескин чектөөлөр киргизилип же өчүрүлбөйт. Бул тууралуу Энергетика министрлигинин электр энергиядагы мамлекеттик саясат башкармалыгынын жетекчиси Айбек Айдаралиев билдирди.

Ал Sputnik Кыргызстан агенттигининин мультимедиалык маалымат борборунда өткөн "Агросектор тармагында электр жарыгы өчүрүлөбү?" деген тегерек столдо сөз сүйлөдү.

Буга чейин Агроөнөр жай комплексин өнүктүрүү ассоциациясынын аткаруучу директору Рустамжан Балтабаев ишкерлер арасында 28-ноябрдан кийин, башкача айтканда, парламенттик шайлоодон соң электр энергиясы жапырт өчүрүлөт деген кооптонуулар айтылып жатканын билдирген.

Айдаралиев электр энергиясына эч кандай чектөөлөр киргизилбей турганына жана өчүрүлбөстүгүнө ишендирди.

"Кооптонууга негиз жок. Шайлоо учурунда айрым талапкерлер жана партиялар упай топтоо үчүн айтып жатышат. Эртең жымжырттык күнү, бүрсүгүнү добуш берүү күнү. Дүйшөмбүдө эч кандай чектөөлөр болбой турганын өзүңүздөр деле көрөсүздөр. Биз күнү-түнү иштеп жатабыз, өзүбүздүн пландарыбыз, көрө турчу чараларыбыз бар", — деди министрликтин өкүлү.

Ал кийинки жылы Кыргызстанда электр энергиясы өндүрүү көбөйтүлөрүн кошумчалаган.

508
Белгилер:
Кыргызстан, электр энергиясы, шайлоо
Тема боюнча
Садыр Жапаров акча кымырган энергетиктердин бир схемасын ачыктады
110 миң үй-бүлө электр энергияга 50 тыйындан төлөсүн. Жапаров тапшырма берди
Айталиев: күн энергиясын пайдаланып электростанция курууга кызыккандар көп
Кишилер майрам учурунда. Архив

Бишкек мэриясы жаңы жылдык кечеден баш тартып, акчасын кайрымдуулукка жумшайт

2
(жаңыланган 17:40 06.12.2021)
Мэрия Бишкектеги башка эмгек жамааттарын бул демилгени колдоп, муктаж болгон жарандарга жардам көрсөтүүгө чакырат.

БИШКЕК, 6-дек. — Sputnik. Бишкек мэриясы жаңы жылдык кечеден баш тартып, ага кетчү каражатты кайрымдуулукка жумшамай болду. Бул тууралуу муниципалитеттен кабарлашты.

Маалыматка караганда, мындай чечимди шаар жетекчилигине тиешелүү бардык мекемелер колдоду.

"Азыркыдай эпидемиологиялык жана экономикалык оор кырдаалда COVID-19 сыяктуу негизги көйгөйлөрдү унутпашыбыз керек. Андыктан аны менен күрөшүүдө калктын аялуу катмарына жардам беребиз. Бул максатта мэрия кызматкерлери жаңы жылдык көңүл ачуу кечесинен баш тартып, ага кеткен каражатка социалдык мекемелерге керектүү буюм-тайымдарды жана тиричилик техникаларын сатып берет", — деп айтылат билдирүүдө.

Мындан ташкары, мэрия Бишкектеги башка эмгек жамааттарын бул демилгени колдоп, муктаж болгон жарандарга жардам көрсөтүүгө чакырат.

Кайрымдуулук акциясын колдогон жамааттарга муниципалитет жардамга муктаж мекемелердин тизмесин бермекчи.

2
Белгилер:
Бишкек мэриясы, Жаңы жыл, кече, кайрымдуулук
Тема боюнча
Мэрия: быйыл Жаңы жылдын түнүндө салют атылбайт
2022-жылы кандай окуялар болот? Ванга менен Нострадамустун айткандары
Министрлер кабинетинин төрагасы Акылбек Жапаров. Архив

Акылбек Жапаров үй-бүлөсү менен батирде жашап, 7 унаа айдайт. Декларация

390
(жаңыланган 16:08 06.12.2021)
Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

БИШКЕК, 6-дек. — Sputnik. Министрлер кабинетинин төрагасы Акылбек Жапаров былтыр 815 357 миң сом киреше тапкан. Бул туурасында анын Салык кызматына тапшырган декларациясында көрсөтүлөт.

Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

Ал эми жакын туугандары өткөн жылы 96 миллион 745 миң 719 сом пайда тапкан. Алар беш контейнер жана жети автоунаага ээлик кылат.

Контейнерлери жана аянты:

  • Контейнер — 22,7 чарчы метр;
  • Контейнер — 1026,6;
  • Контейнер — 192;
  • Контейнер — 1021,7;
  • Контейнер — 67,6.

Автоунаалары:

  • Mercedes-Benz 210;
  • Mercedes-Benz 410;
  • Mercedes-Benz 409;
  • Mercedes-Benz 208;
  • Mercedes-Benz 811;
  • Mercedes-Benz 7100;
  • Mercedes-Benz 308.
390
Белгилер:
Акылбек Жапаров, декларация, автоунаа, контейнер
Тема боюнча
Садыр Жапаров жана анын үй-бүлөсү кандай мал-мүлккө ээлик кылары жарыяланды
Карылар жана балдар үйүндө жашагандардын тамактануусуна 2 эсе көп акча бөлүнөт