Турнир по кикбоксу в Баткене

Баткен: кикбоксинг боюнча эл аралык турнирде кыргызстандыктар күчтүүлүк кылды

132
(жаңыланган 11:37 12.05.2015)
Кадамжай районунда кикбоксинг боюнча мелдеш өтүп, ага Тажикстан, Казакстан жана Кыргызстандын спортчулары катышты

БИШКЕК, 11-май — Sputnik. Баткендин Кадамжай районунда жеңиштин 70 жылдыгынын урматына кикбоксинг боюнча эл аралык турнир өтүп, жеңүүчүлөр кубогунун көбү кыргызстандык спортчуларда калды. 

Турнир “Ош Азия“ спорт клубу, Кадамжай районунун администрациясы жана ИИМ орун басары Курсан Асанов тарабынан уюштурулуп, ага Тажикстан, Казакстандын спортчулары да катышты. 

“Күчтөр согуш талаасында эмес, рингде гана сыналып, жергебизде тынчтык жана өнүгүү болушун тилейм”, — деди салтанатты ачып жатып министрдин орун басары Асанов. 

Ал Жеңиштин 70 жылдык урматына министр Мелис Турганбаевдин атынан Улуу Ата Мекендик согуштун жана ооруктун катышуучуларына эстелик медалдарды тапшырып, аларга ыраазычылыгын айтып, бекем ден соолук каалады.

Таймаштын жыйынтыгында Казакстан менен Тажикистандан келген спортчулар бирден кубокко ээ болсо, калгандарын кыргызстандык кикбоксчулар алышты. 

Жалпысынан профессионалдык сегиз беттешүү болуп, алардын ичинен эки беттешүүдө Казакстан менен Тажикстандын спортчулары, ал эми калгандарында кыргызстандыктар жеңишти камсыз кылышты.

132
Белгилер:
Тажикстан, Курсан Асанов, Жеңиштин 70 жылдыгы, спорт, кикбоксинг
Тема:
Улуу Жеңишке 70 жыл (117)
Тема боюнча
Түркиядагы кыргызстандыктар достукту спорт менен чыңдашат
Бокс боюнча эл аралык турнирде КР беш алтын медаль утуп алды
Футбол боюнча Кыргызстандын курамасы ФИФАнын рейтингинде 153-орунда турат

Белгилүү боксчу көз караштар таймашында атаандашынын бетин тытып алды. Видео

91
(жаңыланган 12:31 23.09.2021)
Бул 6-ноябрь күнү Лас-Вегаста (АКШ) өтө турган беттешке карата уюштурулган биринчи маалымат жыйын болгон.

БИШКЕК, 23-сен. — Sputnik. Мексикалык боксчу, WBA, WBC жана WBO чемпиону Сауль (Канело) Альварес америкалык IBF титулунун ээси, супер орточо салмактагы Калеб Планттин бетин тытып алды. Бул туурасында ESPN телеканалы жазды.

Белгилүү мушкерлердин жаңжалы көз караштар таймашы учурунда чыккан. Алгач алар айтыша кетип, андан соң мексикалык боксчу америкалык атаандашын түртүп жиберген. Ага жооп катары кайтып келип алаканы менен чапкан. Аларды күзөтчүлөр арачалап, токтотуп калган. Натыйжада Альварестин бетинин оң тарабы тытылып кеткен.

"Сен мен тууралуу оозуңа келгендин баарын айтсаң да, апама тийишпе. Мен апам тууралуу жаман нерсе айткан кишинин ар бири менен мушташам", — деп айткан Альварес жаңжалдан кийин журналисттердин суроосуна жооп берип жатып.

Бул 6-ноябрда Лас-Вегаста (АКШ) өтө турган беттешке карата уюштурулган биринчи маалымат жыйын болгон. Ал күнү супер орточо салмак категориясындагы абсолюттук чемпион аныкталат.

91
Белгилер:
бокс, көз караштар таймашы, атаандаштык, мушташ
Тема боюнча
"Нокауттардын ханышасы". Шевченко UFC уюмун кантип багындырган. Видео
Жаракат алгандары бар... Казакстанда спортчулар чабыша кеткен видео
Дзюдочулар беттеш учурунда. Архив

Кыргызстанда Дзюдо эл аралык академиясы ачылат

71
Күрөш академиясынын расмий ачылыш аземи 1-октябрга белгиленип, ага балдар, чоңдор, ошондой эле дзюдо менен машыгууну каалагандар чакырылат.

БИШКЕК, 23-сен. — Sputnik. Кыргызстанда Дзюдо эл аралык академиясы ачылат. Бул тууралуу өлкөнүн Улуттук дзюдо федерациясы билдирди.

Күрөш академиясынын расмий ачылыш аземи 1-октябрга белгиленип, ага балдар, чоңдор, ошондой эле дзюдо менен машыгууну каалагандар чакырылат.

Академиядагы сабактар профессионал спортчулар үчүн эле эмес, ден соолугуна кам көргөн, спорттун бул түрүн өздөштүрүүнү же келечектеги олимпиада чемпиону болууну каалаган бардык адамдар үчүн ылайыктуу.

"Академия — бул бүтүндөй үй-бүлө үчүн спорттук комплекс. Борбордо сиздин каалооңузду жана балаңыздын каалоолорун угушат, ар бир ышкыбозго ылайыктуу болгон жеке окутуу-машыгуу планы түзүп берилет", — деп айтылат маалыматта.

Уюштуруучулар дзюдо спорту булчуңду гана өстүрбөстөн мүнөздү дагы тарбиялай турганын белгилешти.

71
Белгилер:
дзюдо, академия, ачылыш, спорт, күрөш
Тема боюнча
Футбол: Кыргызстан кубогунун ээси аныкталды
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров

Пирназаров: Кыргызстанда криптобиржалардын ишмердүүлүгү көзөмөлдөнөт

0
(жаңыланган 13:44 23.09.2021)
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров Кыргызстанда криптобиржалардын ишмердүүлүгү тууралуу жобо иштелип чыккандыгын айтты.

Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы. Мындай пикирин Марат Пирназаров Sputnik Кыргызстан радиосунун эфиринде маек куруп жатып билдирди.

Пирназаров: Кыргызстанда криптобиржалардын ишмердүүлүгү көзөмөлдөнөт

Анын айтымында, аталган багытта шарт түзүү аркылуу көп киреше табуу мүмкүнчүлүгүн жаратса болот.

"Кыргызстанда криптобиржаларга укуктук талаа түзүү үчүн аракеттер жүрүп жатат. Финансы рыногун жөнгө салуу жана көзөмөлдөө боюнча мамлекеттик кызматка криптобиржалардын ишмердүүлүгүнө шарт түзүү максатында тиешелүү укуктук ченемдик актыларды иштеп чыгуу тагылган. Ушул жылдын 27-майында Экономика жана финансы министрлигинин буйругу менен мекемелер аралык жумушчу топ түзүлүп, бул тармакты билген адистер менен биргеликте жобо иштеп чыктык. Жобо министрлер кабинетинин кароосуна киргизилип, макулдашуу иштери жыйынтыкталууда. Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы", — деди Пирназаров.

Ошондой эле адис криптоактивдер менен ишмердүүлүгүн жүргүзгөндөр санариптик биржалар боюнча билим алып коюусу керектигин кошумчалады.

0
Белгилер:
Марат Пирназаров, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты