Кыргызстан – Австралия матчына билеттер 9-июндан тарта сатыкка чыгат

Кыргызстан Австралия матчына билеттер 9-июндан тарта сатыкка чыгат

45
(жаңыланган 14:05 08.06.2015)
Оюнга билеттерди Долон Өмүрзаков атындагы стадиондун кассасынан жана анын жанындагы соода түйүндөрүнөн сатып алууга болот. Мындан тышкары, билеттерди футбол федерациясынын дарегине жазылган жамааттык билдирменин негизинде алууга болот.

БИШКЕК, 8 июнь — Sputnik. Футбол боюнча Кыргызстан – Австралия матчына билеттер 9-июндан тарта сатыла турганын Sputnik агенттигине КР Футбол федерациясынын маркетинг боюнча директору Анна Осмоналиева билдирди. 

2015-жылдын июнь айынан баштап үч жылдан кийин Россияда өтө турган дүйнө чемпионатына карата Азиянын экинчи тандоо турнири башталат.

КР курамасы В тайпасына кирди. Кыргызстандыктар Австралия, Иордания, Тажикстан жана Бангладештин командалары менен ат салышат. Австралия менен алгачкы беттешүү 16-июнда Бишкекте өтөт. Ага чейин футболчулар Бангладеште жергиликтүү команда менен оюн өткөрөт.

Осмоналиеванын айтымында, саттыкка бардыгы болуп 18 миң 338 билет коюлат. Бир билеттин баасы 150 сомдон 500 сомго чейин болушу күтүлүүдө.

Оюнга билеттерди Долон Өмүрзаков атындагы стадиондун кассасынан жана анын жанындагы соода түйүндөрүнөн сатып алууга болот. Мындан тышкары, билеттерди футбол федерациясынын дарегине жазылган жамааттык билдирменин негизинде алууга болот.

45
Белгилер:
футбол, дүйнө чемпионаты, Анна Осмоналиева, Бангладеш, Австралия, Кыргызстан
Тема:
Кыргызстан – Австралия беттеши (27)
Тема боюнча
КР футбол боюнча командасы FIFA рейтингинде 24 орунга төмөн түштү
Кыргызстандын футболчулары Испаниянын командасы менен ойнойт
Дүйнө чемпионатын КРдин артисттеринин курама командасы тең чыгуу менен баштады
UFC чемпиону Хабиб Нурмагомедов жана лиганын президенти Дана Уайт. Архивдик сүрөт

Эки беттешти күтүп жатам. Хабиб UFC башчысына кандай шартта спортко кайтарын айтты

146
(жаңыланган 12:52 17.01.2021)
Россиялык спортчунун шарттары Конор Макгрегор менен Дастин Порьенин, Дэн Хукер менен Майк Чендлердин кармашынан көз каранды экени белгилүү болду.

БИШКЕК, 17-янв. — Sputnik. Мушкерлер UFC уюмунун чемпиондук куруна татыктуу экенин чындап көрсөтө алышса октагонго кайтам. Бул тууралуу Хабиб Нурмагомедов лиганын президенти Дана Уайтка билдиргенин Eurosport жазды.

Ишемби күнү Уайт менен Нурмагомедов жабык эшик артында сүйлөшүштү. UFC башчысынын айтымында, ага Хабиб спортто жетиштүү ийгиликти багындырганын, кайра кайтууга шык бере турчу деле нерсе жок экенин билдирген. Бирок ал Конор Макгрегор менен Дастин Порьенин, Дэн Хукер менен Майк Чендлердин кармашына көз саларын белгилеген.

"Жеңил салмактагы ушул беттештерди көрөйүн деп күтүп жатам. Балдар кызыктуу кармаш тартуулап, мага чыныгы атаандаш экенин көрсөтө алышса сегиз бурчтукка кайтам", — деген Нурмагомедов.

Россиялык мушкер октябрда америкалык Жастин Гэтжини утуп, үчүнчү ирет чемпиондук титулун коргогон. Беттештен кийин 32 жаштагы Нурмагомедов спорттук карьерасын жыйынтыктаганын жар салган. Кийинчерээк UFC президенти Дана Уайт бир нече жолу Хабибдин октагонго кайра чыгарын ишенимдүү айткан.

Нурмагомедов дагы UFC жетекчиси анын октагонго кайтышын каалап, улам-улам мыкты шарттарды жана жаңы атаандаштарды сунуштап жатканын билдирген. 

146
Белгилер:
мушкер, октагон, спорт, Дана Уайт, Хабиб Нурмагомедов, UFC
Тема боюнча
Хабиб кандай учурда октагонго кайтышы мүмкүн. Менеджердин жообу
Аягына чейин кармашкам. Хабиб менен беттешкен кыргыз мушкер Турсунбектин маеги
Курду тээп ийген Хабиб, сый көрсөткөн Конор. 2020-жылдагы тиктешүүлөр видеодо

Чыканак менен башка уруп... Соңку UFC турниринин кызыктуу учурлары видеодо

32
Кечээ Абу-Даби шаарында UFC Fight Island 7 турнири болуп өттү. Кеченин башкы беттешинде америкалык мушкер Макс Холлоуэй мекендеши Кэлвин Каттарды утуп алды.

Турнирдин кызыктуу учурлары UFC Russia аталышындагы YouTube-каналга жүктөлдү.

Уюмдун мурдагы чемпиону Холлоуэй спортто жолу болбой, буга чейин эки ирет утулган эле. Учурда жеңишин майрамдап жаткан кези. Ал эми атаандашы Каттар, тескерисинче, эки ирет катары менен жеңип, эми утулуп отурат.

Кеченин дагы бир башкы беттешинде америкалык Карлос Кондит дагы бир АКШ спортчусу Мэтт Браунду калыстардын чечими менен уткан.

32
Белгилер:
видео, мушкер, турнир, UFC, Абу-Даби
Тема боюнча
UFC 2020-жылдагы эң мыкты беттештердин бүйүр кызыткан видеосун жарыялады
Шприц чыгарган ишкана. Архивдик сүрөт

Министр Кара-Суудагы шприц чыгарган ишкананы көрдү. Сүрөт

0
(жаңыланган 15:11 17.01.2021)
Ишкананын ээси мурда шприцтер менен түштүк аймагын гана камсыздап келишсе, жакынкы убакыттарда республиканы камсыздап жатышканын айткан.

БИШКЕК, 17-янв. — Sputnik. Саламаттык сактоо министри Алымкадыр Бейшеналиев Оштун Кара-Суу районундагы шприц чыгаруучу ишкана менен таанышканын мекеменин маалымат кызматы кабарлады.

Белгилей кетсек, соңку күндөрү министр түштүк жергесинде иш сапары менен жүрөт.

Жеке ишкер Канатбек Кадыров ишкана 5 жана 10 граммдык шприцтер менен инсулин алганга ылайыкталган шприцтерди чыгарарын айткан.

"Мурда шприцтер менен түштүк аймагын гана камсыздасак, жакынкы убакыттарда республиканы камсыз кылганга жетиштик. Эми медициналык кол каптарды дагы чыгаралы деп турабыз", — деген ишкер.

Министр мындай кадамдар өлкө үчүн жеңилдик экенин айтып, ишкана жетекчисине ыраазычылыгын билдирген.

0
Белгилер:
ишкер, ишкана, Алымкадыр Бейшеналиев, КР Саламаттык сактоо министрлиги, Кара-Суу району, Ош
Тема боюнча
Ош облусунун ооруканаларына 26 тез жардам унаасы берилди