Эже-сиңди Шевченколор тай боксу боюнча мыкты экендиктерин дагы бир ирет тастыкташты

Эже-сиңди Шевченколор тай боксу боюнча мыкты экендиктерин дагы бир ирет ырасташты

(жаңыланган 16:40 26.08.2015)
Кыргызстандык эже-сиңди Шевченколор муай-тай боюнча дүйнөлүк чемпионатта алтын жана күмүш медалга татыды.

БИШКЕК, 26-авг. — Sputnik. Эже-сиңди Валентина жана Антонина Шевченколор тай-боксу боюнча эл аралык "Падыша кубогу" чемпионатында алтын жана күмүш медалды утуп алышты. Бул тууралуу Кыргызстандын Тай бокс боюнча федерациясы билдирди. 

Мелдеш Таиланддын Бангкок шаарында өткөн. Бул жылы турнирге жүздөгөн мамлекеттен эки жарым миңден ашык спортчу катышкан.

Төрт мелдеш өткөргөн Валентина Шевченко Морокко, Израиль, Бельгия жана Белоруссиядан келген спортчуларды жеңип алган. Ошентип ал 60 килограмм салмакка чейинки категория боюнча биринчи болду.

Антонина Шевченко болсо, Мароккодон жана Россиядан келген спортчуларды утуп, бутунан жаракат алгандыктан, финалга катыша албай калган. Ал финалдык беттеште австралиядан келген мушкер менен чыкмак. Антонина 63,5 килограмм салмак категориясы боюнча күмүш байгеге татыды.

Андан сырткары, бул мелдеште беш мушкерден турган Кыргызстандын курама командасы да катышып, тилекке каршы, биринчи айлампада эле оюндан чыгып калган.

"Учурда эже-сиңдилер машыктыруучусу Павел Федотов менен Бангкок шаарынын Пхутек аралына келет. Кыска эс алуудан кийин Кытайда сентябрь айында боло турган К-1 мелдештерине даярдана башташат", — деп айтылат билдирүүдө.

Эже-сиңди Шевченколор мелдештерге Перу шаарындагы клубдун атынан катышып келет.

Белгилер:
мелдеш, тай боксу, Валентина Шевченко, Антонина Шевченко, Тайланд
Тема боюнча
Белова: Валентина Шевченко жылдын мыкты спортчусу наамына татыктуу

Атаандашы 7-раунддан кийин чыкпай койду. Боксчу Акжолдун жеңиши видеодо

(жаңыланган 17:16 18.04.2021)
Эки спортчу тең мурда жеңилүү ызасын тарткандан кийин рингге чыгышкан. Кыргызстандык боксчуга жеңиш оңойчулук менен келген жок. Каршылашы менен жети раунд беттешип багындырды.

Кыргызстандык боксчу Акжол Сулайманбек уулу Екатеринбург шаарында өткөн RCC Boxing Promotions турниринде россиялык атаандашы Никита Кузнецовду утуп алды.

Аталган уюмдан Сулайманбек уулу дал ушул жеңиши үчүн бокска кайтканын белгилешти. Ал өткөн жылы март айында нокаут менен утулуп калган эле.

Кыргызстандык спортчу ар бир раунд сайын күч алып, таамай сокку уруп жатты. Жетинчи раунддан кийин Кузнецов беттешти улантуудан баш тартты.

Муну менен Сулайманбек уулунун куржунунда 16 жеңиш, бир жеңилүү бар. 2018-жылы ал Дүйнөлүк бокс ассоциациясынын версиясы боюнча Азия чемпиону болгон. Бул титулду төрт жыл катары менен сактап келет.

Белгилер:
жеңиш, беттешүү, бокс, Акжол Сулайманбек уулу
Тема боюнча
Эркин күрөштөн биринчи болуп Эрназар Акматалиев Олимпиадага лицензия утту. Видео
UFC Валентина Шевченко катыша турган мелдештин трейлерин жарыялады. Видео
Кыргызстандын футбол боюнча курама командасынын жарым коргоочусу Гүлжигит Алыкулов. Архивдик сүрөт

"Кыргызстандык Месси" алматылык клуб менен келишимин узартты

Гүлжигит Алыкулов "Кайрат" клубунда ойной баштаганына бир жылдан өттү. Буга чейин ал Беларустун "Неман" командасында болчу.

БИШКЕК, 18-апр. — Sputnik. Кыргызстандын футбол боюнча курама командасынын жарым коргоочусу Гүлжигит Алыкулов Алматынын "Кайрат" клубу менен келишимин узартты. Бул тууралуу клубдун маалымат кызматы кабарлады.

Жаңы келишимге ылайык, футболчу ал жакта 2023-жылдын аягына чейин ойноп, дагы бир жылга калып калууга мүмкүнчүлүгү бар.

"Кыргызстандык Месси" атыккан оюнчу "Кайратка" 2020-жылы беларустук "Неман" клубунан өткөн.

Эске салсак, Алыкулов быйыл Азия чөлкөмүндө "Аптанын оюнчусу" номинациясын эки ирет жеңип алды.

Белгилер:
келишим, ФК Кайрат, Алматы, Гүлжигит Алыкулов, футбол, Кыргызстан
Тема боюнча
Кыргызстандык Эрназар Алматыдагы мелдеште мыкты ыкма жасаган спортчу болду. Видео
Эт жеп жаткан адам. Архив

Организмди талкалай турчу азык, суусундуктар. Тизме

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

БИШКЕК, 19-апр.— Sputnik. Диетолог Елена Кален тамактануу рационунан азайта турчу, ал тургай таптакыр эле чийип салчу тамак-ашты санап бергенин РИА Новости жазды.

Адистин айтымында, биринчи кезекте конфет менен таттуу суусундуктан баш тартуу кажет. Булар ашыкча салмакка, семирүүгө алып келип, канда канттын деңгээлин көбөйтүшү ыктымал.

Жыйынтыгында адам кант диабетине чалдыгышы толук мүмкүн. Ошондой эле таттууну көп жегенде боор жакшы иштебей, тери бузулат.

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

Диетолог ичимдикти да тизмеден чийип салууну сунуштаган.

"Ичимдик ичкен адам тез карып, боор, кан тамыр ооруларына чалдыгат. Ичимдик кант диабети, гипертония жана панкреатит илдеттеринин өрчүү тоболкелчилигин жогорулатат", — деген Кален.

Адис кофени көп ичүү да организмди буза турганын айткан. Көпчүлүктүн сүйүктүү суусундугу кан басымды көбөйтүп, жүрөктүн тез согуусун шартташы ыктымал.

Белгилер:
алдын алуу, дарт, суусундук, азык-түлүк, организм, диетолог
Тема боюнча
Вирусту жолотпойт! С витаминине бай алты азык аталды
Эксперт: туура тамактанган баланын ийгиликке жетүү мүмкүнчүлүгү жогору болот