Замирбек Сыргабаев уверенно одержал победу над соперником из США.

Чемпион Замирбек Сыргабаев: уктап, эс алып алгандан кийин, түлөө өткөрөбүз

977
(жаңыланган 11:23 21.09.2015)
Жефф Монсон менен болгон беттештен кийин Замирбек Сыргабаев спорттогу карьерасы менен коштошуп, өзүнүн сүйүктүү машыктыруучулук ишин улантарын айтып берди. Ал Кызыл-Кыядагы депутаттык ишин да калтырбай тургандыгын кошумчалады.

Ишемби күнү Бишкекте Jash Kuch Fighting Championship (JFC) MMA боюнча чемпиондук турнир өткөрдү. Анда океандын ары жагынан келген MMA боюнча чемпион Жефф Монсон кыргызстандык спортчу, Кызыл-Кыя шаардык кеңешинин депутаты менен мушташты. Оюндун жыйынтыгында Замирбек Сыргабаев чемпион деп табылды. 

Сыргабаев журналисттерге берген маегинде кечээки өткөн турнир, америкалык чемпион менен өзүнүн беттеши, шакирттери туурасында айтып берип, колдоо көрсөткөн күйөрмандарына ыраазычылыгын билдирди.

— Беттешүүгө даярдык кандай болду, дегеле кечээки күндүн таасирлери менен бөлүшө кетсеңиз? 

— Мен бул беттешүүгө кыргыз элинин намысы үчүн деп абдан берилип, жан аябай даярдандым. Рингге чыгар алдында эмнегедир, өтө толкунданып кеттим. Негизи бул ар бир эле спортчуга мүнөздүү көрүнүш деңизчи, бул жерде чыккан киши эрежелерди карманып да, же аларды сактабай да мушташа да берет. Бүгүн да уктаган жокмун, дегеле, үч күндөн бери уйкум качып кетти. Кыязы, эртеңден тарта кадимки калыбыма келе баштайм. 

— Сиз негизинен кол менен уруп калып жаттыңыз, бүгүн ооруганы сезилип жатабы? 

— Ар бир мушташтан кийин колуң же бутуң жаракат алат. Бул спорттогулар үчүн көнүмүш болуп калган. Бирок операциясыз эле айыгып кетебиз (жылмайды). 

— Жеңиш менен куттуктаган жүрөккө жакын адамыңыз ким болду?

— Беттеш бүткөндөн кийин дароо эле апама чалдым. Апам да мени куттуктады, мен аны куттуктадым (жылмайды). Экөөбүз бири-бирибизди куттукташтык. 

— Мушташтан кийин Монсон менен көрүшө алдыңызбы?

— Жефф Монсон – күчтүү, атактуу жана жакшы спортчу. Ооба. Ага мындан аркы беттешүүлөрүндө, спортто ийгиликтерди жана үй-бүлөсүнө жакшылык кааладым. 

  • Чемпионат ММА JFC в Бишкеке.
    ММА JFC чемпионаты
    © Sputnik / Табылды Кадырбеков
  • Чемпионат ММА JFC в Бишкеке.
    ММА JFC чемпионаты
    © Sputnik / Табылды Кадырбеков
  • Чемпионат ММА JFC в Бишкеке.
    ММА JFC чемпионаты
    © Sputnik / Табылды Кадырбеков
  • Чемпионат ММА JFC в Бишкеке.
    ММА JFC чемпионаты
    © Sputnik / Табылды Кадырбеков
  • Чемпионат ММА JFC в Бишкеке.
    ММА JFC чемпионаты
    © Sputnik / Табылды Кадырбеков
  • Чемпионат ММА JFC в Бишкеке.
    ММА JFC чемпионаты
    © Sputnik / Табылды Кадырбеков
1 / 6
© Sputnik / Табылды Кадырбеков
ММА JFC чемпионаты

— Айтсаңыз, кимиңер күчтүүрөөк элеңер, сизби же Монсонбу? 

— Мен мушташта үстөмдүк кылып жатканымды сезип турдум. Калыстар өздөрүнүн баасын берди, алар менен талашпайм. 

— Беттештен кийинки күндү кантип өткөрөсүз?

— Алгач, уктап, эс алып алабыз. Өзүбүзгө келгенден кийин түлөө кылып кой соёбуз, анан тер төгүп машыккан кадимки спорт күндөрү башталат. Анын үстүнө, мен Кызыл-Кыя шаардык кеңешине депутатмын. Бүгүн-эртеңдерден ал жакка жөнөйм. Элди тапшырыгы толуп кетсе керек (күлдү). 

— Бул жеңиш сизге эмне берди, мындан ары дүйнөлүк аренага умтуласызбы?

— Чынын айтсам, спорттогу карьерам менен коштошуп жатам. Монсонду жеңүү кырктын кырына келип калган спортчу үчүн чоң жетишкендик. Өзүмдүн машыктыруучулук ишимди улантам. Баса, кечээ балдар татыктуу беттешти, мен аларга ишенгем. Эми аларды өргө, спорттун дагы бийиктигине чыгарганга аракетимди жумшайм.

— Эгерде чеберчиликти көрсөтүп бере турган же кайрымдуулукка арналган мушташтарга чакырса барар белеңиз?

— Чакырса, барабыз. Адатта, андай беттештерге ардактуу конок катары чакырышат. Эгерде, чакыруу болсо, ошол жерге барып, жаңы чыгып келе жаткан балдарга дем берип, жеңишке сүрөйбүз. 

— Кечээ мушташты көрө албай калганына ыза болгондор беттешүү өткөн имараттын амфитеатрына таш ыргытышыптыр, бул боюнча пикириңизди уксак?

— Күйөрман деген күйөрман. Алар беттешүүнү көрүүгө бар күчүн жумшап, аракет кылат. Алардан тынчтыкты сактоону суранып, маанилүү беттешүү аягында болорун айтышты эле, угуп калышты. Алардын мени колдоп турганына ыраазычылыгымды билдирем. 

Замирбек Сыргабаев — самбо, ММА, бокс боюнча эл аралык класстагы спорт чебери, панкратион боюнча Евразия чемпиону, аны менен кошо эле Кыргызстандын панкратион боюнча абсолюттук чемпиону. Кызыл-Кыя шаардык кеңешинин депутаты.

977
Белгилер:
Бишкек, Замирбек Сыргыбаев, Жефф Монсон, самбо, бокс, күйөрман
Тема:
Монсон менен Сыргабаевдин Бишкектеги беттеши (7)
Олимпиада оюндарынын коло байге ээси Мээрим Жуманазарова. Архивдик сүрөт

Ийгилик артынан ийгилик. Жуманазарова дүйнөлүк уюмдан 7 миң доллар сыйлык алат

314
(жаңыланган 12:50 04.12.2021)
Жуманазарова быйыл төрт ири мелдешке катышып, 114 упай топтоо менен дүйнөлүк рейтингде экинчи орунга жайгашкан. Биринчи жана үчүнчү сапта америкалык жана нигериялык спортчулар турат.

БИШКЕК, 4-дек. — Sputnik. Олимпиада оюндарынын коло байге ээси Мээрим Жуманазарова (68 кг) быйылкы жараткан ийгиликтери үчүн Бириккен күрөш дүйнөсүнөн (UWW) 7 миң доллар сыйлык алат. Бул тууралуу уюмдун сайтында жазылды.

Эл аралык спорттук уюм узаган жылдын жыйынтыгын чыгарып жатат. Дүйнөлүк рейтингдеги алдыңкы үчтүккө кирген спортчуларга эми жыл сайын акчалай сыйлык берилип турмакчы. Рейтингде биринчиде турган спортчуга 10 миң доллар, экинчиге жети миң, ал эми үчүнчү саптагы атлеттерге үч миң доллар сый акы каралган.

Жуманазарова быйыл төрт мелдешке катышып, 114 упай топтоо менен рейтингде экинчи орунга жайгашкан.

"Жуманазарова Азия чемпиону болгондо 18, Польшадагы чемпионатта коло алганда 12, Олимпиада оюндарында үчүнчү орунду багындырганда 26 упай, Ослодо дүйнө чемпионатын жеңгенде 58 упай топтой алды", — деп жазылган уюмдун сайтында.

Рейтингдин сап башын 123 упай менен америкалык Тамира Менса ээлеген, ал эми үчүнчүдө 90 упай менен нигериялык Блессинг Оборудуду турат.

Мээрим кечээ "Гран-при Москва — АЛРОСА кубогу" мелдешиндеги атаандашы Ханум Велиеваны 3:2 эсеби менен утуп алды.

Буга чейин UWW кыргызстандык балбандар Айсулуу Тыныбековага 10 миң доллар, Эрназар Акматалиев менен Жоламан Шаршенбековго үч миң доллардан сыйлык бермей болгон

314
Белгилер:
UWW, Мээрим Жуманазарова, күрөш, рейтинг, сыйлык
Тема боюнча
UWW Тыныбековага быйылкы ийгиликтери үчүн 10 миң доллар сыйлык берет
Мээрим Жуманазарова Гран-при мелдешиндеги атаандашы Велиеваны дагы утту
Тыныбекова менен Жуманазарова атаандаш. Өлкөдө мыкты спортчулар аныкталууда

Кыргыздар кошо гимн ырдап... Жуманазарова Велиеваны Москвада уткан видео

602
(жаңыланган 11:34 04.12.2021)
Кыргызстандык балбан кыз Мээрим Жуманазарова россиялык атаандашы Ханум Велиевадан мыкты экенин дагы бир жолу далилдеди. Беттеш "Гран-при Москва — АЛРОСА" кубогунун алкагында болду.

Эки бөлүккө созулган кыл чайнаш кармаштын жыйынтыгында Кыргызстандын балбан кызы жеңишти илип кетти. Биринчи эле бөлүктө Мээрим адегенде контрчабуул жасап бир упай алды. Көп өтпөй бутка кирип, атаандашын партерге жыгып дагы эки баллга ээ болду. Бөлүк 3:0 менен аяктады.

Экинчи үч мүнөттүктө кыргызстандык балбан кыз эсеп артыкчылыкты сактап калуу тактикасы менен күрөштү. Велиева чабуул жасап Мээримди эки ирет чийин сыртына сүрүп чыгарып эки упай алды. Беттеш 3:2 Мээримдин артыкчылыгы менен жыйынтыкталды.

Мээрим Жуманазарованы мелдешке машыктыруучу атасы Рахмадил Жуманазаров коштоп барган. Мелдеш Москва шаарындагы "ВТБ Арена Парк" спорттук жайында өттү.

Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган. Машыктыруучулук штаб Мээрим менен кеңешип, бул сунушка макул болгон.

Спортчу кыздар муну менен төртүнчү ирет кез келип жатат. Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти жасап, упай алганы үчүн кыргызстандык балбан кызга артыкчылык берилген. Калыстар беттеш эсебин таблодо туура эмес көрсөткөндүгү үчүн кармаштын жыйынтыгына карата айрым түшүнбөстүктөр пайда болгон. Мындан улам Россиянын машыктыруучулар штабы кармашта реферилер ката кетирген деп эсептеп, калыстык кылган топтун үстүнөн даттанарын айтып чыккан болчу.

Ал эми 2019-жылы Финляндияда өткөн жаштар арасындагы дүйнөлүк чемпионатта беттешсе, экинчисинде Польшада былтыр өткөн Poland Open 2020 эл аралык турниринде кез келип, Мээрим 7:2 эсебинде уткан. Үчүнчүсүндө быйыл Норвегиянын Осло шаарында өткөн дүйнө биринчилигинин жарым финалында кармашып, Мээрим жеңип алган

602
Белгилер:
Кыргызстан, Мээрим Жуманазарова, күрөш, балбан, жеңиш, видео
Тема боюнча
UWW Тыныбековага быйылкы ийгиликтери үчүн 10 миң доллар сыйлык берет
Мээрим Жуманазарова Гран-при мелдешиндеги атаандашы Велиеваны дагы утту
Дарбазачыга гол кирип атат. Иллюстративдик сүрөт

Египетте гол киргенине катуу сүйүнгөн машыктыруучунун жүрөгү кармап каза болду

0
(жаңыланган 18:55 04.12.2021)
Көз жумган машыктыруучунун командасы чечүүчү голду киргизген. Клуб алты күндүк аза күтүү жарыялап, машыгуулар менен оюндарды жылдырган.

БИШКЕК, 4-дек. — Sputnik. Египетте гол киргенине катуу сүйүнгөн башкы машыктыруучунун жүрөгү кармап көз жумду. Бул тууралуу Gulf News басылмасы жазды. 

Посмотреть эту публикацию в Instagram

Публикация от نادي المجد السكندري (@almagdsportsclub)

Окуя Египеттин экинчи дивизионунун оюндарында болгон. "Аль-Мадж" клубу мелдештин 93-мүнөтүндө чечүүчү топту киргизип, оюнчулар менен машыктыруучулук штаб жеңишти майрамдаган. Бөтөнчө клубдун башкы машыктыруучусу Эль-Сельхедар маңдайы жарыла сүйүнгөн.

Оюн кайрадан уланган, көрүүчүлөрдүн көңүлүн эси ооп жыгылган машыктыруучу бурган. Ал жактагы медиктер көмөктөшүп, андан кийин Тез жардам кызматын чакырганы менен ооруканага жетпей көз жумган. Дарыгерлер жүрөгү токтоп калганын айтышкан. Ал 53 жашта болгон.

Клуб алты күндүк аза күтүү жарыялаган. Команда машыгууларын токтотуп, оюндарды жылдырган.

0
Белгилер:
Египет, футбол, оюн, машыктыруучу, өлүм
Тема боюнча
Нидерландда футбол фанаттары турган трибуна оюн учурунда урап түштү. Видео