Кыргызстандын курама командасынын оюнчусу Азамат Байматов Бахрейндин Ситра клубу үчүн ойнойт.

Кыргызстандык футболчу Азамат Байматов Бахрейндин клубу үчүн ойнойт

66
(жаңыланган 11:30 21.09.2015)
Байматов клубдан расмий сунуш Иордания менен болгон оюндан кийин түшкөнүн белгиледи.

БИШКЕК, 21-сен. – Sputnik. Кыргызстандын курама командасынын оюнчусу Азамат Байматов Бахрейндин "Ситра" клубу үчүн ойной турган Футбол федерациясы билдирди.

Буга чейин футболчу "Дордойдун" таламын талашып келген. Бахрейндик клуб менен макулдашуу бир сезонго түзүлүп, мөөнөтү узартылышы мүмкүн.

Байматовдун айтымында, бир жыл ичинде түрдүү клубдардан түшкөн сунуштар арбын эле болгон.

"Дордойду" таштап кетүүгө анчейин умтулган жокмун. Конкреттүү максаттар бар болчу. Иордания менен болгон беттешүүгө чейин эле "Ситра" клубунун башкы машыктыруучусу мени байкап жүрдү. Оюндан кийин расмий сунуш менен кайрылды", — деди ал.

Байматов аны жаңы кесиптештери жылуу маанай менен кабыл алганын кошумчалады.

66
Белгилер:
Бахрейн, Азамат Байматов, футбол, оюн, курама команда, клуб
Тема боюнча
Кыргызстандын футбол боюнча улуттук командасы Бахрейндин клубун жеңип алды
Кыргызстандык балбан Акжол Махмудов. Архив

Акжол, Мээрим, Үзүр. Кыргызстандык балбандардын алгачкы атаандаштары аныкталды

207
(жаңыланган 13:04 01.08.2021)
Бүгүн кыргызстандык балбандар чүчү кулак кармашкан. Алар эртең, 2-августта, саат 08:00дө килемге чыгат.

БИШКЕК, 1-авг. — Sputnik. Токиодогу Олимпиада оюндарында күрөш боюнча 2-августта килемге чыга турган кыргыз балбандарынын алгачкы атаандаштары аныкталды. Бул тууралуу Кыргызстандын күрөш федерациясынын маалымат кызматы кабарлады.

Бүгүн балбандар чүчү кулак кармашкан. Алар эртең, 2-августта, саат 08:00дө килемге чыгат.

Грек-рим күрөшүнөн 77 килограмм салмак категориясы боюнча катышып жаткан Акжол Махмудов Тунистин балбаны Ламджед Маафи менен кармашат.

68 килограмм салмак категориясы боюнча Мээрим Жуманазарова болгариялык Мими Христова менен күрөшөт. Анын атаандашы 28 жашта, 2020-жылы Европанын чемпиону болгон. 2016-жылы өткөн Олимпиаданын катышуучусу.

97 килограмм салмак категориясы боюнча Үзүр Жузупбеков армениялык Артур Алексанян менен беттешет. Ал дүйнөнүн үч жолку чемпиону, 2016-жылкы Олимпиаданын чемпиону.

207
Белгилер:
Олимпиада-2020, күрөш, балбан, чучу кулак
Тема:
2021-жылы Токиодо өтө турган Олимпиада оюндары
Тема боюнча
Бекдөөлөт Расулбеков Олимпиадада 6-орунду ээледи. Видео
Шашып кетти. Жоламан Шаршенбеков жарым финалга чыга албай калды
Кыргызстандык балбан кыз Айпери Медет кызы. Архивное фото

Көтөрүп чапты! Айпери Медет кызынын олимпиада чемпионун жеңген видеосу

1254
Кармашта Айпери Медет кызы атаандашына мүмкүнчүлүк берген эмес. Алгач буттан чалып килемге жыкса, экинчисинде белден кармап кулаткан.

БИШКЕК, 1-авг. — Sputnik. Бүгүн, 1-августта, кыргызстандык балбан кыз Айпери Медет кызы Олимпиаданын чейрек финалында россиялык Наталья Воробьеваны утуп, жарым финалга чыкты.

Мелдештин видеосу Sputnik Кыргызстан агенттигинин Telegram каналына жарыяланды.

Анда көрүнүп тургандай, кыргызстандык балбан россиялык атаандашын буттан алып, килемге көтөрүп чапкан. 76 килограмм салмак категориясында ат салышып жаткан Медет кызы чейрек финалда олимпиада чемпионуна мүмкүнчүлүк бербей, аны 12:0 эсебинде утту.

Буга чейин ал 6:1 эсебинде казакстандык каршылашын жеңген. Жарым финалда Медет кызы дүйнөнүн беш жолку чемпиону, америкалык Аделина Мария Грей менен кармашат.

1254
Белгилер:
Айпери Медет кызы, күрөш, видео
Тема:
2021-жылы Токиодо өтө турган Олимпиада оюндары
Тема боюнча
Бали! Айпери Медет кызы олимпиада чемпионун утуп, жарым финалга чыкты
Шашып кетти. Жоламан Шаршенбеков жарым финалга чыга албай калды
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

0
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

0
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет