Стадион кассасында билет сатуу. Архив

Кыргызстан Тажикстан футболдук беттешүүсүнө билеттер сатылып баштады

34
(жаңыланган 10:34 04.10.2015)
Кыргызстан менен Тажикстандын футбол боюнча курама командаларынын беттешүүсүнө сатылган билеттердин наркы 150 сомдон 700гө чейин жетет. Кассада бир адамга бештен ашык билет сатылбайт.

БИШКЕК, 3-окт. — Sputnik. Ишемби күнү Дөлөн Өмүрзаков атындагы стадиондо 2018-жылы боло турган Дүйнө Чемпионатына тандоо турунун алкагында өтө турган Кыргызстан — Тажикстандын беттешүүсү үчүн билеттер сатылып баштайт. 

 Билеттерди жасалма кылып сатуудан сактоо максатында аларга коргоонун үч деңгээли түшүрүлгөн. 

"Сатып алуучулар анын жасалма болуп калбашы үчүн жакшылап карашы керек. КРдин салык кызматы жана Футбол федерациясынын мөөрү коюлбаган билеттер жараксыз деп эсептелет", — деп билдиришти Федерациядан. 

Футболдук беттешүүнүн билеттеринин наркы 150 сомдон 700гө чейин жетет. Ар бири секторго байланыштуу ар башка түскө боёлот жана ар бир секторго кирүүгө өзүнчө шарттар түзүлгөн. 

Федерациядан кассада бир адамга бештен гана билет алууга болорун билдирди. Эгерде кимдир-бирөөлөр билеттерди сатып алып, анын үстүнө акча кошуп кайра сатып жатса, мындай көрүнүштү Футбол федерациясына билдирүү керектигин айтышты.

2018-жылы болуучу дүйнөлүк чемпионаттын тандоо турунун алкагындагы оюн 8-октябрда Бишкек шаарындагы Дөлөн Өмүрзаков атындагы стадиондо кечки саат 8.00дө өтөт.

34
Белгилер:
Тажикстан, Мамлекеттик салык кызматы, футбол боюнча дүйнө чемпионаты, билет, Кыргызстандын футбол федерациясы
Тема:
Кыргызстан менен Тажикстандын беттеши (27)
Тема боюнча
Кыргызстан – Тажикстан футбол беттеши белгиленген убакыттан кеч башталат
Крестинин Тажикстан менен Бангладешке каршы ойной турган футболчуларды атады
Кыргызстандык балбан Акжол Махмудов. Архив

Акжол, Мээрим, Үзүр. Кыргызстандык балбандардын алгачкы атаандаштары аныкталды

289
(жаңыланган 13:04 01.08.2021)
Бүгүн кыргызстандык балбандар чүчү кулак кармашкан. Алар эртең, 2-августта, саат 08:00дө килемге чыгат.

БИШКЕК, 1-авг. — Sputnik. Токиодогу Олимпиада оюндарында күрөш боюнча 2-августта килемге чыга турган кыргыз балбандарынын алгачкы атаандаштары аныкталды. Бул тууралуу Кыргызстандын күрөш федерациясынын маалымат кызматы кабарлады.

Бүгүн балбандар чүчү кулак кармашкан. Алар эртең, 2-августта, саат 08:00дө килемге чыгат.

Грек-рим күрөшүнөн 77 килограмм салмак категориясы боюнча катышып жаткан Акжол Махмудов Тунистин балбаны Ламджед Маафи менен кармашат.

68 килограмм салмак категориясы боюнча Мээрим Жуманазарова болгариялык Мими Христова менен күрөшөт. Анын атаандашы 28 жашта, 2020-жылы Европанын чемпиону болгон. 2016-жылы өткөн Олимпиаданын катышуучусу.

97 килограмм салмак категориясы боюнча Үзүр Жузупбеков армениялык Артур Алексанян менен беттешет. Ал дүйнөнүн үч жолку чемпиону, 2016-жылкы Олимпиаданын чемпиону.

289
Белгилер:
Олимпиада-2020, күрөш, балбан, чучу кулак
Тема:
2021-жылы Токиодо өтө турган Олимпиада оюндары
Тема боюнча
Бекдөөлөт Расулбеков Олимпиадада 6-орунду ээледи. Видео
Шашып кетти. Жоламан Шаршенбеков жарым финалга чыга албай калды
Кыргызстандык балбан кыз Айпери Медет кызы. Архивное фото

Көтөрүп чапты! Айпери Медет кызынын олимпиада чемпионун жеңген видеосу

1493
Кармашта Айпери Медет кызы атаандашына мүмкүнчүлүк берген эмес. Алгач буттан чалып килемге жыкса, экинчисинде белден кармап кулаткан.

БИШКЕК, 1-авг. — Sputnik. Бүгүн, 1-августта, кыргызстандык балбан кыз Айпери Медет кызы Олимпиаданын чейрек финалында россиялык Наталья Воробьеваны утуп, жарым финалга чыкты.

Мелдештин видеосу Sputnik Кыргызстан агенттигинин Telegram каналына жарыяланды.

Анда көрүнүп тургандай, кыргызстандык балбан россиялык атаандашын буттан алып, килемге көтөрүп чапкан. 76 килограмм салмак категориясында ат салышып жаткан Медет кызы чейрек финалда олимпиада чемпионуна мүмкүнчүлүк бербей, аны 12:0 эсебинде утту.

Буга чейин ал 6:1 эсебинде казакстандык каршылашын жеңген. Жарым финалда Медет кызы дүйнөнүн беш жолку чемпиону, америкалык Аделина Мария Грей менен кармашат.

1493
Белгилер:
Айпери Медет кызы, күрөш, видео
Тема:
2021-жылы Токиодо өтө турган Олимпиада оюндары
Тема боюнча
Бали! Айпери Медет кызы олимпиада чемпионун утуп, жарым финалга чыкты
Шашып кетти. Жоламан Шаршенбеков жарым финалга чыга албай калды
Стаканга суу алып жаткан адам. Архив

Диетолог суу тууралуу мифтерди жокко чыгарды

0
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

0
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды