Тажикстандын улуттук командасынын башкы машыктыруучусу Мубин Эргашев.

Тажикстандын машыктыруучусу: КР командасы бир топ чыңалды

46
(жаңыланган 15:45 07.10.2015)
Тажик командасынын насаатчысы Кыргызстан быйылкы жыл ичинде өз курамын 7-8 жаңы оюнчу менен толуктаганын белгиледи.

БИШКЕК, 7-окт. — Sputnik. Кыргызстандын курама командасы былтыркыга караганда бир топ чыңалып, курамын толуктаганын маалымат жыйында Тажикстандын улуттук командасынын башкы машыктыруучусу Мубин Эргашев билдирди.

Кыргыз жана тажик командаларынын беттешүүсү Дүйнө чемпионатынын тандоо турунун алкагында 8-октябрь күнү кечки саат сегизде Дөлөн Өмүрзаков атындагы стадиондо өтөт.

Тажик командасынын башкы машыктыруучусунун айтымында, бул жылы кыргыз командасы чет жерде ойногон кыргызстандык 7-8 оюнчу менен толукталды.

"Кыргызстандык команда оюнчуларынын баары бирдей деңгээлде күчтүү болгону менен артыкчылыктуу. Анык бирөөнү атоо кыйын. Учурда бул футболчулар өткөн жылкы беттешүүдө ойногон командадан бир топ айырмаланып турат", — деди ал.

Коңшу элдин машыктыруучусу стадиондогу талаанын сапаты менен канааттанганын билдирди. Анын божомолу боюнча, эгер тажик командасы жеңишке жетсе, үчүнчү орунга көтөрүлөт. Ал эми оюнда кыргызстандык команда утса, экинчи орунду ээлейт. Мында иорданиялыктар австралиялыктардан утулушу керек. 

Өз командасы тууралуу айткан Эргашев тажик футболчулар мелдешти кыргызстандык атаандаштарындай ийгилик менен баштабаганын белгиледи. 

"Биздин Бангладешке болгон сапарыбыз оңунан чыккан жок. Кыргызстандыктар Австралия менен беттешүүсүндө мыкты ойношту. Сиздердин оюнчулар менен ойноо бизге кыйын эле, анын үстүнө күйөрмандар да сиздер тарапта болот", — деди машыктыруучу.

Дүйнө чемпионатынын финалдык бөлүгү 2018-жылы Россияда өтөт.

46
Белгилер:
Кыргызстан, Тажикстан, футбол, оюн, машыктыруучу
Тема:
Кыргызстан менен Тажикстандын беттеши (27)
Тема боюнча
Кыргызстан – Тажикстан оюнунда милиция кызматкерлери күчөтүлгөн тартипте иштейт
Кыргызстан — Тажикстан оюну учурунда айрым көчөлөр жабылат
Көк бөрү боюнча мелдеш. Архив

Манас Ниязов баштаган 23 көк бөрүчү эл аралык даражадагы спортчу болушту

93
Эл аралык деңгээлдеги спорттук наам 23 улакчыга берилди. Алардын баары I, II, III Дүйнөлүк көчмөндөр оюндарында жеңүүчү болушкан.

БИШКЕК, 28-окт. — Sputnik. Үч жолу өткөн Дүйнөлүк көчмөндөр оюндарында жеңүүчү болгон көк бөрүчүлөргө Кыргызстандын эл аралык даражадагы спорт чебери наамы ыйгарылды. Бул тууралуу Жаштар иши, дене тарбия жана спорт агенттигинен билдирди.

Жалпысынан 23 балбан билек улакчы наамга татыган.

"Кыргызстандын Бирдиктүү спорттук классификациясынын талаптары менен чегин аткаргандыгынын негизинде көк бөрү боюнча "Кыргыз Республикасынын Эл аралык класстагы спорт чебери" деген наамы менен I, II, III Дүйнөлүк көчмөндөр оюндарынын жеңүүчүлөрү сыйланат", — деп айтылат билдирүүдө.

Тизме:

  • Марлис Койгелдиев
  • Урмат Шерипбеков
  • Жолдошбек Орозбаев
  • Урмат Раушан уулу
  • Тынычбек Алыбаев
  • Сейитбек Анарбек уулу
  • Чубак Нурманбет уулу
  • Манас Ниязов
  • Айбек Темирбаев
  • Кубаныч Султан уулу
  • Рустам Тыналиев
  • Эрлан Төлөбеков
  • Уланбек Насакеев
  • Азат Насыпбеков
  • Айбек Иманалиев
  • Нурбек Юсупов
  • Темир Молдакулов
  • Айбек Эсеналиев
  • Байыш Ниязов
  • Урмат Мусаев
  • Улан Кыбраев
  • Аскат Батырбек уулу
  • Белек Мукаев

Наам Жаштар иштери, дене тарбия жана спорт мамлекеттик агенттигинин 2021-жылдын 22-октябрындагы № 144-Н буйругу менен ыйгарылды.

93
Белгилер:
Көк бөрү, Дүйнөлүк көчмөндөр оюндары, наам, спорт
Тема боюнча
Айсулуу, Акжол баштаган чемпиондорго Таласта сый көрсөтүлдү. Сүрөттөр
Чүйдүн улакчылары көк бөрү боюнча республикалык мелдеште чемпион болушту
Сборные Кыргызстана и Бангладеша во время матча, в рамках Кубка трех наций, на стадионе имени Долона Омурзакова в Бишкеке. 07 сентября 2021 года

Кыргызстандын футболчулары Омандын командасынан утулуп калды

272
Мындан ары Кыргызстандын курамасы Азиянын жаштар кубогуна катышар-катышпасы Индия командасы менен болгон беттештен көз каранды.

БИШКЕК, 27-окт. — Sputnik. Кыргызстандын футбол боюнча олимпиадалык курама командасы (U-23) Азия кубогу 2022 мелдешине тандап алуу турунда Омандын футболчуларына 1:0 эсебинде утулуп калды.

Фуджейра эмирлигинде өткөн мелдеште Кыргызстандын дарбазасына гол акыркы мүнөттөрдө кирип кетти.

Кыргызстандын футбол боюнча олимпиадалык курама командасы
© Фото / пресс-служба Кыргызского футбольного союза
Эскерте кетсек, Кыргызстан тандоо этабында Е тайпасына Бириккен Араб Эмирлиги (БАЭ), Оман жана Индия командалары менен таймашат.

24-октябрда ата мекендик команда оюндар өтүп жаткан талаа ээси БАЭ командасын 2:1 эсебинде утуп алган.

Жаштар континенталдык биринчилигинин финалдык бөлүгүнө 11 команда — өз тайпаларынын жеңүүчүлөрү жана экинчи орунду ээлеген мыкты көрсөткүчү бар төрт команда чыгат.

Азия кубогу Өзбекстанда өтөт.

272
Белгилер:
Кыргызстан, футбол, Оман, Азия кубогу
Тема боюнча
Бишкектин "Дордой" футбол клубу Кыргызстандын чемпиону болду
Кыргызстан FIFA уюмунун жаңыланган рейтингинде эки сапка көтөрүлдү
Капельницалар улануу учурунда. Архив

Бишкекте тамакка ууланган адамдардын саны 300гө жетти

37
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

37
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме