Роналду: "Алтын топту" быйыл Месси алат

© Sputnik / Александр Вильф / Медиабанкка өтүүМадриддин "Реал" командасынын чабуулчусу Криштиану Роналду. Архив
Мадриддин Реал командасынын чабуулчусу Криштиану Роналду. Архив - Sputnik Кыргызстан
Жазылуу
Лионель Мессинин азыр төрт "алтын тобу" бар болсо, Криштиану Роналдунуку үчөө. "Алтын топ" футболчулардын бир жыл ичинде жараткан ийгиликтерин эске алуу менен берилет.

БИШКЕК, 13-ноя. — Sputnik. Мадриддин "Реал" командасынын чабуулчусу Криштиану Роналду 2015-жылдын жыйынтыгы менен "Алтын топту" "Барселонанын" оюнчусу Лионель Месси аларын The Guardian гезитине билдирди. 

Буга чейин октябрь айында "Алтын топ" үчүн ат салыша турган европалык клубдагы 23 футболист аныкталган. Алардын катарында жетинчи жыл катары менен аталган титулду алып келе жаткан Роналду (3 алтын тобу) менен Месси (4 алтын тобу) бар.

"Бул жылы Месси утат деп ойлойм. Себеби, сыйлыктын тагдыры добуш берүүдөн көз каранды. Анан калса ал быйыл Испаниянын чемпиондор лигасын жеңип алды. Менин оюндарым тууралуу айта турган болсок, бул сезон менин карьерамдагы эң мыкты мезгил болду. Мен Европанын эң мыкты чабуулчусу болдум. Мен сыйлык тууралуу көп ойлонгом жокмун. Анткени үч жолу катары менен "Алтын топту" алам деп күтпөйм", — деди ал.

Роналду басылманын "Месси менен атаандашасызбы?"деген суроосуна жооп берип жатып, алардын ортосунда жакшы достук мамиле болгондуктан эр-эңишпей турганын айтты.

"Биз сегиз жылдан бери бул сыйлыкты кезектешип алып келе жатабыз. Чынында биз кан достордон эмеспиз, бирок бир-бирибизди сыйлайбыз. Экөөбүз тең командабызга пайда алып келүүгө аракет кылабыз", — дейт Роналду.

"Алтын топко" талапкер болгон үч оюнчу 30-ноябрда аныкталат, сыйлыкты тапшыруу аземи 2016-жылдын 11-январында Цюрихте өтөт.

Жаңылыктар түрмөгү
0