Намыс жана сыймык: КР каратисти оорусуна карабай Азия чемпиону болду

© Алина БлаговаКаратэ боюнча Азиянын чемпиону Александр Сурков.
Каратэ боюнча Азиянын чемпиону Александр Сурков. - Sputnik Кыргызстан
Жазылуу
Азия чемпионатынын кумитэ бөлүмүндөгү эки айлампадан Александр оңой эле өтсө, үчүнчүсүндө алган жарааты бир топ кыйынчылык туудурган.

КАРА-БАЛТА, 12-фев. — Sputnik. Кыргызстандык спортчу Александр Сурков каратэ боюнча Азиянын чемпиону болду.

Каратэнин WFSKO (World Funakoshi Shotokan Karate Organization) версиясы боюнча Азия биринчилиги Индиянын Мумбаи шаарында 6-7-февраль күндөрү өткөн.

Дүйшөнкул Шопоковдун жаркын элесине арналган эл аралык турнирде. - Sputnik Кыргызстан
Канжалаган мурун жана жеңиштин даамы – сүрөттө калган мушкерлердин эмоциялары
Мелдешке Индия, Перу, Шри-Ланка, Малайзия, Иран, Кувейт, БАЭ жана башка өлкөлөрдөн келген 300дөн ашуун спортчу катышты. Эл аралык класстагы спорт чебери Александар Сурков Кыргызстандын атынан жалгыз барган.

41 жаштагы спортчу абсолюттук категорияда ката жана кумитэ бөлүмүндө Кувейт, Индия жана Шри Ланкадан келген спортчулар менен беттешти. Бутунун ооруксунганына карабай Сурков алтын медаль алууга жетишти.

"Атаандаштарым өз күчүнө бекем ишенген спортчулар эле. Мен жеңишке жетишкенден кийин Кувейт машыктыруучусунун нааразы болгон өңүн көрсөңөр болмок", — деди каратист.

Сурков кыргызстандык спортчулардын чеберчилигин жана духун көрсөткөнүнө абдан ыраазы экенин билдирип, көкүрөгүнө сыймык толгонун айтат.

"Анын үстүнө мен бул чемпионатка экинчи жолу катышып жатам. Эми жеңүүчүлөргө бериле турган грамоталарда Кыргызстандын желеги да жайгаштырылат", — дейт спортчу.

Азиянын үч жолку чемпиону быйыл Индонезиянын Жакарта шаарында өтүүчү TAFISA Дүйнөлүк оюндарына катышуу ниетин билдирди.

Жаңылыктар түрмөгү
0