Кыргызстандын дзюдо боюнча биринчилигинде көлдүк кыздар кыйын чыкты

© Sputnik / Павел Лисицын / Медиабанкка өтүүДзюдоисткалар. Архив
Дзюдоисткалар. Архив - Sputnik Кыргызстан
Жазылуу
Турнир республиканын булуң-бурчунан рекорддук сандагы спортчуларды чогултту.

БИШКЕК, 29-фев. — Sputnik. Кыргызстандын дзюдо боюнча чемпионатынын алдыңкы орундарынын баарын уландар арасында Бишкек шаарынын спортчулары ээлесе, кыздар арасында Ысык-Көлдүн кыздары алганын аталган спорттун түрү боюнча федерация билдирди.

Биринчилик 26-27-февраль күндөрү Сокулуктагы "Динамо-Темирлан" спорт комплексинде өттү.

"Быйылкы чемпионат өлкөнүн булуң-бурчунан рекорддук сандагы спортчуларды чогултту. Мелдешке катышуу үчүн 437 спортчу келген", — деп айтылат билдирүүдө.

Кыргызстандык сууда сүзүүчүлөр Германиядагы мелдеште дагы 10 алтын медаль тагынышты
Федерациянын маалыматы боюнча, кыздар арасында 40 килограммга чейинки салмак категориясында Ысык-Көлдүн спортчусу Исаева мыкты аталса, анын жердеши Мамытканова 44 килограммга чейинки чен көрсөткүчтө, ал эми 57 килограммга чейинки салмакта Чоң-Сары-Ой айылынын тургуну Абетова мыкты аталышты. Ал эми 70 килограммга чейинки салмак категориясында биринчиликти Максатбекова багындырды.

Уландар арасында бишкектик спортчулар алдыга озду. 50 килограммга чейинки салмак категориясында Кумуркулов биринчи болсо, 55 килограммга чейинки категорияда Прошин, 60 килограммга чейинки чен көрсөткүчтө Сансанза, ал эми 66га чейинки категорияда Мырзаев алдыңкы орунду ээледи. Кийинки категорияда Турусбеков мыкты болсо, Жумали уулу 81 килограммга чейинки категорияда алдыга чыкты. 90 килограммга чейинки салмакта Амиржанов биринчи болсо, +90 категориясында Сарбатов алдыңкы орунду ээледи.

Жаңылыктар түрмөгү
0