Алай футбол клубунун оюнчулары. Архив

Кыргызстандын алдыңкы командалары Топ-лиганын төртүнчү турунда жеңишке жетти

57
Мелдештин жүрүшүндө "Дордой" 10 упай менен сап башында турса, "Алай" 9 упай менен экинчи, ал эми үчүнчүдө жети упай менен "Алга" келе жатат.

БИШКЕК, 10-апр. — Sputnik. Кыргызстандын алдыңкы командалары Топ-лиганын төртүнчү турунда жеңишке жетти. Бул тууралуу КРдин футбол лигасы кабарлайт.

Өлкөнүн Топ-лигасында жалпысынан жети команда күч сынашып, ар бир турда бир команда эс алат.

Борбордун "Дордой" командасы Куршабдын "Алдиер" клубун 1:0 эсебинде утса, кийинки оюнда Бишкектин "Алгасы" Нарындан келген "Ала-Тоого" жоопсуз эки гол киргизди. Мындан сырткары, учурдагы чемпион "Алай" клубу "Кара-Балтаны" 6:0 эсебинде жеңип алды. Канттын "Абдыш-Атасы" бул турда эс алды. 

Мелдештин жүрүшүндө "Дордой" 10 упай менен сап башында турса, "Алай" 9 упай менен экинчи, ал эми үчүнчү орунда жети упай менен "Алга" келе жатат.

57
Белгилер:
топ, гол, футбол, "Дордой" ФК
Тема боюнча
Бишкектин "Алга" клубу "Алдиерди" утуп, үчүнчү орунга чыкты
Кыргыз гимнасттары Казакстандагы турнирде 10 медалга ээ болушту
Кесипкөй бокстун мурдагы дүйнө чемпиондору Майк Тайсон. Архив

Майк Тайсон менен Рой Жонстун беттеши ноябрга жылды

84
(жаңыланган 12:42 10.08.2020)
Беттеш кирешени көбөйтүү максатында Тайсондун командасынын демилгеси менен жылдырылган. Жонс да буга макулдук берген.

БИШКЕК, 10-авг. — Sputnik. Кесипкөй бокстун мурдагы дүйнө чемпиондору Майк Тайсон менен Рой Жонстун беттеши 28-ноябрга жылдырылды. Бул маалыматты The Ring журналына таянып РИА Новости жазды.

8 раундга белгиленген беттеш буга чейин 12-сентябрда Калифорнияда болору айтылган.

Маалыматта беттеш трансляциядан түшүүчү кирешени көбөйтүү максатында Тайсондун командасынын демилгеси менен жылдырылганы айтылат. Ал арада Жонс да Тайсондун өкүлдөрү менен жолугушуудан соң макулдук берген.

Макгрегордун Пакьяого беттешке чыгуу ниетине UFC башчысы эмне деди? Видео

Апрель айынын соңунда Темир Майк кайрымдуулук үчүн рингге чыгууга даяр экенин жар салган болчу. Тайсон акыркы жолу 2005-жылдын июнь айында ирландиялык Кевин Макдрайт менен беттешке чыгып, жеңилүү ызасын тарткан.

54 жаштагы Майк Тайсон 58 жолу рингге чыккан. 50 атаандашын жеңген, анын 44үн нокаут менен уткан. Алты жолу утулган. Эки беттеш өтпөй калган. Ал кесипкөй бокстун Дүйнөлүк мушкерлер кеңеши, Дүйнөлүк бокс ассоциациясы жана Эл аралык бокс федерациясынын версиясы боюнча дүйнөнүн абсолюттук чемпиону болгон.

Атаандашы Россиянын жарандыгын алган америкалык мушкер, дүйнөнүн экс-чемпиону Рой Жонс 50 жашта. Ал 2018-жылы карьерасын жыйынтыктаган. Спорттук жолунда Жонс 66 беттешин уткан. Анын ичинде 47 атаандашын нокаут менен жеңген. Тогуз жолу утулган.

84
Белгилер:
беттешүү, бокс, Рой Жонс, Майк Тайсон
Тема боюнча
54 жаштагы Тайсон машыгууда укмуштуудай реакциясын көрсөттү. Видео
Атактуу Майк Тайсон менен Рой Жонс беттеш өткөрүүнү көздөп жатат
Мария Шарапова теннис матч учурунда. Архив

Теннис чемпиону Мария Шарапова бокс менен машыга баштады. Видео

97
(жаңыланган 08:46 10.08.2020)
Видеодо булгаары мээлейчен россиялык спортчу машыктыруучусу менен соккуларды кайталап, машыгып жатканын көрүүгө болот.

БИШКЕК, 10-авг. — Sputnik. Теннис боюнча дүйнө чемпиону, россиялык Мария Шарапова бокс менен машыга баштады. Мурдагы дүйнөнүн биринчи ракеткасы булгаары мээлейчен машыгып жаткан видеосун өзүнүн Instagram баракчасына койгон.

Посмотреть эту публикацию в Instagram

Публикация от Maria Sharapova (@mariasharapova)

Видеодон спортчу машыктыруучусу менен соккуларды кайталап, машыгып жатканын көрүүгө болот.

UFC мушкери Конор Макгрегор "Реалдын" машыгуусуна катышмай болду

33 жаштагы Шарапова 2004-2014-жылдары Чоң шлем мелдештеринин жекелик бөлүгүндө беш мелдешин жеңген теннисчи болуп эсептелет.

97
Белгилер:
теннис, машыгуу, бокс, Мария Шарапова
Тема боюнча
Тайсон менен Рой Жонс сентябрда рингден кезикмей болушту
Бейтапты карап жаткан медицина кызматкери. Архив

Боронов COVID-19дун экинчи толкунуна даярдыктар тууралуу айтып берди

0
(жаңыланган 16:40 11.08.2020)
1-октябрга чейин саламаттык сактоо уюмдарына дары-дармек, жеке коргонуучу каражат, дезинфекция каражаттары жана антисептиктердин үч айлык бөксөрбөс запасын камдоо пландаштырылууда.

БИШКЕК, 11-авг. — Sputnik. Эпидемиянын болжолдонуп жаткан экинчи толкунуна карата дары-дармектердин стратегиялык запасын түзүү үчүн Материалдык резервдер фондуна республикалык бюджеттен каражат каралып жатат. Бул тууралуу премьер-министр Кубатбек Боронов брифинг учурунда билдирди.

"15 миң бейтапка бир нече позициядан турган дарылардын муктаждыгын камсыздоо боюнча жумушчу топ түзүлдү. 1-октябрга чейин саламаттык сактоо уюмдарына дары-дармек, жеке коргонуучу каражат, дезинфекция каражаттары жана антисептиктердин үч айлык бөксөрбөс запасын камдоо пландаштырылууда", — деди Боронов.

Боронов: вирустан айыккандардын ден соолугун калыбына келтирүү колго алынат

Дагы кандай иш-чаралар жүргүзүлүп жатат:

  • сезондук гриппке каршы алдын алуучу вакциналарды сатып алууга республикалык бюджеттен 200 миллион сом бөлүндү;
  • медицина кызматкерлерин реабилитациялоо, колдоо иштери уюштурулуп жатат. Президенттин тапшырмасы менен Ысык-Көлдөгү пансионаттарда 130 медик эс алып келди, учурда 170 медик эс алып жатат;
  • медицина кызматкерлерине компенсациялык төлөмдөр өз убагында төлөнүүдө. Бүгүнкү күнгө чейин 807 миллион сом жумшалды. Анын ичинен июлда маянага кошумча төлөм 424 миллион сомду түздү. Ал республикалык бюджеттен берилди;
  • медицина адистерин кайра даярдоо, квалификациясын жогорулатуу, кыска курстардан окутуу иштери үзгүлтүксүз жүрүүдө.

 

0
Белгилер:
медицина, каражат, даярдык, пандемия, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Рентген аппараттарын алуу маселеси чечилген эмес. Боронов министрликти сындады
КРде жалпы канча киши коронавируска чалдыгышы мүмкүн. Өкмөттүн божомолу