Кыргызстандын футбол боюнча курама командасынын негизги коргоочусу Азамат Байматов

Белгилүү футболчу Азамат Байматов Бахрейндин алдыңкы клубуна өттү

341
(жаңыланган 13:18 20.05.2016)
Коргоочу жаңы клубда 7 же 17 саны менен чыгат жана командага ийгилик алып келип, чемпиондук титул алып келген оюнчулардан болууга ниеттенип турат.

БИШКЕК, 20-май — Sputnik. Кыргызстандын футбол боюнча курама командасынын негизги коргоочусу Азамат Байматов Бахрейндеги топ-клубдардын бири "Аль Риффага" өттү. Аталган клуб менен эки жылга келишим түздү. Бул туурасында КРдин Футбол боюнча федерациясынан кабарлашты.

Капитан и центральный защитник сборной Кыргызстана по футболу Азамат Байматов
пресс-служба ФФ КР
Капитан и центральный защитник сборной Кыргызстана по футболу Азамат Байматов

Буга чейин Байматов Бахрейндин "Ситра" клубунда ойногон.

Футболчу федерацияга берген маегинде Бахрейндин былтыркы чемпиону "Мухарак" жана "Аль Риффа" сезондун аягында анын футболдук деңгээлине кызыга баштагандыгын айтып берген.

"Мындан сырткары египеттик "Исмаили клаб" футболдук клубунан үч ирет расмий сунуш түшкөн. Машыктыруучум, үй-бүлөм жана балдар менен кеңешип көрүп, "Аль Риффаны" тандадым. Бул клубга көбүрөөк керекмин жана өзүмдү ушул жерден көрсөтө алам деп ойлодум. Бул сезондо коргонуу жаатында көйгөйлөр болду. Алар мени менен эки жылга келишим түзүп жатканда, биз Королдун кубогун же Gulf Cup (Arabian Gulf Cup) кубогун жеңип алууга ниеттенип жатабыз. Чемпионатта ээлеген төртүнчү орундун жыйынтыгы Аравиянын кубогуна катышууга мүмкүнчүлүк берет",— деди Байматов.

Курама команданын капитаны коргоочу болуп жаңы клубда 7 же 17 саны менен чыгат жана командага ийгилик алып келип, чемпиондук титул алып келген оюнчулардан болууга ниеттенип турат.

341
Белгилер:
Бахрейн, Азамат Байматов, футбол, команда
Тема боюнча
Кыргызстандын футбол курама командасын алдыда үч оюн күтүп турат
FIFA президенти кыргыз футболун колдоого убада берди
Көк бөрү оюнчулары. Архив

Көк бөрү: республикалык мелдештин финалына Чүй менен Оштун улакчылары чыкты

142
(жаңыланган 19:05 22.10.2021)
Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таластын командасын 1:0 менен жеңди.

БИШКЕК, 22-окт. — Sputnik. Сокулуктагы "Белек" ат майданында өтүп жаткан көк бөрү боюнча республикалык чемпионаттын финалында Чүй менен Ош облусунун командалары беттешет. Бул тууралуу аталган спорт боюнча федерациянын маалымат кызматы билдирди.

Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таласты 1:0 менен жеңген.

Аталган турнир өлкөнүн Көк бөрү федерациясынын 25 жылдыгына жана улуттук оюндун эрежелерин иштеп чыккан авторлордун урматына арналып өткөрүлүүдө. Мелдеш облустук форматта уюшулуп, ага өлкөнүн жети дубаны жана эки шаарынын командалары катышып күч сынашты.

Мелдештин үчүнчү оруну жана башкы байге үчүн финалдык беттештер 24-октябрда өтөт.

Эскерте кетсек, улуттук Көк бөрү федерациясынын уюшулганына быйыл чейрек кылым болду. Оюндун эрежелерин Болот Шамшиев, Темир Дүйшекеев, Болот Шер, Мамыркожо Бөкөнбаев жана Жетиген Мааданов иштеп чыккан.

 

142
Белгилер:
Көк бөрү, Сокулук, мелдеш, чемпионат
Тема боюнча
Мээрим алдыга чыкты. Кыргыз балбандары UWW уюмунун рейтингинде секирик жасашты
Күрөш. Архив

Роман Сарыбаев ардагерлердин дүйнө чемпионатынан күмүш медаль алды

187
(жаңыланган 10:44 22.10.2021)
Бул Кыргызстандын капчыгына түшкөн төртүнчү медаль. Буга чейин ата мекендик спортчулар эки алтын, бир коло байге алган.

БИШКЕК, 22-окт. — Sputnik. Кыргызстандык балбан Роман Сарыбаев эркин күрөш боюнча ардагерлердин дүйнө чемпионатында күмүш медалга ээ болду. Бул тууралуу өлкөнүн Күрөш федерациясынын маалымат кызматы билдирди.

88 килограмм салмакта ат салышкан Сарыбаев финалда россиялык Булат Дашинимаевге 10:0 эсебинде жеңишти алдырып жиберди.

Кыргызстандын ардагер балбаны баштапкы этапта өзбекстандык Усманжон Юсуповду, чейрек финалда казакстандык Абай Смагуловду, ал эми жарым финалда америкалык спортчу Жеймс Медейрону уткан.

Бул Кыргызстандын капчыгына түшкөн төртүнчү медаль. Буга чейин ата мекендик спортчулар Талант Бегалиев (70 килограмм) 56-60 жаштагылар арасында, Чынарбек Изабеков (100 килограмм) 56-60 жаштагылар арасында чемпион болуп, алтын байге тагынышты. Ал эми 130 килограмм салмакта ат салышкан дагы бир балбан Сааданбек Ниязов коло медаль утту.

Эркин жана грек-рим күрөшү боюнча ардагерлер арасындагы дүйнө чемпионаты 19-октябрда Грециянын Лутраки шаарында башталды. Ал 24-октябрга чейин созулат.

187
Белгилер:
күрөш, Греция, дүйнө чемпионаты, Кыргызстан, Лутраки
Тема боюнча
U23 дүйнө чемпионатына бара турган кыргызстандык балбандардын тизмеси
U23: дүйнө чемпионатына Кыргызстандан эки балбан кыз барат
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт