Грек-рим күрөшү боюнча балбан Арсен Эралиев. Архив

Аманкулов: балбан Эралиев допинг менен кармалды, бирок лицензиясы алынбайт

277
(жаңыланган 14:46 06.07.2016)
Буга чейин Жанарбек Кенжеевдин канынан мельдоний табылып, спортчу лицензиядан кол жууган.

БИШКЕК, 13-июн. — Sputnik. Грек-рим күрөшү боюнча балбан Арсен Эралиев допинг менен кармалды. Бул тууралуу Sputnik Кыргызстан агенттигине Жаштар иши, дене тарбия жана спорт боюнча мамлекеттик агенттиктин жетекчиси Канат Аманкулов билдирди. 

Дүйшөмбү күнү ЖКнын тармактык комитетинде эл өкүлдөрү кыргыз спортчуларынын Рио-де-Жайнеродо өтүүчү Олимпиада оюндарына даярдыгын талкуулашты. 

Буга чейин Жанарбек Кенжеевден мельдоний препараты табылып, ал лицензиясынан айрылган. 

Аманкулов Кенжеевден допинг турнир учурунда, ал эми Эралиевден турнирден кийин даярдык учурунда табылганын, мындан улам Эралиевдин лицензиясы алынбай турганын кошумчалады.

277
Белгилер:
допинг, спортчу, Арсен Эралиев
Тема:
Олимпиадалык оюндар, Рио — 2016 (160)
Тема боюнча
Лицензиядан ажыратылган Кенжеев: күн-түн дебей машыкканым текке кетти
Кенжеев Олимпиада лицензиясынан мельдоний үчүн ажыратылды
Run the Silk Road марафондун катышчуулары. Архив

Ысык-Көл марафону Олимпиадага лицензия берүүчү мелдештердин тизмесине кирди

35
(жаңыланган 20:05 22.01.2021)
Эми Кыргызстанда өтүүчү эл аралык марафондон Олимпиада оюндарына, Дүйнө чемпионатына жана Азия оюндарына лицензиялар бериле баштайт.

БИШКЕК, 22-янв. — Sputnik. Run the Silk road Ысык-Көл эл аралык ШКУ марафону World Athletics (Жеңил атлетика федерациясынын эл аралык ассоциациясы) уюмунун календарлык мелдештерине киргизилди. Бул тууралуу Жаштар иши, дене тарбия жана спорт агенттигинин маалымат кызматы билдирди.

Эми спортчулар аталган марафондон тийиштүү нормативди аткарып Олимпиада оюндарына, Дүйнө чемпионатына жана Азия оюндарына лицензияларды ала алышат.

"Мындай жетишкендик өлкөнүн Жеңил атлетика федерациясы Эл аралык марафон дирекциясы менен биргеликте жасаган жигердүү аракеттеринин натыйжасында ишке ашкан. Эл аралык марафон трассасы сертификациядан өттү. Эми мелдештер Дүйнөлүк жеңил атлетика уюмунун эрежелерине ылайык өткөрүлөт", — деп айтылат маалыматта.

Run the Silk road IX Ысык-Көл эл аралык ШКУ марафону 2021-жылдын 15-майында Ысык-Көлдүн Чолпон-Ата шаарында өтөт.

35
Белгилер:
календарь, Ысык-Көл, Run The Silk Road эл аралык марафон
Тема боюнча
Кыргызстандан үч калыс ФИФАнын абройлуу тизмесине алынды
Олимпиада шакекчелери. Архив

Япониянын быйыл Олимпиада оюндарын өткөрүүдөн баш тартары айтылууда

123
(жаңыланган 12:24 22.01.2021)
Басылманын жазганына караганда, бийлик өкүлдөрү учурда бул чечимин кантип жарыялоо тууралуу ойлонуп жатат.

БИШКЕК, 22-янв. — Sputnik. Япония бийлиги Токиодогу Олимпиада оюндарын коронавирус кооптуулугунан улам өткөрүүдөн баш тартуу керек деп эсептейт. Бул тууралуу The Times басылмасы япон өкмөтүнүн жогорку даражалуу аткаминерине шилтеме берүү менен жазды.

Басылманын жазганына караганда, бийлик өкүлдөрү оюндарды өткөрбөө тууралуу макул болушкан, учурда бул чечимин кантип жарыялоо тууралуу ойлонуп жатышат.

"Эч ким бул тууралуу биринчи айткысы келбейт, баары муну жарыялоо кыйын экенин билип турат. Жеке мен да Олимпиада өтөт деп ойлобойм", — деп айткан аткаминер.

Ошондой эле ал Япония 2021-жылкы Олимпиададан баш тартып, 2032-жылы өткөрүү ниетин билдирерин белгилеген.

Кечээ, 21-январда, Эл аралык олимпиада комитети Токио Олимпиадасын өткөрүүдөн баш тартуу ниети болбогонун билдирген.

123
Белгилер:
баш тартуу, олимпиада, Япония, Токио
Тема:
2020-жылы Токиодо өтө турган Олимпиада оюндары
Тема боюнча
Токио Олимпиадасына жолдомо ойнотулуучу мелдештер өтө турган күн бекитилди
Токиодогу мелдешке катышчулар акысыз эмделет. Чыгымын олимпиада комитети жабат
Муниципалдык кызматкер карды тазалап жатат. Архив

Ишембиге карата аба ырайы

0
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

0
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди