Кыргызстандык мушкер Эркин Адылбек уулу. Архив

Мушкер: мен спортко жөн эле бирөөнү бетке-көзгө койгулайын деп келген эмесмин

255
(жаңыланган 19:02 12.07.2016)
Көчөдөгү мушташ, бийге жакындык жана Олимпиада оюндарына катышууда Кыргызстан алдындагы жоопкерчили туурасында Sputnik Кыргызстан агенттигине Эркин Адылбек уулу айтып берди. Ал дүйнөнүн эң ири таймаштарында өлкөнүн атынан чыгып жүргөн мушкер. Спортчу менен кабарчыбыз Светлана Федотова маектешти.

— Олимпиадага катышууну ар бир спортчу тилейт, сиз буга кантип жеттиңиз?
— Бир таймаштагы жеңишиң кийинки андан чоң таймашка жол ачат. Мен Азиянын мыкты алты мушкерлеринин катарына кирип, бирок дүйнөлүк биринчиликте утулуп калгам… Абдан жаман болдум, кейидим. Бул таймаш дүйнөлүк аренадагы алгачкы кадамым эле. Бирок андан кийин Кытайдагы Олимпиада оюндары үчүн лицензиялык тандоодо мен өзүмдүкүн алдым.

— Өз өмүрүңүздү башкаларды "кол көтөрүүгө" арнайын деп чечкенде… эмнени көздөдүңүз эле?
— Мен спортко жөн эле бирөөнү бетке-көзгө койгулайын деп келген эмесмин, бул бир топ татаал суроо. Анын артында бүтүндөй бир философия, өзүңдү өзүң бир тартипте кармоо турат. Түрдүү тактика жана ыкмалардын, туура соккулардын жардамы менен сен өзүңдүн атаандашың менен кадимкидей баарлашасың.

— Канча таймашка чыктыңыз?
— Көп. Бул спорто келгениме сегиз жыл болду. Расмий беттешүүлөрүм 148ге жетти.

Боксер из Кыргызстана Эркин Адылбек уулу. Архивное фото
© Sputnik / Жоомарт Ураимов
Эркин Адылбек уулу: мен спортко жөн эле бирөөнү бетке-көзгө койгулайын деп келген эмесмин, бул бир топ татаал суроо

— Жеңишиңиз көп болдубу же…ызалуу ирмемдерби?
— Мен мактанчаак эмесмин, ошон үчүн эсимде жок же билбейм деп коём, бирок жеңишим көбүрөөк (күлүп). Эл аралык бетештерде байгелүү орундарга чыккам, бирок республика боюнча биринчи орунду 3 жолу ээлегем. Акыркы таймаштарымды баалоодо басып коюшкан, андайлар көп болот. Калыс баалоо деген сейрек көрүнүш.

— Сиз алектенгиңиз келген жалгыз нерсе бокспу же дагы башка пландарыңыз да барбы?
— Бул менин жашоом. Мен университетти укук коргоо органдарынын тергөө иштери адистиги боюнча бүтүргөм. Аскерде атайын даярдыктагы "Пантера" аскердик отрядында кызмат өтөгөм. Бирок боксту таштаган жокмун.

Боксер из Кыргызстана Эркин Адылбек уулу с тренером. Архивное фото
© Фото / Жоомарт Ураимов
Мушукер Эркин Адылбек уулу машыктыруучусу менен

— Рингге чыкканда коркунучтуу болобу?
— Башында андай мүнөттөрдө ичимде жаман уйгу-туйгу болчумун. Бул туура эмес экенин кийин гана түшүндүм. Азыр таймашка мамилемди өзгөрттүм. Коркуу сезими ээлик кылса жаман. Азыр рингге ашыкча нерсени ойго албайм. 

— Кармашып жатканда машыктыруучулар өз шакиртине бир нерселерди кыйкыра беришет, бул кыжырга тийбейби?

— Мушкерлерде кулак менен көрүү деген түшүнүк бар. Ага бизди машыгуу учурунда үйрөтүшөт. Рингде баарын байкап да, көрө да албайсың, бирок машыктыруучунун көрсөтмөлөрүн кулагыңа илип алып, андан аркы күрөштүн тактикасын ойлоп тапсаң болот. Машыгуу учурунда кыйыныраак. Сени менен бир эле инструктор эмес, үч киши карап турат. Ар биринин өз ыкмасы, өзүнүн бир билгени бар. Мушташып жатканда ар бири өз багыты боюнча кеңешин берет, а сен бир эле мезгилде баарыныкын илип алышың керек. Ал арада сенин жаалданган маңдайыңдагы атаандашың бир уруп калганга аракет кылып жаткан болот… Рингдеги ирмемдер ошондой. 

— Таймашка кантип камданасыз, карманган кандайдыр бир ырымыңыз барбы?
— Эмоциялык маанай өтө маанилүү, кээде сүкүт чалуу жардам берет.

— Көркөм адабиятка кандайсыз? 
— Азыр Антон Чеховду окуп жатам. Мага анын дүйнөгө көз карашы жагат. Сюжеттери менен каармандары анык турмуштук кырдаалдар алынган.

— Спортчулар мелдештерге жол киресин өзүлөрү төлөгөн учурлар көп. Сизде бул жагынан абал кандай?
— Мурда өзүм төлөчүмүн. Акча чогултуп, ата-энемден жардам алып, машыктыруучу да колунан келишинче көмөктөшөр эле. Азыр биздин ишибизди байкап-баалап калышты, олимпиадалык стипендия алам.

— Жашыруун болбосо, стипендиянын көлөмү канча?
— Меники 45 миң. Кыргызстан үчүн жаман маяна эмес, бирок буга чейин көп каражат жумшалган да…

— Беттешүүлөр көп болгон экен, жаракат да көп алгансызбы?
— Ансыз болбойт, төрт жолу мурдум сынган, бармактарым көп сынды, далым чыгып кетип, бир нече кабыргам да кабырылган.

Боксер из Кыргызстана Эркин Адылбек уулу. Архивное фото
© Sputnik / Жоомарт Ураимов
Эркин Адылбек уулу: эң жакшысы өзүң менен өзүң иштөө, ага канча убакыт, күч жумшасаңыз, жыйынтыгы ошого жараша болот

— Нокаут болгонсузбу?
— Бир эле жолу… Анда ай балка тушка сокку жеп, өзөрө түшкөм. Бирок мени жыгылган абалымда беттештен көтөрүп кетишкен эмес.

— Кантип эс аласыз?
— Бош убактымда негизинен китеп окуйм, кино көрөм. Ошондой эле бийлегенди жакшы көрөм.

— Бийлейсизби? Кантип, кайдан, эмне бийлейсиз?
— Ооба, кыймылым жаман эмес, бий жылдызымын дебейм, бирок олдоксон да эмесмин (күлүп).

— Алдыда оор сынак турат, чын айтсаңыз, коркуп жатасызбы?
— Моюнда жоопкерчилик чоң. Күнүнө эки ирет машыгып жатам. Бул менин алгачкы тажрыйбам. Эң жакшысы өзүң менен өзүң иштөө, ага канча убакыт, күч жумшасаңыз, жыйынтыгы ошого жараша болот.

255
Белгилер:
Эркин Адылбек уулу, спорт, олимпиада, ринг, мушкер
Тема:
Олимпиадалык оюндар, Рио — 2016 (160)
Тема боюнча
Рио-2016: Кыргызстандын үмүтү — жөө күлүк Юлия Андреева
Риого аттанар алдында. Кыргыз спортун өстүрүү үчүн ата-текке, канга көңүл бөлүш керек
Кыргызстан кубогун жеңип алган Нефтчи футболдук клубунун оюнчулары

Футбол: Кыргызстан кубогунун ээси аныкталды

4
(жаңыланган 19:56 18.09.2021)
Эсеп негизги убакытта да, кошумча берилген мөөнөттө да ачылган жок. Финалдык оюндун жеңүүчүсү пенальти сериясынан соң белгилүү болду.

БИШКЕК, 18-сен. — Sputnik. Кочкор-Атанын "Нефтчи" футболдук клубу Кыргызстан кубогунун ээси аталганын Кыргыз футбол союзу билдирди. 

90 мүнөттүк негизги убакытта "Нефтчи" да, ага атаандаш болгон Бишкектин "Алга" командасы да гол киргизе алган эмес. Кошумча берилген эки таймда да эсеп ачылган жок.

Жеңүүчүнү пенальти сериясы аныктап, "Нефтчи" 4:2 эсеби менен жеңүүчү аталды.

Оюн биринчи жолу Баткен шаарынын борбордук стадионунда өттү.

4
Белгилер:
футбол, кубок, мелдеш, команда
Тема боюнча
Кыргызстандын футбол командасы FIFA рейтингинде алдыңкы жүздүккө илинди
Спорттун олимпиадалык эмес түрлөрү дирекциясынын усулчусу Адилет Камчыбеков

Камчыбеков: Бишкек марафонуна майыптыгы бар 100 адам катышат

9
Спорттун олимпиадалык эмес түрлөрү дирекциясынын усулчусу Адилет Камчыбеков Кыргызстан боюнча 195 миңден ашуун майыптыгы бар адам жашай турганын айтты.

Эртең борбор калаада өтүүчү жарым марафонго коляскада отурган майыптыгы бар 100 адамдын катышары пландалган. Бул тууралуу Адилет Камчыбеков Sputnik Кыргызстан радиосуна маек куруп жатып билдирди.

Камчыбеков: Бишкек марафонуна майыптыгы бар 100 адам катышат

Анын айтымында, өлкөдө 195 миңден ашуун ден соолугунан мүмкүнчүлүгү чектелген жаран бар.

"Булар үч топко бөлүнөт. Биринчиси — үйдөн чыкпаган, ата-энесинен башка эч ким менен сүйлөшпөгөн адамдар, экинчи топтогулар жарым-жартылай коомчулукка аралашкандар, ал эми үчүнчүсү билим алып, дос күтүп, эл менен аралашып жүргөндөр, бирок майыптыгы бар. Биринчи топко киргендердин психологиялык дагы саламаттыгы кооптуу абалга кептелет. Алардын ата-энеси, жакындары да ушундай эле оор абалда болот. Бул жарандарды элге аралаштырып, жарышка катыштыруу биринчи кезекте алардын багуучулары, ата-энеси үчүн чоң дем-күч берет. Андыктан биздин марафонго коляскада отурган, үч жаштан өйдө 100 адамды катыштыруу пландалган. Алар төрт топко бөлүнүп чуркашат. Кыздар, эркектер өзүнчө жана жандоочу менен, ошондой эле өз алдынча чуркагандар бар. Марафон учурунда дарыгерлер, тиешелүү социалдык мекемелердин кызматкерлери көзөмөлдөп турушат", — деди Камчыбеков.

Спортчу марафондун жыйынтыгында ар кандай кызыктыруучу сыйлыктар берилерин кошумчалады.

 

9
Белгилер:
Адилет Камчыбеков, марафон, майыптар, ден соолук
Тема боюнча
Надыров: Бишкек жарым марафонунун онлайн катышуучулары да болот