Рио-де-Жанейро жайкы олимпиадалык оюндарында дзюдо күрөшү боюнча Кыргызстандык катышуучу Отар Бестаев

РИО-2016: Дзюдочу Отар Бестаев: Кыргызстандын намысын аягына чейин коргойм

1482
(жаңыланган 12:54 29.07.2016)
Рио-де-Жанейро жайкы олимпиадалык оюндарында дзюдо күрөшү боюнча Кыргызстандын намысын 6-августта биринчи болуп коргой турган дюздочу Отар Бестаев менен атайын спорттук баяндамачы Кабыл Макешов маектешти. Рио оюндары 5-21-августа Рио-де- Жанейро (Бразилия) шаарында өтөт.

Спортчу Россиянынын Владикавказ шаарында төрөлгөн. Мектепти аяктагандан кийин Түндүк-Осетин мамлекеттик университетине тапшырып, дене тарбия жана спорт факультетин аяктаган. Учурда ушул эле окуу жайдын юридикалык факультетинде сырттан окуйт. 

— Сиздин үй-бүлөнү спортчулардын династиясы деп айтып келишет?
— Ооба. Чоң аталарым балбан болушкан экен. Өз атам дзюдо боюнча СССРдин спорт чебери болсо, апам жеңил атлетика боюнча спорт чеберлигине талапкер болгон. Мен дзюдо менен 3-класстан бери машыгам.

Дзюдоист Отар Бестаев на чемпионате мира по дзюдо в Астане. Архивное фото
© AFP 2020 / JACK GUEZ
Отар Бестаев (ак кийимчен) дзюдо боюнча Астана шаарында өткөн дүйнөлүк чемпионатта

— Алгачкы ийгиликтериңиз эсиңизден чыкпаса керек?
— Чынында эле биринчи жолку жеңишиңди эч качан унутпайсың. 10 жашымда алтын медаль алып, төбөм көккө жетип сүйүнгөм. Ата-энем да аябай ыраазы болуп, досторуна көрсөтүп, мактанышкан.

— Кыргызстанга биринчи жолу качан келдиңиз эле?
— 2014-жылы келгем. Бир жылдан кийин Кыргызстандын чемпионатына катышып, бул өлкөнүн намысын коргоого макул болуп, кыргыз жарандыгын кабыл алгам. Менин ушундай жолду тандашыма Дзюдо федерациясынын президенти Ырысбек Мааткабыловдун таасири чоң. 

— Өлкө кандай таасир берди?
— Көп тажрыйба алдым. Менин чеберчилигим жогорулап, спорттогу ийгиликтерим артты. Көптөгөн жакшы улуу инсандар менен тааныштым, өнөктөш жигиттер дагы абдан жакшы кабыл алышты. Кыргызстандыктар меймандос жана кеңпейил, ачык маанай эл экен. Айрыкча жаратылышы, керемет Ысык-Көл мага абдан жакшы таасир калтырды. Элдин дасторкону кенен, тамак-ашы даамдуу экен. 

— Адамдын дзюдочу экенин кантип билсе болот?
— Анын колунун манжаларын карасаңыз эле дароо баарын түшүнөсүз, себеби манжалары аябай жаракат алганы байкалып турат.

— Олимпиадада беттеше турган атаандаштарыңызды билесизби?
— Мен Рио олимпиадасында 60 килограмм салмакта күрөшөм. Атаандаштарымдын баарын билем, айрымдары менен мурда күрөшкөм. Жеңген жана утулган учурларым болгон. Ошондуктан алардын күрөшкөн ыкмаларын талдоого алып, анализ кылып, олимпиада учурунда каталыктарды кетирбөө үчүн даярдык көрүп жатам.

— Машыгуу учурунда өзүңүзгө кандайдыр бир чектөөлөрдү коесузбу?
— Олимпиадалык таймаштарга саналуу күндөр калганда диета кармай баштайм. Табымдан жазбаш үчүн газдалган суу ичпей жана нан жебей турушум керек.

Участник Олимпиады-2016 кыргызстанский дзюдоист Отар Бестаев
© Фото / федерация дзюдо КР
Отар Бестаев: Спорттук карьерам бүткөнгө чейин чын дилимден Кыргызстандын намысын коргойм. Балким кийинки Токио олимпиадасында дагы Кыргызстандын атынан жолдомо жеңип алып, катышып калышым ажеп эмес

— Рио олимпиадасы бүткөндөн кийин Кыргызстанда калып, өлкөнүн намысын коргой бересизби?
— Ооба, спорттук карьерам бүткөнгө чейин чын дилимден Кыргызстандын намысын коргойм. Балким кийинки Токио олимпиадасында дагы Кыргызстандын атынан жолдомо жеңип алып, катышып калышым ажеп эмес. 

— Президент Алмазбек Атамбаев менен жолугушуу кандай таасир калтырды?

— Рио олимпиадасы алдында президент бизди кабыл алып, жеңиштерге шыктандырды. Европа чемпионатында кичинекей Исландия футбол мекени аталган, атактуу Англияны утуп алганын мисалга келтирип, байгелүү орундарды ээлеген спортчуларга урмат-сый көрсөтүлүп, сыйлыктар берилерин убада кылды. Кыргыз туусу эки жүздөн ашуун өлкөнүн катарында көтөрүлүп, намысты колдон чыгарбай келишибизди каалап, жакшы тилектерин айтып узатты. 

— Кыздардын кандай сапаттарын баалайсыз?
— Көбүнчө мен юморду баалай билген тамашакөй бийкечтерди жактырам. 

— Башка улуттун кызына үйлөнсөңүз ушуга ата-энеңиз кандай карамак?
— Сүйүүдө улут жана ишеним жок, эгер мен кимдир бирөөнү сүйүп калсам, анда мени ал кыздан эч нерсе ажырата албайт. Ата-энем мени дайыма түшүнүп, колдойт.

— Кыргызстанда жашайын деген оюңуз жокпу?
— Ар бир адам өзүнүн туулган жеринде жашаганды артык көрөт. Туулган жердин топурагы алтын дешет эмеспи. Мага Кыргызстан абдан жагат, бирок ар бир адамдын өзүнүн туулуп-өскөн жери кымбат. Мен көптөгөн өлкөлөрдө болгом, бирок башка жерде туулган жеримдей, өз үйүмдөй ыңгайлуулукту сезе албадым.

Рио-де-Жанейродогу олимпиадада кыргызстандык спортчулар кайсы күнү беттешерин Sputnik Кыргызстан инфографикасынан көрүңүз>>

1482
Белгилер:
дзюдо, машыгуу, Олимпиадалык оюндар, Отар Бестаев
Тема:
Олимпиадалык оюндар, Рио — 2016 (160)
Тема боюнча
Көздөгү жалын, жүрөктөгү сезим. Алмазбек Атамбаев спортчуларды кабыл алды
Букмекерлер кыргызстандык мушкердин алтын медаль алууга болгон мүмкүнчүлүгүн баалады

Ар бир булчуңдун кыймылы көрүнүп... Шевченко катышкан турнирден өзгөчө видео

136
(жаңыланган 14:39 26.11.2020)
Комментаторлор белгилегендей, видеонун жайлатылган версиясында беттеш алда канча кызыктуу жана ар бир сокку даана көрүнөт.

Абсолюттук мушкерлер чемпионатынын (UFC) уюму эже-сиңди Антонина жана Валентина Шевченколор катышкан турнирдин жайлатылган видеосун жарыялады.

Комментаторлор роликтин мындай версиясы мушкерлердин ар бир соккусун даана көрсөтүп, турнирдин кызыгын арттырганын белгилешкен.

22-ноябрда өткөн турнирде Шевченко чемпиондук наамын ийгиликтүү коргоп калган. Беш раундга созулган айыгышкан беттеш жүрүп, кыргызстандык мушкер кыз толук артыкчылык көрсөткөн.

Ал эми Антонина Шевченко бразилиялык Ариана Липскини техникалык нокаут менен жеңип алды. Кийин ага мыкты беттеш көрсөткөнү үчүн 50 миң доллар бонус катары берилген.

136
Белгилер:
UFC, турнир, Антонина Шевченко, Валентина Шевченко
Тема:
Валентина Шевченконун Женнифер Майя менен беттеши
Тема боюнча
Эже-сиңди Шевченколордун энеси дүйнө чемпиону болду. Видео
Антонина Шевченконун учакты башкарып, асманда калкыган видеосу
Легендарлуу футболчу Диего Марадона. Архив

Диего Марадонанын өлүмүнүн чоо-жайы айтылды

574
(жаңыланган 10:03 26.11.2020)
Футболчу Буэнос-Айрес шаарынан анча алыс эмес жайгашкан Тигре шаарында жашап жаткан. Кечээ эртең менен ойгонгондо абалы жакшы эмес экенин айткан.

БИШКЕК, 26-ноя. — Sputnik. Легендарлуу футболчу Диего Марадона жүрөк кемтигинен каза болгон. Бул тууралуу жергиликтүү TN телеканалына шилтеме берип РИА Новости жазды.

Маалыматта өмүрүнүн акыркы сааттарында ал өзүн начар сезип жатканын айтып, өңү кубарып калганы айтылат.

Футболчу Буэнос-Айрес шаарынан анча алыс эмес жайгашкан Тигре шаарында жашап жаткан. Кечээ эртең менен ойгонгондо абалы жакшы эмес экенин айткан.

"Ал үйүндө операциядан кийин калыбына келүү курсунан өтүп жаткан. Турары менен бир аз тамактанып, андан соң кайрадан жаткысы келгенин айткан. Ал убакта жанында тууганы, психолог, психиатр жана бир медик болгон. Алар Тез жардам чакырып, бирок дарыгерлер келгенде футболчу дем ала албай калган", — деп айтылат кабарда.

Маалыматка караганда, алты автоунаа менен келген Тез жардамдын кызматкерлери спортчуну сактап калууга аракет кылышкан, бирок алардын аракетинен майнап чыккан эмес.

Кийин медиктер анын өлүмүнө жүрөк кемтиги жана өпкөсүнүн шишип кетиши себеп болгонун айтышты.

Эске салсак, 25-ноябрь күнү футбол боюнча 1986-жылы дүйнө чемпиону болгон легендарлуу футболчу Диего Марадона көз жумду.

Аргентиналык спортчу 60 жашта болчу. Ал 30-октябрда бир катар текшерүүлөрдөн өтүү үчүн ооруканага жаткырылган. Кийинчерээк мээсине операция жасалгандыгы кабарланган. Марадона ооруканадан 12-ноябрда чыгарылган болчу.

574
Белгилер:
абал, ден соолук, өлүм, Диего Марадона
Тема боюнча
Белгилүү онколог Дамира Байзакова көз жумду
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү