Рио-2016: жөө күлүк Дарья Маслова тууралуу кызыктуу 5 факты

© © SputnikЖөө күлүк Дарья Маслова. Архив
Жөө күлүк Дарья Маслова. Архив - Sputnik Кыргызстан
Жазылуу
Бүгүн Бишкек убактысы боюнча 20:10до бактысын сынай турган спортчу Дарья Маслова тууралуу төмөнкү макаладан окуңуздар.

БИШКЕК, 12-авг. — Sputnik. Бүгүн, 12-августта Бразилияда өтүп жаткан жайкы Олимпиада оюндарында Кыргызстандын атынан эки спортчу жарышка чыгат. Юрий Краковецкий Бишкек убактысы боюна 19:00дө килемге чыкса, Дарья Маслова саат 20:10до бактысын сынап көрөт. 

Sputnik Кыргызстан агенттиги Риодогу спортчулар тууралуу кызыктуу фактыларды берүүнү улантат. Бул ирет жөө күлүк Дарья Маслова тууралуу маалыматтарды сунуштайбыз. 

1. 21 жаштагы Дарья Маслова Каракол шаарында төрөлүп, алгачкы машыктыруучусу Александр Мох болгон. Ал төрт жылдан бери жеңил атлетика менен машыгып келет. 

2. 2014-жылы Тайпейде өткөн жаштар арасында Азия чемпионатында 3000 метр аралыкты 9 мүнөт 16,23 секундда жана 5000 метр аралыкты дагы 16 мүнөт 18,35 секундда чуркап өтүп Азия чемпиону болгон. 

3. Дарья 5000 метр аралыкта жарышта Кыргызстандын рекорддун жаңырткан. 

© Фото / предоставлено Дарьей МасловойЖөө күлүк Дарья Маслова
Участник Олимпиады-2016, кыргызстанская бегунья Дарья Маслова - Sputnik Кыргызстан
Жөө күлүк Дарья Маслова

4. 2015-жылы Ташкент шаарында 10 000 метр аралыкты 32 мүнөт 14 секундда чуркап келип, Рио олимпиадасына жолдомо алган. 

5.Үлгү туткан адамы — 2002-жылы Түштүк Кореянын Пусан шаарында өткөн 14-Азия оюндарынын чемпиону, Азиянын эки жолку чемпиону, Афина олимпиадасынын катышуучусу, Кыргыз Республикасына эмгек сиңирген спорт чебери, өлкөгө эмгек сиңирген машыктыруучу, "Даңк" медалынын ээси, устаты Татьяна Борисова болуп саналат.

Риодогу Олимпиадада улуттук кураманын ар бир спортчусунун чыгар күнү жөнүндө Sputnik Кыргызстан инфографикасынан билиңиз>> 

Жаңылыктар түрмөгү
0