Жаңы зеландиялык Никки Хамблин менен АКШлык жөө күлүк Эбби Д'Агостинон олимпиада оюндарында

Рио-2016: бири-бирин жөлөп келген жөө күлүктөр өзгөчө медаль менен сыйланды

522
(жаңыланган 13:42 22.08.2016)
Бразилиядагы жайкы Олимпиада оюндарында эки спортчу марага биринчи баруудан мурда бири-бирине жардамга кол сунган.

БИШКЕК, 22-авг. — Sputnik. Эл аралык олимпиадалык комитет жаңы зеландиялык Никки Хамблин менен АКШлык жөө күлүк Эбби Д'Агостинону Пьер де Кубертендин медалы менен сыйлады. Бул тууралуу The Guardian басылмасы жазып чыкты.

Эске сала кетсек, жөө күлүктөр топ болуп чуркап келе жатканда жаңы зеландиялык спортчу Никки Хамблин жыгылып кеткен… Артынан келе жаткан америкалык спортчу Эбби Д'Агостино ага чалынып кулаган.

​​Анткен менен ыкчамдык менен тура калган Эбби Д'Агостино чуркап кетпей, жатып калган спортчуга жардамга келген. Экөөсү туруп жарышка түшөр замат Эбби Д'Агостино кайра кулаган. Анткени спортчу биринчи жолу кулаганда бутун кокустатып алганы белгилүү болгон. Ошол замат ага жаңы зеландиялык спортчу кол сунган. Ошентип эки спортчу бири-бирин жөлөп-таяп, марага эң акыркылардан болуп келишкен. 

Риодогу Олимпиада оту
© Sputnik / Алексей Куденко
Бул көрүнүштү кызыгуу менен байкап турган калыстар акыркы келген эки спортчуга тең финалдык жарышка чыгууга укук берген.

Ал эми америкалык спортчу финалга жаракатынан улам чуркоого катыша албай калса, жаңы зеландиялык Никки Хамблин акыркы болуп келген. 

Бул кадамдары үчүн спортчулар өзгөчө медаль менен сыйланышты. Аталган медаль тарыхта 17 гана жолу берилген. 

Пьер де Кубертендин медалы спорттук дух үчүн берилүүчү сыйлык болуп саналат.

522
Белгилер:
медаль, спорт, Олимпиадалык оюндар
Тема:
Олимпиадалык оюндар, Рио — 2016 (160)
Тема боюнча
Рио-2016: кыргызстандык жөө күлүктөр алдыңкы жүз спортчунун катарына кирди
Рио-2016: калыстардын чечимине каршы монголдук машыктыруучулар жылаңачтанышты
Жөө күлүк Тяпкин марага 86-болуп келди, Рио-2016да Кыргызстан куру кол калды
Мадриддик Реал клубунун капитаны Серхио Рамос. Архив

Футболчу Серхио Рамос мушкер Конор Макгрегорго чакырык таштады. Видео

93
(жаңыланган 10:01 03.12.2020)
34 жаштагы Рамос машыгуу залында Макгрегордун басканын туураган видеосун жарыялап, алдына билдирүү жазган.

БИШКЕК, 3-дек. — Sputnik. Мадриддик "Реал" клубунун капитаны Серхио Рамос ирландиялык мушкер Конор Макгрегорго чакырык таштады. Футболчу мушкерге өзүнүн Instagram баракчасы аркылуу кайрылган. 

Посмотреть эту публикацию в Instagram

Публикация от Sergio Ramos (@sergioramos)

34 жаштагы Рамос машыгуу залында Макгрегордун басканын туураган видеосун жарыялап, астына билдирүү калтырган.

"Конор, качан даяр болосуң?" — деген футболчу.

Өз кезегинде мушкер бул чакырыкка кечиктирбей жооп кайтарган.

"Даяр бол, менин досум! Алдыда чоң беттеш турат", — деп футболчунун постунун астына билдирүү калтырган Конор.

Эки салмактын экс-чемпиону Конор Макгрегор 23-январда UFC 257 мелдешинде кезектеги беттешке чыгат. 32 жаштагы ирландиялык мушкерге америкалык Дастин Порье атаандаш болот.

Рамос буга чейин машыгууда гол киргизип, Макгрегордун басканын туурап майрамдап, мушкерге кайрылган.

Өз кезегинде мушкер достору менен футбол ойноп жатып алыстан киргизген голун жарыялап, футболчуга жооп кылган. Рамос Макгрегорду "Реал" клубунун машыгуусуна чакырган болчу.

93
Белгилер:
чакырык, Конор Макгрегор, UFC, футбол
Тема боюнча
UFC мушкери Конор Макгрегор "Реалдын" машыгуусуна катышмай болду
Бокс боюнча оор салмактагы жана биринчи оор салмактагы мурунку чемпион 58 жаштагы Эвандер Холифилд. Архив

Чык рингге! Кулагын тиштеткен Холифилд атаандашы Тайсонго чакырык таштады

105
Майк Тайсон менен Эвандер Холифилд бокстагы эзелки атаандаштардан. Алардын 1997-жылдагы кармашы дүйнө элинин спортту сүйгөн катмарынын эсинде калган.

БИШКЕК, 3-дек. — Sputnik. Бокс боюнча оор салмактагы жана биринчи оор салмактагы мурунку чемпион 58 жаштагы Эвандер Холифилд элдин көзүнчө абалкы атаандашы, оор салмактагы абсолюттук чемпион Майк Тайсонго беттешүү чакырыгын таштады. Бул тууралуу РИА Новости жазды.

Ал беттешти уландысы менен өткөрүүнү белгилеп кеткен.

Лос-Анжелесте 54 жаштагы Тайсон башка мушкер, 51 жаштагы ардагер спортчу Рой Жонс менен беттешип, тең чыккан.

Тайсон маектеринин биринде Холифилд менен бир кармашсам деген ниетин айткан эле.

"Мен тарап беттеш өткөрүүгө аракеттенип, бирок ар кыл шылтоодон бөлөк эч нерсе ала алган эмес. Мени менен бокска чыгуудан мурда эмне үчүн беттешке аттангандыгын эми түшүнүп турам. Майк үчүн Рой Жонс жакшы атаандаш болду. Ал эми мени менен кармаш чоң окуя болот. Кимдир бирөөлөр көргүсү келген бирден-бир кармаш — экөөбүздүн ортобуздагы беттешүү. Экөөбүз бокска чыкпай койгонго эч кандай себеп жок. Эми актанбашыбыз керек. Тайсон, ишемби күнү кечинде мени менен кармашканга даяр экениңди айттың, анда келишимге кол кой да рингге чык. Дүйнө күтүп жатат, эми баары сага гана байланыштуу. Мен даярмын", — деген Холифилд.

Спортчунун бул айткандарын mmafighting.com жазды.

Тайсон менен Холифилд рингде эки ирет кездешкен. Ал эми 1997-жылдагы беттеште Холифилддин кулагын тиштеп алганы үчүн Тайсон кармаштан четтетилген болчу.

105
Белгилер:
чакырык, ринг, бокс, кармаш, Рой Жонс, Майк Тайсон
Тема боюнча
Тайсон акулалар менен кармашканда. Шоунун видеосу

Финпол 250 миң сом пара берген адамды кармады. Кабинеттен тартылган видео

0
(жаңыланган 13:04 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, кызмат адамына ири өлчөмдөгү пара берип жаткан жеринен колго түшүрүлгөн.

Ошол эле учурда кайсы кызматкерге бергени айтылган эмес.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

0
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды