Олимпиада 2016. Дзюдо. Мужчины. Весовая категория выше 100 кг

Олимпиада жыйынтыгы менен КРдеги федерация башчылары, машыктыруучулар бошотулат

315
(жаңыланган 18:33 26.08.2016)
Рио шаарында болгон жайкы олимиадалык оюндарга Кыргызстандын намысын коргоо үчүн 19 спортчу аттанган. Бирок алар медаль ала алган жок.

БИШКЕК, 26-авг. — Sputnik. Бразилияда өткөн XXXI жайкы Олимпиада оюндарынын жыйынтыгы менен катуу чаралар көрүлүп, ал тургай кызматтан бошотуулар болушу мүмкүн. Бул туурасында Жаштар иши, дене тарбия жана спорт боюнча мамлекеттик агенттиктин жетекчиси Канат Аманкулов маалымат жыйында билдирди.

Анын айтымында, Мамлекеттик агенттик менен Улуттук Олимпиада комитети спортчулар үчүн Оюндарга даярданууга бардык шарттарды түзүп берген. 

"Биз Отар Бестаев менен Юрий Краковецкий (дзюдо), Арсен Эралиев (грек-рим күрөшү), Айсулуу Тыныбекова (кыз-келиндер арасындагы күрөш) жана Магомед Мусаевге (эркин күрөш) басым жасаганбыз. Булар алдыңкы делген спортчуларыбыздан болчу, алар чынында эле медаль алып келе алышмак. Калгандары өздөрүнүн деңгээлинде же андан начар оюн көрсөтүштү",— деди Аманкулов.

Анын айтымында, II Дүйнөлүк көчмөндөр оюнунан кийин аталган агенттиктин коллегиялык жыйыны өтөт. 

"Спорттук федерациялар менен машыктыруучуларга доомат бар. Алар спортчуларды даярдоо боюнча тиешелүү милдеттенмелерин аткара алган жок. Коллегиянын жыйынтыгы менен бир катар катуу чараларды көрөбүз, айрым башкы машыктыруучулар кызматынан кетет, балким бир нече федерация жетекчилери да бошотулат. Өздөрүнүн дымагы үчүн майлуу жерлерде отура берген болбойт",— деди Аманкулов.

Рио шаарында болгон жайкы олимпиадалык оюндарга Кыргызстандын намысын коргоо үчүн 19 спортчу аттанган. 

Кыргызстанга бул оюндарда оор атлетчи Иззат Артыков коло медаль алып келген, бирок аны Спорттук арбитраждык сот стрихнин каражатын колдонгон деген кине менен байгесинен ажыраткан.

315
Белгилер:
спортчу, олимпиада, Айсулуу Тыныбекова, Канат Аманкулов, Арсен Эралиев
Тема:
Олимпиадалык оюндар, Рио — 2016 (160)
Тема боюнча
Риодогу Олимпиаданын жабылышы: кыргыз желегин көтөргөн Айсулуу, миңдеген фейервектер
Жөө күлүк Тяпкин марага 86-болуп келди, Рио-2016да Кыргызстан куру кол калды
Акча сунуп жаткан адам. Архив

Спорт агенттиги коррупцияга каршы челлендж өткөрөт

56
Соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт.

БИШКЕК, 5-дек. — Sputnik. Жаштар иши, дене тарбия жана спорт боюнча мамлекеттик агенттик Коррупция менен күрөшүү эл аралык күнүнө карата социалдык тармактарда челлендж өткөрөт. Бул тууралуу агенттиктин маалымат кызматы кабарлады.

"Бүгүн "биз коррупцияга каршыбыз, токто" деп айта турчу күн келди. Демилге коомдо коррупциялык көрүнүштөргө терс мамилени калыптандыруу максатында көтөрүлдү", — деп айтылат билдирмеде.

Маалым болгондой, бул челленджге бардык каалоочулар катыша алат. Ал үчүн соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт. Челлендж 10-декабрга чейин уланат.

Агенттик Бириккен Улуттар Уюмунун чечими менен жыл сайын 9-декабрда Коррупция менен күрөшүү эл аралык күнү белгиленип келерин кошумчалады.

56
Белгилер:
Жаштар иши, дене тарбия жана спорт агенттиги, социалдык тармак, коррупция
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Ысык-Көл облустук өнүктүрүү фонду мамлекетке 13 млн. сом зыян келтиргени аныкталды
Кыргызстандык балбан кыз Айсулуу Тыныбнекова. Архив

Сүйүнчү! Айсулуу кыздар күрөшүнүн тарыхында эң мыкты балбан деп табылды

2957
(жаңыланган 19:55 04.12.2020)
Добуш берүү UWW уюмунун Instagram баракчасында жүргүзүлдү. Кыргызстандык балбан кыз 293 миңдей добуштун теңинен көбүн алган.

БИШКЕК, 4-дек. — Sputnik. Кыргызстандык балбан кыз Айсулуу Тыныбекова кыздар күрөшүнүн тарыхындагы эң мыкты балбан деп табылды. Бул тууралуу Бириккен күрөш дүйнөсү (UWW) уюмунун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Кыргызстандык дүйнө чемпиону индиялык Винеш Пхогат менен финалга чыккан болчу.

"Биз менен кошо Айсулуу Тыныбекованы куттуктаңыз. UWW уюмунун "Күрөш тарыхындагы эң мыкты балбан кыз" жарышында жеңүүчү болду. Тыныбекова 292 896 күйөрмандын 58 пайыз добушун алды", — деп айтылат билдирүүдө.

UWW уюмунун виртуалдуу мелдеши онлайн форматта өткөн. Индиялык спортчуга 121,907 адам добуш берсе, Тыныбекованы 170,989 адам колдогон. 

2957
Белгилер:
күрөш, Айсулуу Тыныбекова
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Секирген атаандашын төбөгө көтөрүп уруп... КР балбандары жасаган укмуш ыкмалар. Видео
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен