Төрт күндө 18 алтын медаль алган Кыргызстан жана эр эңиштеги эрлер

© Sputnik / Табылды КадырбековКыргызстан менен Кытай командаларынын Жирит оюну боюнча беттеши
Кыргызстан менен Кытай командаларынын Жирит оюну боюнча беттеши - Sputnik Кыргызстан
Жазылуу
II Дүйнөлүк көчмөндөр оюндарынын төртүнчү күнү менен кошо Кырчын жайлоосундагы маданий иш-чаралар соңуна чыкты.

ЧОЛПОН-АТА, 7-сен. — Sputnik. Убакыт учкан куш демекчи, II Дүйнөлүк көчмөндөр оюндарынын төртүнчү күнү соңуна чыгып отурат. Бул күндөгү мелдештерге кабарчыбыз Исмаил Мамытов жеринен көз салып турду.

Театрализованное шоу в рамках Всемирных игр кочевников на джайлоо Кырчын - Sputnik Кыргызстан
Олимпиаданын "түгөйү": Көчмөндөр оюну дүйнөлүк ЖМКнын видеосунда
Алгач адаттагыдай эле кепти Кырчын жайлоосунан баштайбыз. Дал ушул жайлоодо өтүп жаткан "Көчмөндөр ааламы" менен кошо эле салбурундун жарыштары жыйынтыкталды. Бактуу-Долоноту айылындагы жаңы курулган ден соолукту чыңдоочу комплексте алыш боюнча балбандар күч сынашты. Ал эми ат майданда көк бөрүнүн 3-орун үчүн болгон оюну, эр эңиш жана жирит болду. Мындан сырткары "Көгүлтүр Ысык-Көл" пансионатында ордо оюндары уланды. Ал эми "Аврора" пансионатында тогуз коргол жана мангала боюнча спортчулар байге талашты.

"Көчмөндөр ааламы" фестивалы боюнча тогуз номинацияда мыктылар аныкталып, баалуу белектер менен сыйланды. 

Ат майданда өткөн көк бөрүдө кытайлыктар 18:2 эсебинде Башкыртстандыктарды жеңсе, тайган салуу боюнча алдыңкы орундарды жалаң кыргыздар илип кетти. Ал эми бүркүт салуу боюнча 1, 2-орунду кыргыздар алса, 3-орунду казакстандыктар ээледи.

Жирит боюнча биринчи орунду Кыргызстан менен Түркия командасы бөлүп алса, эр эңиште кыргыздар намыска жарап, биринчи орунду багынтышты.

Төртүнчү күндүн жыйынтыгы боюнча тизме:

  • Кыргызстан — 18 алтын, 18 күмүш, 19 коло; 
  • Россия — 10 алтын, 3 күмүш, 7 коло;
  • Казакстан — 8 алтын, 9 күмүш, 11 коло;
  • Азербайжан — 3 алтын, 3 күмүш, 3 коло; 
  • Грузия — 2 алтын, 1 күмүш;
  • Иран — 2 алтын, 4 коло; 
  • Тажикстан — 1 алтын, 1 күмүш, 2 коло; 
  • Өзбекстан — 2 күмүш, 4 коло; 
  • Армения — 2 күмүш, 1 коло; 
  • АКШ — 2 күмүш, 1 коло; 
  • Украина — 1 күмүш, 3 коло; 
  • Польша — 1 күмүш, 1 коло;

Түркмөнстан менен Монголия бештен коло утса, Венгрия төрт, Литва үч, Норвегия эки, Кытай бир колого ээ болушту. Калган өлкөлөрдүн спортчуларына ийгилик жылмая элек.

Жаңылыктар түрмөгү
0