Дүйнөлүк көчмөндөр оюндарындагы Кыргызстандын көк-бөрү боюнча курама командасы. Архив

Кыргызстан Көчмөндөр оюнунда 79 медалга ээ болуп, сап башына чыкты

398
(жаңыланган 00:23 09.09.2016)
Тизмеде Россия экинчи болсо, алардын артынан казакстандыктар келе жатышат.

ЧОЛПОН-АТА, 8-сен. — Sputnik. Дүйнөлүк көчмөндөр оюндарынын медалдык эсебинде Кыргызстан 79 медаль алып, биринчи орунга чыкты. 

Анын 25и — алтын болсо, 25и — күмүш жана 29у — коло байгелер.

Экинчиликти 15 алтын, 3 күмүш, 6 коло менен Түркмөнстан, ал эми 12 алтын, 13 күмүш, 13 коло медаль алган Казакстан үчүнчү орунду эледи. Ошондой эле Россиянын курама командасы 12 алтын, 5 күмүш жана 10 коло медаль менен төртүнчү болду. Бешинчиликти 4 алтын, 4 күмүш жана жети алтын менен Азербайжан камсыздады.

Эскерте кетсек, Көчмөндөр оюндары биринчи жолу мындан эки жыл мурун, 2014-жылы Көл жээгинде өткөн. Ага Кыргызстан, Азербайжан, Белоруссия, Казакстан, Тажикстан, Өзбекстан жана Россиянын командалары катышкан.

Быйыл 3-8-сентябрь күндөрү Ысык-Көлдө Экинчи дүйнөлүк көчмөндөр оюндары өтүп, 62 мамлекеттен келген миңден ашуун спортчу улуттук спорттун 26 түрү боюнча күч сынашты.

398
Белгилер:
тизме, медаль, Дүйнөлүк көчмөндөр оюндары
Тема:
Дүйнөлүк көчмөндөрдүн II оюндары (244)
Тема боюнча
Кан кызыткан көк бөрү: чаң ызгыткан тулпарлар, намыска бек жигиттер
Көк бөрү, аламан байге, тыйын эңмей — ат оюндарынан кайталангыс көз ирмемдер
Жаманкулов: Кырчындагы иш-чараларга 40 миңден ашуун адам күбө болду