Спорттук медалдар. Архив

КРдин самбочу ардагерлери дүйнө чемпионатында 8 медалга ээ болушту

59
(жаңыланган 21:58 24.10.2016)
Дүйнөлүк биринчилик Хорватиянын Пореч шаарында өттү. Кыргызстандан ага тогуз спортчу катышып, сегизи медалга татыктуу болушту.

БИШКЕК, 24-окт. — Sputnik. Кыргызстандык самбочулар ардагерлер арасындагы мелдеште күч сынашып, сегизи медалга ээ болду. Бул тууралуу Самбонун эл аралык федерациясынын сайтына жарыяланды. 

Хорватиянын Пореч шаарында өткөн дүйнөлүк биринчилик 21-октябрда башталып, бүгүн жыйынтыкталды.

Мелдештин биринчи күнү Кыргызстандын байге куржуну эки күмүш, эки коло медаль менен толукталып, күмүштү Эркинбек Үмөталиев (68 килограммга чейин) менен Абакар Рысов (100 килограммга чейин) алышты. Ал эми 74 килограммга чейинки салмак категориясында Азатбек Жумабаев менен оор салмактагы (100 килограммга чейин) Абдугапар Урбаев коло медаль тагынышты. Аталган спортчулардын баары 50-54 жана 55-59 жаш куракта күч сынашкан.

Экинчи күн андан да ийгиликтүү болуп, Талас Бегалиев 74 килогарммга чейинки салмак категориясында алтын медалга ээ болду. Кыргызстандык спортчу 35 жаштан 39 жашка чейинкилердин арасында ат салышты. 

Ал эми коло медалга Мидин Арыкбаев (82 килограммга чейин), Болотбек Шамырканов (74 килограммга чейин) жана Иличбек Чокоев (90 килограммга чейин) ээ болуп, аталган спортчулар 45-49 жаш курак ченинде күч сынашты.

59
Белгилер:
медаль, ардагерлер, самбо, Хорватия
Тема боюнча
Ак калпак менен ак чепкен: Турганбаев менен Изабековду аэропорттон тосуп алышты
КР самбочусу Хорватияда өткөн ардагерлер арасында дүйнө чемпиону аталды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

126
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

126
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот
Абсолюттук мушкерлер чемпионатынын (UFC) президенти Дана Уайт. Архив

Уайт: Нурмагомедов Гэтжи беттеши UFC тарыхындагы эң ири таймаш болот

134
(жаңыланган 00:18 22.10.2020)
Азырынча эң ири беттеш катары Нурмагомедов менен Макгрегордун беттеши саналууда. Кармашты түз алып берүү укугун 2,4 миллион колдонуучу сатып алган.

БИШКЕК, 21-окт. — Sputnik. Абсолюттук мушкерлер чемпионатынын (UFC) президенти Дана Уайт россиялык Хабиб Нурмагомедов менен америкалык Жастин Гэтжи кармаш промоушендин тарыхында эң ири беттеш болорун белгиледи. Бул тууралуу ал TMZ Sports маалымат булагына билдиргенин РИА Новости жазды.

Спортчулар 24-октябрда "Мушкерлер аралы" спорттук жайында өтүүчү UFC 254 мелдешинде жекеме-жеке чыгышат. Марада учурда Нурмагомедов ээлик кылган промоушендин жеңил салмактагы чемпиондук кур турат.

"Бул ири беттеш экени көп күттүрбөй эле маалым болот. Кармаштын эртесинде, дүйшөмбү күнү эле биз буга күбө болобуз. Көпкө созулбайт, бейшемби күнү эмес, жума күнү да эмес, беттештен кийинки эле дүйшөмбү күнү...",  — дейт Уайт маегинде.

Эң мыкты ыкмалары камтылган! Хабибдин турнир алдындагы проморолиги чыкты

Анын маалыматы боюнча, Нурмагомедов — Гэтжи таймашына кызыккандардын саны күн сайын арбып баратат. Уайт бул беттеш акы төлөнүүчү трансляциялардын сатылганы боюнча UFC уюмунун рекордун жаңыртат деп күтүлгөнүн билдирет. Бул жаатта азырынча эң алдыңкы көрсөткүч Хабиб Нурмагомедов менен Конор Макгрегордун беттешине таандык. 2018-жылдын октябрь айында жеңил салмактын чемпиондугу үчүн болгон кармашты түз алып берүү укугун 2,4 миллион колдонуучу сатып алган.

Эскерте кетсек, бүгүн бул титулдук беттештин алдындагы маалымат жыйын өтөт.

134
Белгилер:
трансляция, беттешүү, Жастин Гэтжи, Хабиб Нурмагомедов, Дана Уайт, UFC
Тема боюнча
Ооруга карабай... Нурмагомедов менен Гэтжинин кармашына эл келиши мүмкүн
UFC: Хабиб көз караштар таймашында жеңилип калды. Тамашалуу ролик