Кыргызстандык шахматчы Казакстанда өткөн турнирде алтын медаль тагынды
(жаңыланган 14:08 10.11.2016)
Кыргызстандык шахматчы эл аралык нормативи бар 10 чебердин ичинен эң мыктысы аталды.БИШКЕК, 10-ноя. — Sputnik. Кыргызстандык шахматчы Семетей Төлөгөн тегин Казакстанда өткөн эл аралык турнирде алтын медалга ээ болду. Бул тууралуу КРдин Шахмат федерациясынын президенти Милан Турпанов билдирди.
Анын айтымында, мелдеш Карагандада (Казакстан) өткөн. Акыркы таймаш 9-ноябрда болгон.
Турнирде Казакстан, Россия, Кыргызстан, Украина жана Тажикстан өлкөлөрүнүн шахматчылары катышып, жалпысынын 10 адам ат салышкан. Алар айланма системасы боюнча бири-бири менен ойногон.
Семетей Төлөгөн тегин жети жолу жеңишке жетишип бир партияда тең чыккан. Оюндун акырында 7,5 упай топтоп биринчи орунду ээледи.
Брюс Лини туураган Нурмухаммед өзгөчө өнөрү менен рекорд койду. Видео
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.
Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.
"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.
Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.
Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.
Белгилер:
Казакстандык жана украиналык футболчулар мушташа кетип, оюн токтоду. Видео
(жаңыланган 16:09 01.03.2021)
Казакстандык "Окжетпес" жана украиналык "Верес" футбол клубдарынын беттеши массалык мушташтан улам токтотулду.Жолдоштук беттеш Түркиянын Белек аймагындагы машыгуу базасында өткөн.
©
YouTube / Pablo Rey
Калыстар оюнду токтотууга аргасыз болушкан. Эсеп 1:1 болчу.
Кийинчерээк "Окжетпес" клубу бул ички чемпионатка карата даярдык иретинде өткөрүлгөн беттеш экенин билдирген.
"Матч бейрасмий экенине карабай орой жана кооптуу өттү. Мындай оюндан кийин жаракат алган оюнчу футболго жараксыз болуп калышы да толук мүмкүн. Беттеш токтотулуп, командалар тарап кетти", — деген казакстандык команда.
Өз кезегинде "Верестин" башкы машыктыруучусу Юрий Вирт мындай чырдын чыкканына казакстандыктардын ашкере орой ойногону себеп болгонун айтты.
Белгилер: