Футболчулар Криштиану Роналду, Неймар жана Месси. Архивдик сүрөт

Дүйнөдөгү эң кымбат 10 футболчу аныкталды

924
(жаңыланган 18:39 17.01.2017)
Алгачкы үчтүккө Неймар, Месси жана Погба кирди.

БИШКЕК, 17-янв. — Sputnik. Испаниянын "Барса" клубунун жана Бразилиянын курама командасынын чабуулчусу Неймар дүйнөдөгү эң кымбат футболчу деп табылды. Бул туурасында РИА Новости агенттиги Эл аралык спорттук изилдөөлөр борборунун (CIES) изилдөөсүнө таянуу менен билдирди. 

Ал эми анын клубдашы Лионель Месси экинчи болсо, "Манчестер Юнайтед" клубу менен Франциянын курама командасынын жарым коргоочусу Поль Погба үчүнчү орунду ээлейт.

Эң кымбат 10 футболчунун рейтинги:

  1. Неймар Да Силва, "Барса" — 246,8 миллион евро;
  2. Лионель Месси, "Барса" — 170,5 миллион евро;
  3. Поль Погба, "Манчестер Юнайтед" — 155,3 миллион евро;
  4. Антуан Гризманн ("Атлетико") – 150,4 миллион евро;
  5. Луис Суарес ("Барселона") – 145,2 миллион евро;
  6. Харри Кейн ("Тоттенхэм") – 139,2 миллион евро;
  7. Криштиану Роналду ("Реал") — 126,5 миллион евро;
  8. Пауло Дибала ("Ювентус") – 113,8 миллион евро;
  9. Деле Алли ("Тоттенхэм") – 110,5 миллион евро;
  10. Эден Азар ("Челси") – 101,5 миллион евро.

924
Белгилер:
рейтинг, футбол
Тема боюнча
FIFA версиясы боюнча Криштиану Роналду 2016-жылдын мыкты оюнчусу деп табылды
"Барселонанын" директору Мессини сындаганы үчүн ишинен айрылды
Кыргызстандык балбан Айсулуу Тыныбекова

Эмоция кайнап, ыйлагым келип турат. Айсулуунун Токиодогу алгачкы билдирүүсү

3
(жаңыланган 22:33 04.08.2021)
Кыргызстандык балбан Айсулуу Тыныбекова ичинде эмоция кайнап турганын жашырган эмес. Ошол эле учурда ал калган спортчуларга ийгилик каалап, баары жакшы экенин жазган.

БИШКЕК, 4-авг. — Sputnik. Кыргызстандык балбан Айсулуу Тыныбекова Токиодо өткөн Олимпиадада финалдык беттештен кийин алгачкы билдирүүсүн Facebook баракчасына жарыялады.

Спортчу колдоо көрсөткөн кыргыз элине рахматын айткан.

"Кадырлуу кыргыз элим! Ушул күнгө чейин мени колдоп, демиме дем кошкон ар бириңиздердин каалоо-тилектериңиздерге ийилип таазим кылам. Азыр ичимде эмоциялар кайнап, чынын айтсам ыйлагым келип турат... Спорт мени мындай учурларда күчтүү болууга үйрөттү. Такшалдык! Айта турчу сөз көп. Дагы кенен пикир алмашабыз", — деп жазган ал.

Тыныбекова калган спортчуларга ийгилик каалап, баары жакшы экенин белгилеген.

"Азыр болсо өлкө намысын кийинки беттештерде коргой турчу спортчуларыбызга ийгилик каалайм. Кыргыз элимдин алтынга болгон үмүтү үчүн күрөшүңүздөр! Алга! Баары жакшы! Сиздердин колдооңуздар мени дагы да чыйралтат!" — деген спортчу.

Кыргызстандык балбан Айсулуу Тыныбекова Токиодогу Олимпиада оюндарында күмүш медаль утту. Бул Кыргызстандын Токио Олимпиадасындагы экинчи күмүш медалы болду. Кечээ грек-рим күрөшүнөн Акжол Махмудов күмүш байге тагынган. Ал эми кыздар күрөшүнөн Мээрим Жуманазарова коло байге утту. Кыргызстан баш-аягы Токио Олимпиадасынан үч медалдуу болду.

Кыргызстандан Токио шаарына, XXXII жайкы Олимпиадага 16 спортчу аттанган. 23-июлда башталган олимп оюндары 8-августта аяктайт.

3
Белгилер:
Айсулуу Тыныбекова, билдирүү, олимпиада, күрөш
ONE FC жылдызы Кямран Аббасов. Архив

Чолпон-Атадагы дүйнө чемпионатына ONE FC жылдызы Кямран Аббасов келди. Видео

32
(жаңыланган 21:51 04.08.2021)
Кыргызстандык мушкер Кямран Аббасов беделдүү болгон ONE FC уюмунун учурдагы чемпиону. Чет мамлекетте жашап машыгып келет, мекенине чанда гана келип турат.

БИШКЕК, 4-авг. — Sputnik. Ысык-Көлдө өтүп жаткан уруш өнөрлөрү боюнча дүйнө чемпионатына ONE FC уюмунун учурдагы чемпиону, кыргызстандык мушкер Кямран Аббасов ардактуу конок катары келди. Бул тууралуу Sputnik агенттигинин кабарчысы жеринен билдирди.

Эске салсак, Чолпон-Атада спорттун беш түрү: ММА, самбо, грэпплинг, тай бокс жана жиу-житсу боюнча дүйнө чемпионаты болууда.

Бүгүн, 4-августта, спорттук иш-чаранын расмий түрдө ачылышы болду. Ардактуу коноктордун бири катары Кямран Аббасов чакырылган.

"Жалпыңыздарга салам! Биринчиден, турнирдин уюштуруучуларына алкыш. Жаштар — биздин болочок чемпиондорубуз. Спортчуларга ийгилик каалап, чыдамкай, эрктүү болгула демекчимин. Спорттогу ири жолдор ушундай мелдештерден башталат. Көз ачып жумгуча эле ири уюмдарда ат салышып каласыңар. Дагы бир ирет ийгилик, бардык жакшылыктарды каалайм", - деди Аббасов.

Турнирдин ачылышынан кийин чемпион менен сүрөткө түшөбүз дегендер көп болду, спортчу эч кимди көңүл кош калтырган жок.

Аббасов аталган уюмдун 2019-жылдын 25-октябрында Индонезиянын Жакарта шаарында өткөн мелдешинде швециялык мушкер Себастьян Кадестанды утуп, чемпион болгон. 2020-жылы октябрда америкалык Жеймс Накашимини утуп, наамын коргоп калган.

Карьерасында 24 беттешти утуп, төрт мелдеште жеңилген.

32
Белгилер:
Чолпон-Ата, дүйнө чемпионаты, мушкер, видео, Кямран Аббасов
Тема боюнча
Бүйүр кызытып... Хабиб Нурмагомедовдун Чолпон-Атадагы турнири видеодо
Нурмагомедов келген көл жээктеги Eagle FC турнири. 17 сүрөт