Кыз күрөшү. Архивдик сүрөт

Кыргызстандын балбан кыздары ири эл аралык турнирлерге даярданып жатат

92
Балбан кыздар Индияда өтө турган Азия чемпионатына жана Азербайжандагы Ислам оюндарына даярдык көрүшүүдө.

БИШКЕК, 24-мар. — Sputnik. Кыргызстандын аялдар арасындагы күрөш боюнча курама командасы ири эл аралык турнирлерге Чолпон-Ата шаарында даярданып жатышат. Бул тууралуу Жаштар иши, дене тарбия жана спорт мамлекеттик агенттигинин сайтында жазылган.

Маалыматка караганда, балбан кыздар Индияда өтө турган Азия чемпионатына жана Азербайжандагы Ислам оюндарына даярдык көрүшүүдө.

Кыргызстандын курама командасы:

  • Айсулуу Тыныбекова
  • Айпери Медет кызы
  • Назира Марсбек кызы
  • Мээрим Жуманазарова
  • Нураида Анаркулова
  • Калмира Билимбек кызы
  • Айбике Артыкалы кызы
  • Бермет Нурланбек кызы
  • Мадина Надирова
  • Айсалкын Кожомкул кызы
  • Саяна Байызова
  • Айжан Сабырбек кызы
  • Кымбат Канат кызы
  • Бурулай Даниель кызы
  • Жаркынай Нурлан кызы
  • Розалия Тилегенова
  • Дильноза Курманбек кызы.

Белгилей кетсек, курама команданын командировкасын Жаштар иши, дене тарбия жана спорт мамлекеттик агенттиги каржылап, жалпы 591 миң сом сарпталган.

92
Белгилер:
турнир, даярдык, күрөш, балбан
Тема боюнча
Айсулуу Тыныбекова Швециядагы мелдеште күмүш байгелүү болду
Кыргызстандык балбан Стамбулдагы мелдеште алтын медалга ээ болду
Айсулуу Тыныбекова дүйнөдөгү мыкты төрт балбандын катарына кирди

Брюс Лини туураган Нурмухаммед өзгөчө өнөрү менен рекорд койду. Видео

40
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.

Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.

Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.

"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.

Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.

Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.

40
Белгилер:
Нурмухаммед Ташмаматов, видео, өнөр, теннис, рекорд, жеткинчек, Россия, Кыргызстан
Тема боюнча
Кыргызстандык кыз "Лучше всех" шоусунда спорттун өзгөчө түрүн көрсөттү. Видео

Казакстандык жана украиналык футболчулар мушташа кетип, оюн токтоду. Видео

174
(жаңыланган 16:09 01.03.2021)
Казакстандык "Окжетпес" жана украиналык "Верес" футбол клубдарынын беттеши массалык мушташтан улам токтотулду.

Жолдоштук беттеш Түркиянын Белек аймагындагы машыгуу базасында өткөн.

Оюн достук маанайда башталып, казакстандыктар эсепти ачкан. Биринчи бөлүктүн 29-мүнөтүндө украиналыктардын коргоочусу Дмитрий Немчанинов орой ойноп, казакстандык оюнчу ага каршы атырылган. Чырды токтотуунун ордуна алмашууда турган оюнчулар, машыктыруучулар штабы оюн талаасына чуркап чыгып, мушташа кетишкен.

Калыстар оюнду токтотууга аргасыз болушкан. Эсеп 1:1 болчу.

Кийинчерээк "Окжетпес" клубу бул ички чемпионатка карата даярдык иретинде өткөрүлгөн беттеш экенин билдирген.

"Матч бейрасмий экенине карабай орой жана кооптуу өттү. Мындай оюндан кийин жаракат алган оюнчу футболго жараксыз болуп калышы да толук мүмкүн. Беттеш токтотулуп, командалар тарап кетти", — деген казакстандык команда.

Өз кезегинде "Верестин" башкы машыктыруучусу Юрий Вирт мындай чырдын чыкканына казакстандыктардын ашкере орой ойногону себеп болгонун айтты.

174
Белгилер:
мушташ, беттешүү, Түркия, Украина, Казакстан, футбол
Тема боюнча
Бразилия чемпионатынын финалында футболчулар массалык мушташ чыгарышты. Видео