Спортчулар. Архив

Жаш дзюдочулар Казакстанда өтүүчү турнирге катышат

39
Мелдеш Казакстандын Талдыкурган шаарында 27-марттан 30-мартка чейин уюштурулмакчы.

БИШКЕК, 27-мар. — Sputnik. Кыргызстандын жаш дзюдочулары Казакстанда өтө турган жаштар аралык ачык республикалык турнирге катышат. Бул тууралуу Жаштар иштери, дене тарбия жана спорт мамлекеттик агенттигинин сайтында айтылды.

Билдирүүгө ылайык, мелдеш Казакстандын Талдыкурган шаарында 27-марттан 30-мартка чейин өтмөкчү.

Турнирге Кыргызстандын атынан Ишен Аманов, Баяман Сагынбай уулу, Доолотбек Таалайбек уулу, Эртур Турдубаев, Эрлан Шеров, Бексултан Султанов, Богдан Филипов, Асман Акылбек уулу, Атай Мирлан уулу, Темирлан Исмаилов катышат. Машыктыруучусу — Азамат Жасыбаев.

Белгилей кетсек, курама команданын катышуусу үчүн 138 миң сом бөлүнгөн.

39
Белгилер:
дзюдо, турнир, Казакстан
Тема боюнча
Бишкекте өспүрүмдөр арасынан мыкты оор атлетчилер тандалат
Мигрант кыргыздын чемпион уулу. 9 жашар балбан Россияда 27 медалга татыды

Тегеренип тээп, намысын бербей кармашып... Соңку UFC турниринен кызыктуу видео

77
(жаңыланган 16:57 07.03.2021)
UFC уюмунун кезектеги турниринде айрым мушкерлер күтүүсүз жерден чемпион аталса, кээ бири карьерасында биринчи жолу жеңилүү ызасын тартып, дагы бири ишенимдүү түрдө утту.

Эл көптөн күткөн Лас-Вегастагы UFC 259 турнири жыйынтыкталды. Кеченин башкы беттешинде польшалык Ян Блахович жаңы зеландиялык Исраэль Адесаньяны утуп, наамын коргоп калды. Адесанья биринчи жолу утулду (20:1).

Аманда Нуньес азырынча ага татыктуу атаандаш жок экенин тастыктады. Ага караганда бойлуу, сөөк-саактуу келген Меган Андерсон биринчи раундда эле өзүн көрсөтө алган жок.

UFC чемпиону Петр Ян наамын коргогон кармашта атаандашына тыюу салынган соккуну колдонгону үчүн беттештен четтетилип, ордуна америкалык Алджамейн Стерлинг чемпион болду.

Спорттук кечедеги дагы башка кызыктуу учурларды видеодон көрүңүз.

77
Белгилер:
видео, беттешүү, мушкер, Петр Ян, Аманда Нуньес, UFC
Тема боюнча
UFC мушкерлери Нуньес менен Андерсондун көз караштар таймашы. Видео
Спортко кайткыс кылып сабаган! Нуньес Роузини уткан беттеш толугу менен жарыяланды
ФИФАнын калысы, Кыргыз футбол союзунун юридикалык бөлүмүнүн начальниги Нурдин Букуев

Букуев: дүйнө чемпионатына чыгуу боюнча стратегиялык планыбыз бар

15
ФИФАнын калысы, Кыргыз футбол союзунун юридикалык бөлүмүнүн начальниги Нурдин Букуев улуттук курама команда 2026ынчы же 2030-жылы футбол боюнча дүйнө чемпионатына катышууну пландап жаткандыгын билдирди.
Букуев: дүйнө чемпионатына чыгуу боюнча стратегиялык планыбыз бар

Мундиалга катышуу боюнча былтыртан баштап атайын 2020-2030-жылдарга карата стратегиялык пландын негизинде иш алып барып жатабыз. Мындай пикирин Нурдин Букуев Sputnik Кыргызстан радиосунун эфириндеги маек учурунда айтты.

Анын айтымында, коюлган максатка жетүү үчүн жогорку деңгээлдеги даярдыктан өтүү керек.

"Футбол күйөрмандары үчүн жетишкендиктер гана маанилүү. Алар көшөгө артындагы маселелерди, кыйынчылыктарды биле бербейт. "Жакшы тилек – жарым ырыс" деген бар эмеспи. Үмүт менен жашайт экенбиз. Маселен, аткарыла турчу ишмердүүлүгүбүздүн негизи курама команданы дүйнө чемпионатына чыгаруу. Биздин планыбыз боюнча 2026-жылы же 2030-жылы мундиалга катышалы деп жатабыз. Ал багытта иштелип чыккан стратегиябыз бар. Былтыртан баштап 2020-2030-жылдарга карата стратегиялык пландын негизинде иш алып барып жатабыз. Максатыбыздын ар бир этабында иштерди аткарып, ири мелдешке баруу боюнча мүмкүнчүлүккө ээ болуу", — деди Букуев.

Ошондой эле адис курама команданын күчтүү болуусу үчүн өспүрүмдөр арасындагы футболго абдан көңүл бурулушу керектигин кошумчалады.

Белгилей кетсек, футбол боюнча дүйнө чемпионаты 2026-жылы АКШ, Канада жана Мексикада өтөт. Ал эми 2030-жылдагы чемпионаттын өткөрүлүүчү жери аныктала элек.

15
Белгилер:
дүйнө чемпионаты, ФИФА, футбол, Нурдин Букуев
Тема боюнча
Катарда өтчү футбол боюнча дүйнө чемпионатына күйөрмандар киргизилет
Рэпер кыз Тамга

Кыргызстандагы алгачкы рэпер кыз Тамга: бир клип тартып кыйраттык деп жүрүппүз

46
(жаңыланган 17:49 07.03.2021)
Тамга Кыргызстанда алгачкы рэпер кыз катары таанылган. Аны башкалардан аты да, үнү да айырмалап турат. Каарманыбыз бирде назик, бирде сүрдүү болуп эки образды алып жүрөт. Жакында эле дал ушул өзгөчөлүгү үчүн "Ак салкын" тасмасында башкы ролдордун бирин аткарды.

Sputnik Кыргызстан агенттигинин кабарчысы Тамганын рэп жанрына таштаган кадамы жана режиссер Эрнест Абдыжапаровдун сынынан өткөн алгачкы киносу тууралуу маек курду.

— Алгач атыңыздан баштайлы. Чоң энеңиз түш көрүп ысымыңыз ошондон улам коюлуп калганын айтып жүрөсүз. Тамга деген кадимки ариптен башка эмнени түшүндүрөт?

— Бекеринен чоң энемин түшүнө кирип, атым Тамга деп коюлуп калбаса керек. Тамга деген кыргыздардын тарыхында "белги" деген маани менен көп айтылат экен. Мен да жакшы нерсенин белгиси катары өз атыма татыктуу болууга аракеттенем.

© Фото / Давлет Казыбеков
Рэпер кыз Тамга

— Рэп жанрында кантип ырдап калдыңыз? Бирөөлөр сунуштадыбы же өзүңүз кызыктыңызбы?

— Менин алгачкы дебютум вокалдык эле ыр, бирок арасында бат ырдалган жери да бар болчу. Эл рэп сыяктуу ырдалган жерин жакшы кабыл алып жатты. Анан продюсерим менен кеңешип, "Ой, бой-бой" аттуу рэпти чыгардык. Көпчүлүккө жагып, ошондон улам рэпер катары таанып калышты окшойт. Бирок мен рэп менен эле чектелбейм, ар түрдүү ырларды аткара берем.

— Кыздардын рэп аткарышын биздин коомчулук кандай кабыл алат экен? Бир сыйра сындан өтсөңүз керек...

— Албетте, ар кандай сындар айтылды, көбүнчө "үнүң өзгөчө, ар кандай жанрга туура келе берет" деген жакшы пикирлерди угам. Эгер мага туура сын айтылса маани берип, кемчилдигимди оңдогонго аракет жасайм. "Кыздарга жарашпайт" деген сыяктуу майда-чүйдө сындарга көңүл деле бурбайм. Кызбы же балабы, каалоосу күч болсо ага эч ким тоскоолдук жарата албайт. Эгерде адам бир нерсени жасагысы келсе, башкаларга эмес, өзүнө "каалайсыңбы, жасай аласыңбы?" деп суроо берип, ошого ишенсе жасай бериши керек.

— Элдин сыны тууралуу айтып калдык, эң башкысы үй-бүлөңүз чыгармачылыгыңызга, дегеле рэп ырдаганыңызга кандай карайт?

— Мен жөнөкөй үй-бүлөнүн кызымын, түбүм Алайдан. Бирок атамдын көзү өткөндөн кийин Сокулукта окуп, чоңойгом. Чыгармачылыкка атам үчүн келгем десем да жаңылышпайм. Ал мага каалоо жаратып, шык берип кетти. Атам дүйнө салгандан кийин апам жакшы тарбия берип өстүрдү. Эң башкы колдоочуларым — жакындарым. Алар дем-күч берип турса гана башка ийгиликтерди жарата алам.

© Фото / Мирлан Саткымбаев
Рэпер кыз Тамга

— Кыргызстанда рэп аткарууга кызыккан кыздар көп эле бекен, өзүңүз ырдап чыккандан кийин байкаган чыгарсыз?

— Учурда Кыргызстанда рэп аябай эле өнүгүп, элдин талабы да жогорулап баратат. Башка ырларга да рэп кошуп жүрүшөт. Мурда кыздардын кызыгуусу жогору экенин байкабаптырмын. Өзүм аралашып калгандан кийин жаш кыздар рэп ырларын аябай эмоция менен аткарганын көрүп калдым. Instagram баракчама жазган кыздар да көбөйдү. Демек, бизден мотивация алып жатышса керек. Бул мен үчүн чоң жоопкерчилик экенин сезем.

— Ырчылар көбүнчө тойлордо ырдап киреше табат эмеспи, сиздин киреше булагыңыз кайсы жактан?

— Биз деле тойлорго барабыз, анткени азыр дээрлик жаштардын баары тойдун шаңдуу болушун каалашат. Негизи каражат табуунун жолу көп. Бир эле той менен чектелбеш керек, жаштар түрдүү иш-чараларга чакырышат. Ар кандай кинонун саундтректерине буюртма алабыз, башка да нерселер көп. Ал эми гонарарыбыз боюнча айтпай эле коеюн. Аны продюсерим менен сүйлөшкөн оң.

— Рэп бат кабыл алуу, так сүйлөө, тил үйрөнүү жаатында чоң жардам берет деген сөздүн канчалык деңгээлде чындыгы бар?

— Бул жанрда бир эле ритмде бир канча ой бат-баттан айтылгандыктан, аларды бат кабыл алып, бат айтууга туура келет. Ошондой эле башка рэпти угуп жатканда да бат түшүнүүгө аракет жасайбыз. Андыктан чын эле тез кабыл алууну үйрөтөт. Дикция дагы башкы ролдо, андыктан ар бир тыбышты туура айтуу керек. Менин ырыма чет өлкөлүктөр да кызыгып, ырдап көргөндөрүн угуп калдым. Алар да кыргызчаны ырдын жардамы менен туура айтууга аракет жасашат экен. Бул биз үчүн сыймык. Демек, тилди бат үйрөнүүгө да жардамчы боло алат деп айтсак болот окшойт. Анан, албетте, эмоция менен ырдалып, шаңдуу болгондуктан маанайды көтөрөт.

— Ырчылыктан башка эмнеге кызыгасыз?

— Бийге басым жасап жатам. Анткени менин чыгармачылыгыма аябай керек экен. Комуз чертүү боюнча окугам, аны менен бирге профессионалдуу болбосо да гитарада, фортепианодо бир аз ойнойм. Өзүмдү мажбурлап эч нерсе жасабайм. Мындан сыртары, вокалдан курс ачып сабак бере баштадым.

— Эми кеп "Ак салкын" тасмасы тууралуу болсун, анда кимдин ролун жараттыңыз?

— Жакында эле биринчи жолу "Боз салкындын" экинчи бөлүгү "Ак салкын" тасмасына тартылдым. Анда көп тажрыйба топтодум окшойт. Биз бир клип тартып алып эле кыйраттык деп жүрүптүрбүз, тасма тарткан андан бир топ эле кыйын турбайбы. Көп адамдын эмгеги сарпталат экен. Эрнест Абдыжапаров менин маектеримди көргөн экен. "Бул кыз эки башка образ берип жатат, башкы каармандын мүнөзүнө окшош экен" деп анан сунуштаптыр. Кинодо Асыл деген мекенин сүйгөн кыздын образын аткарам. Ушундан кийин мен да мекенимди көбүрөөк сүйүп калдым. Кино Ысык-Көлдө тартылып, кооздугуна көзүм тойбой ал жерге жашап калгым келди. Азыр да сагынып турам.

  • Рэпер кыз Тамга
    © Фото / Иманбек Асылбеков
  • Рэпер кыз Тамга
    © Фото / Иманбек Асылбеков
1 / 2
© Фото / Иманбек Асылбеков
Рэпер кыз Тамга

— Ал кинонун саундтрегин да сиз ырдап чыксаңыз керек?

— Ооба, Бегиш экөөбүз ырдайбыз. Кино 25-марттан баштап кинотеатрлардан көрсөтүлө баштайт. Өзүм да күтүп жатам.

— Жаш, татынакай кыздын жеке жашоосуна кызыкпай коюу мүмкүн эмес да. Табитиңиздеги мырза кандай, мүмкүн аны жолуктурган чыгарсыз?

— Табит деп ар нерсени айта беребиз. Негизгиси сезим керек да. Бардык берген маегимде бул тууралуу айтпайм. Ушу тапта менин жигитим — чыгармачыл жашоом, эмгектерим деп гана айта алам. Бүт сезимимди, күчүмдү, энергиямды чыгармачылыкка жумшоодомун.

46
Белгилер:
Тамга, чыгармачылык, кино, маек, ырчы, рэпер
Тема боюнча
Ырлары миллион көрүүчү топтогон Алтынай: мамлекеттик кызматта экениме сүйүндүм
Интернет жылдызына айланган Байзак ырчы: аябай толкунданып жатам...
Укук коргоочулардын үйүндө чоңойгом. Ырчы НурЧолпондун маеги
Аскат Мусабеков, Миргүл Асаналиева: бир ырдын арты менен сезимибиз бекемделди