Дордой командасынын архивдик сүрөтү

"Дордой" командасы "Алайды" утуп алды

112
(жаңыланган 19:58 04.04.2017)
Беттешти жеңген гана команда АФК-2017 кубогунун чейрак финалына жолдомо алмак.

БИШКЕК, 4-апр. — Sputnik. Бишкек шаарындагы Дөлөн Өмүрзаков атындагы стадиондо борбор калаанын "Дордой" командасы менен Оштун "Алай" командасы беттешип, оюн 1:0 эсебинде "Дордойдун" жеңиши менен аяктады.

Кыргызстандын эки күчтүү командасы Азия футбол конфедерациясы кубогунун тайпалык этабынын алкагында беттешти. Анда жеңген гана команда АФК-2017 кубогунун чейрек финалына жолдомо алмак. Оюнга сириялык арбитр Ханна Хаттаб калыстык кылды.

Оюндун 18-мүнөтүндө "Алайдын" оюнчусу Муролим Ахмедовго кызыл карта берилип, оюндан четтетилди.

Экинчи таймда "Дордойдун" оюнчусу Алишер Азизов башы менен топту атаандашынын дарбазасына киргизип, командасын алдыга алып чыкты.

АФК кубогу — Азиядагы даражасы боюнча экинчи орунда турган мелдеш. Үч тандоо жана бир негизги турнирден турат. Эки матчтан турган мелдештин жеңүүчүсү финалга чыгып, таймаштын негизги бөлүгүнө жолдомо алат.

112
Белгилер:
футбол, ФК Алай, "Дордой" ФК, Бишкек
Тема боюнча
Алптардын таймашы: "Дордой" менен "Алай" AFC кубогунун алкагында ат салышат

Ар бир булчуңдун кыймылы көрүнүп... Шевченко катышкан турнирден өзгөчө видео

134
(жаңыланган 14:39 26.11.2020)
Комментаторлор белгилегендей, видеонун жайлатылган версиясында беттеш алда канча кызыктуу жана ар бир сокку даана көрүнөт.

Абсолюттук мушкерлер чемпионатынын (UFC) уюму эже-сиңди Антонина жана Валентина Шевченколор катышкан турнирдин жайлатылган видеосун жарыялады.

Комментаторлор роликтин мындай версиясы мушкерлердин ар бир соккусун даана көрсөтүп, турнирдин кызыгын арттырганын белгилешкен.

22-ноябрда өткөн турнирде Шевченко чемпиондук наамын ийгиликтүү коргоп калган. Беш раундга созулган айыгышкан беттеш жүрүп, кыргызстандык мушкер кыз толук артыкчылык көрсөткөн.

Ал эми Антонина Шевченко бразилиялык Ариана Липскини техникалык нокаут менен жеңип алды. Кийин ага мыкты беттеш көрсөткөнү үчүн 50 миң доллар бонус катары берилген.

134
Белгилер:
UFC, турнир, Антонина Шевченко, Валентина Шевченко
Тема:
Валентина Шевченконун Женнифер Майя менен беттеши
Тема боюнча
Эже-сиңди Шевченколордун энеси дүйнө чемпиону болду. Видео
Антонина Шевченконун учакты башкарып, асманда калкыган видеосу
Легендарлуу футболчу Диего Марадона. Архив

Диего Марадонанын өлүмүнүн чоо-жайы айтылды

569
(жаңыланган 10:03 26.11.2020)
Футболчу Буэнос-Айрес шаарынан анча алыс эмес жайгашкан Тигре шаарында жашап жаткан. Кечээ эртең менен ойгонгондо абалы жакшы эмес экенин айткан.

БИШКЕК, 26-ноя. — Sputnik. Легендарлуу футболчу Диего Марадона жүрөк кемтигинен каза болгон. Бул тууралуу жергиликтүү TN телеканалына шилтеме берип РИА Новости жазды.

Маалыматта өмүрүнүн акыркы сааттарында ал өзүн начар сезип жатканын айтып, өңү кубарып калганы айтылат.

Футболчу Буэнос-Айрес шаарынан анча алыс эмес жайгашкан Тигре шаарында жашап жаткан. Кечээ эртең менен ойгонгондо абалы жакшы эмес экенин айткан.

"Ал үйүндө операциядан кийин калыбына келүү курсунан өтүп жаткан. Турары менен бир аз тамактанып, андан соң кайрадан жаткысы келгенин айткан. Ал убакта жанында тууганы, психолог, психиатр жана бир медик болгон. Алар Тез жардам чакырып, бирок дарыгерлер келгенде футболчу дем ала албай калган", — деп айтылат кабарда.

Маалыматка караганда, алты автоунаа менен келген Тез жардамдын кызматкерлери спортчуну сактап калууга аракет кылышкан, бирок алардын аракетинен майнап чыккан эмес.

Кийин медиктер анын өлүмүнө жүрөк кемтиги жана өпкөсүнүн шишип кетиши себеп болгонун айтышты.

Эске салсак, 25-ноябрь күнү футбол боюнча 1986-жылы дүйнө чемпиону болгон легендарлуу футболчу Диего Марадона көз жумду.

Аргентиналык спортчу 60 жашта болчу. Ал 30-октябрда бир катар текшерүүлөрдөн өтүү үчүн ооруканага жаткырылган. Кийинчерээк мээсине операция жасалгандыгы кабарланган. Марадона ооруканадан 12-ноябрда чыгарылган болчу.

569
Белгилер:
абал, ден соолук, өлүм, Диего Марадона
Тема боюнча
Белгилүү онколог Дамира Байзакова көз жумду
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү