Кыргыздын сыймыктуу уулу, грек-рим күрөшү боюнча белгилүү балбан Арсен Эралиевдин архивдик сүрөту

Арсен Эралиев боз ат минген 30 жашта! Балбан тууралуу кызыктуу 7 факты

967
(жаңыланган 13:55 15.05.2017)
Бүгүн кыргыздын сыймыктуу уулу, грек-рим күрөшү боюнча белгилүү балбан Арсен Эралиев 30 жашка чыгып турган кези! Спортчу тууралуу журналист Гүлдана Талантбекова кызыктуу 7 фактыны сунуштайт.

Атасы көптөн бери айылдан бал, чучук салбайт…

Балбан Арсен Эралиев 1987-жылы 15-майда Талас облусунун Бакай-Ата районунун Өзгөрүш айылында туулуп-өскөн. Спортчунун ийгиликтерге жетишип, балбан болушуна атасы Кадырбайдын салымы чоң. Ар тараптан колдоп, мелдешке аттанып жатканда атайын айылдан бал, чучук алып келип берчү. Атасы беш жыл мурун каза болгон. Апасы Сагын мектепте мугалим болуп иштейт. Арсен үй-бүлөдө беш бир туугандын эң улуусу. Магомед, Арлен аттуу инилери, Аида, Альбина деген карындаштары бар. Кенже иниси Арлен дагы күрөш менен алектенет. 

Борец греко-римского стиля из Кыргызстана Арсен Эралиев во время схватки за бронзовую медаль с соперником из Узбекистана
© AFP 2021 / JACK GUEZ
Балбан Арсен Эралиев

Тай кезинен таптаган машыктыруучулары

Спорт менен 15 жашында Өзгөрүш айылындагы спорт залдарынын биринен машыгып баштаган. Алгачкы машыктыруучусу Камбар Исмаилов болгон. 2000-жылы борборго келип Республикалык олимпиадалык резервдик окуу жайга тапшырган. Эмгек сиңирген машыктыруучу Майрамбек Ахметовдун колунда тарбияланып, учурда айылдаш агасы, 2008-жылы өткөрүлгөн Олимпиада оюндарында күмүш медалдын ээси Канатбек Бегалиев машыктырат.

Үй-бүлөсү

2014-жылы Айзада аттуу сулууга баш кошкон. Ортодо Элмырза аттуу баланы тарбиялашат. Ал уулу тууралуу "баланы жаштайынан эмнеге жөндөмдүү экенин байкаш керек, мен спорт менен машык деп кыйнабайм, бирок алма сабагынан алыс түшпөсүнө ишенем" деп айтканы бар. 

пресс-служба ГАФКиС КР
Лас-Вегастагы жеңиш. Арсен Эралиев атаандашын көтөрүп чаап, утушка жетти

Олимпиадага чейинки жетишкендиктери

  • 2006-жылы Таиланддын борбору Бангкокто өткөн уландар арасындагы Азия чемпиондугунда алтын медаль уткан;
  • 2007-жылы Филиппин өлкөсүнүн Манила шаарында өткөн жаштар арасындагы Азия чемпиондугунда 1-орунду ээлеп, чемпион аталган. 2007-жылы Кытайдын Бээжин шаарындагы жаштар арасындагы Дүйнө чемпиондугунда коло байгелүү болгон;
  • 2008-жылы Түркиянын Стамбул шаарында өткөн жаштар арасындагы дүйнө чемпиондугунда күмүш медалга арзыган;
  • 2009-жылы Кыргызстан курама командасынын мүчөсү;
  • 2011-жылы Ташкенттеги чоңдор арасындагы Азия чемпиондугунда 55 килограммдык салмак категориясында чемпион аталып, алтын медаль тагынган;
  • 2011-жылы Польшанын Рада шаарында эл аралык турнирде 1-орунду ээлеген. Арсен Эралиев КРдин көп жолку чемпиону, ошондой эле 2011-жылы Азиянын чемпиону болсо, 2012-жылы Лондондо өткөн Олимпиада оюндарына катышып келген. 2013-2015-жылдары Азия чемпиондугундагы коло медалдын ээси.

Ичип кеткен жокмун! Лондон Олимпиадасы тууралуу

Балбан 2012-жылы Лондондо өткөн Олимпиада оюндарына катышып, тилекке каршы, жеңилүү ызасын тарткан. Бул тууралуу "Партерде жакшы тура албай койдум окшойт. Салмакты көбүрөөк кууп койгонум терс таасирин тийгизди. Балким, бир жыл мурун эле жолдомо алып койсом, Лондонго энергия сактап бармакмын. Анан 4 жылда бир келчү мүмкүнчүлүктү колдон чыгарып алдым деп өзүмө кыжырым келди. Эч ким жок жакка барып, жашынып алып намыстанып ыйладым. Бирок жеңилгенден кийин Данияр Көбөнов экөөбүздү ичип кетти деген кептер — калп" деп айтканы бар. 

Борец греко-римского стиля из Кыргызстана Арсен Эралиев во время схватки с соперником с китайцем Ван Люминем во время соревнования на олимпийских играх в Рио-Де-Жанейро
© AFP 2021 / Jack GUEZ
Олимпиада-2016. Грек-рим күрөшү боюнча 59 килограммга чейинки салмак категориясындагы беттештен көз ирмем

Эми ката кетирбешим керек!

2016-жылы Бразилиядагы жайкы Олимпиада оюндарына катышып, Улуттук курама команданын капитаны болуп дайындалган. Ал бул тууралуу "Олимпиада оюндарына барууну ар бир спортчу бала кезинен кыялданат. Мен буга чейин Лондон Олимпиадасына катышып, утулуп калгам. Бул жолу ката кетирбешим керек, болгон аракетти көрүп, медаль утканга аракет кылам. Ооба, 29 жашка чыктым. Бул жашта жаракат деген көбөйө берет экен. Олимпиададан кийин спорттук карьерамды токтотушум мүмкүн. Андыктан мелдешке акыркы мүмкүнчүлүгүм катары барып, катышам" деп айткан. Бирок тилекке каршы, балбаныбыз грек-рим күрөшү боюнча коло медалга жетпей, бешинчи орунга илинген. Жайкы Олимпиада оюндарынан кийин учактан түшкөн спортчулар менен болгон маекте Арсен элден кечирим сурап, көзүнө жаш алган.

Спорттон кеткенде….

Белгилүү балбан дене-тарбия жана спорт академиясын бүтүргөн. Экинчи билимин Юридикалык академиядан алган. ЖМКларга берген маектердин биринде "спорттук карьерам аяктагандан кийин, юриспруденция менен алектенишим мүмкүн" деп айтканы бар.

967
Белгилер:
балбан, спорт, Арсен Эралиев
Тема:
Кыргыздын көркөм өнөрү, белгилүү инсандары жөнүндө фактылар (375)
Тема боюнча
Аттиң ай...даңазалуу балбан Раатбек Санатбаев тирүү болгондо 48 жашка чыкмак!
Даңазалуу жөө күлүк Сатымкул Жуманазаров жөнүндө 12 факты
Эркин күрөш боюнча мелдеш. Архив

Эркин күрөш. Өлкө биринчилигинде КРдин курама командасы аныкталат

52
Өлкө чемпионатынын жыйынтыгы менен Кыргызстандын улуттук командасы аныкталат. Мыктылардын баары катышары айтылууда.

БИШКЕК, 18-янв. — Sputnik. 29-30-январда Бишкекте эркин күрөш боюнча Кыргызстандын ачык чемпионаты өтөт. Бул тууралуу өлкөнүн Спорттук күрөш федерациясынын вице-президенти Мелис Турганбаев Sputnik Кыргызстан агенттигине билдирди.

Анын айтымында, мелдештин жыйынтыгы менен улуттук курама команда аныкталат.

"Баары катышат. Өлкө чемпионатынын жыйынтыгы менен Кыргызстандын улуттук командасын аныктайбыз. Ошондуктан мыктылардын баары катышышы зарыл. Өткөн жылы дүйнөлүк аренада күрөшүп келген айрым балбандар мелдештен боштулган болчу, быйыл машыктыруучулардан мындай билдирүү бизге келе элек", — деген ал.

Эскерте кетсек, Кыргызстандын эркин күрөш боюнча курама командасынын мүчөлөрү учурда Бишкекте окуу-машыгуу өткөрүп жатышат. 11-январда башталган иш чара 29-январга чейин уланат.

52
Белгилер:
курама команда, Мелис Турганбаев, чемпионат, эркин күрөш
Тема боюнча
Жоламан Шаршенбековдой эч качан багынбаш керек! UWW балбан тууралуу ролик даярдады
Түркиянын суперлигасынын Сивасспор командаларынын футболчулары. Архивдик сүрөт

Түркиялык команда "көрүнбөгөн" атаандаш менен футбол ойноду. Сүрөттөр

130
(жаңыланган 18:06 18.01.2021)
Беттешкен команданын бири ак түстөгү кийимчен чыккан. 20-мүнөттө кар жаап, жер агарып оюнчулар көрүнбөй калган.

БИШКЕК, 18-янв. — Sputnik. Стамбулда өткөн футболдук беттеште кар жаап, ак кийим менен чыккан команданын оюнчулары көрүнбөй калды. Бул тууралуу The Daily Mail маалымат булагы жазды.

​Кызык окуя Түркиянын суперлигасынын алкагында "Истанбул Башакшехир" жана "Сивасспор" командаларынын беттешинде болгон.

​"Сивасспор" клубунун оюнчулары ак түстөгү кийим кийип чыгышкан. 20-мүнөттө кар жаап, жер агарып, биринчи бөлүктүн аягында оюнчулар көрүнбөй калган. Ага карабай беттеш аягына чейин улантылып, эсеп 1:1  менен бүткөн.

​Бул окуя соцтармактагы белгилүү Reddit сервисинде кызуу талкууланган. Айрым көрүүчүлөр "Истанбул Башакшехирдин" футболчулары атаандашы жок өзүлөрүнчө эле ойногондой болду деп белгилеген.

130
Белгилер:
талкуу, социалдык тармак, окуя, Түс, ак, кар, Түркия, футбол
Тема боюнча
Контрчабуулду куулук менен токтоткон швециялык футболчу жазаланды. Видео
Футбол академиясынын түзүүчүсү: боосун байлай албаган балдар да келип тыңып кетет
Футболчу Вальбуэнанын керемет пасы голго айланып, жеңишке жеткирди. Видео
Кайгуул милициянын автоунаасы. Архив

Маршрутка көйгөйү: Милиция аялдамадагы аялдарды, балдарды үйүнө ташыды. Видео

198
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.

БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.

Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Милициядан аялдамаларда топтолгон кишилер аз, шаар ичи тынч деп билдиришти.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.

Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.

Мэриядан бүгүн калаадагы 1350 микроавтобустардын 400-450сү ишке чыкты деген маалымат берген. Шаардык транспорт башкармалыгынан маршруттук каттамдардын 90 пайызы кадимки калыбында иштеп жатат дешкен. Ал эми кечкурун аялдамаларда эл топтоло баштап, коомдук транспортту күткөндөр көбөйгөндө Мэриянын шаардык транспорт башкармалыгынын жетекчисинин милдетин аткарып жаткан Улан Бейшенбаев маршрутка боюнча кырдаал турукташкандыгын, ал эми жогорудагы көрүнүш автотыгын менен байланыштуу болушу мүмкүн деген жообун айткан.

198
Белгилер:
жардам, милиция, маршрутка, Бишкек, Кыргызстан
Тема боюнча
Каттамга чыкпай койгон маршруткалар. Шаардагы абалды көрсөткөн видео