Индиянын курама командасы кыргызстандык футболчуларды 1:0 эсебинде жеңди

© Sputnik / ТаджикистанКыргызстандын футбол боюнча курама командасы. Архив
Кыргызстандын футбол боюнча курама командасы. Архив - Sputnik Кыргызстан
Жазылуу
Азия-2019 кубогунун тандоо турунун алкагындагы беттеш Бангалор шаарындагы Sree Kanteerava стадионунда өттү.

БИШКЕК, 13-июн. — Sputnik. Индия менен Кыргызстандын улуттук курама командаларынын беттеши 1:0 эсебинде жыйынтыкталды. Бул тууралуу өлкөнүн Футбол федерациясынан билдиришти.

Отборочный раунд Кубка Азии по футболу — сборная Кыргызстана против Макао - Sputnik Кыргызстан
КР курама командасы FIFA рейтингинде төрт тепкичке төмөндөдү
Азия-2019 кубогунун тандоо турунун алкагындагы беттеш Бишкек убактысы боюнча 20:30да Бангалор шаарындагы Sree Kanteerava стадионунда башталып, 22:30 чамасында жыйынтыкталды. Анда эки команда оюндун биринчи бөлүгүндө бири-биринин дарбазасына топ киргизе алышкан жок. 

Ал эми экинчи таймдын 24-мүнөтүндө Индия курама командасынын капитаны Сунила Четри эсепти ачкан. Кыргызстандык футболчулар оюндун жүрүшүндө көп чабуул жасап, бирок каршылаштарынын дарбазасына топ киргизе алган жок. 

Экинчи тайм аяктаган соң калыстар кошумча төрт мүнөт кошуп беришкен. Бирок ал убакытта да командалар ийгиликтүү чабуул жасай алышкан жок. Ошентип беттеш 1:0 эсебинде жыйынтыкталды. 

Жаңылыктар түрмөгү
0