Реал Мадриддин чабуулчусу Криштиану Роналдунун архивдик сүрөтү

Роналду салык чатагынан кийин "Реалдан" кетмей болгонун басылмалар жазды

302
(жаңыланган 17:26 16.06.2017)
Прокуратура спортчуну 14,7 миллион евро салыкты казынага төлөбөй койгон деп күнөөлөгөн

БИШКЕК, 16-июн. — Sputnik. "Реал Мадриддин" чабуулчусу Криштиану Роналду салык чырынан улам өзүнүн учурда ойноп жаткан футбол клубунан чыгып жана Испаниядан кете турганын португалиялык A Bola журналы жазып чыкты.

Буга чейин эң көп кирешелүү футболчулардын сап башында турган Роналдуну өлкөнүн прокуратурасы 2011-2014-жылдар аралыгында 700 миң евро өлчөмүндөгү салыкты казынага төлөбөй койгон деп күнөөлөгөн. Эгерде сот Роналдуну күнөөлүү деп тапса, ал абакка отурат же салыктын көлөмүнөн да көп айып төлөйт.

Басылманын жазганына караганда, Роналду кетери туурасында "Реалдын" президенти Флорентино Переске айткан. Футболчунун клубдан федерациялар кубогу жана эмгек өргүүсүнөн кийин кете турганы айтылууда.

Роналду "Реал Мадридде" 2009-жылдан бери ойноп келе жатат. Ал англиялык "Манчестер Юнайтедден" Испания клубуна ал кезде асман чапчыган 94 миллион евролук келишим менен өткөн. Чемпиондор лигасында анын катышуусу менен "Реал Мадрид" эки ирет жеңүүчү болгон. Ал эми бир ирет UEFAнын Супер кубогуна ээ болуп жана Исапаниянын чемпиону аталган. Роналду мындан сырткары төрт ирет "Алтын топтун" ээси болгон.

302
Белгилер:
футбол, Реал Мадрид ФК, Криштиану Роналду
Тема боюнча
Роналду арабча сүйлөп, ат минип чөлдүн чаңын ызгытты
Месси "Алтын бутсанын" саны боюнча Роналдуга теңелди
Роналду салыкчылардын кылтагына илинди