Фигурное катание. Чемпионат мира. Женщины. Произвольная программа

Башка мамлекеттин таламын талашкан кыргыз балдары

3281
(жаңыланган 12:47 01.07.2017)
Акыркы жылдары ЖМК беттерине чет өлкөдө жүрүп, ийгиликтерди багындырган кыргызстандыктар чыгып жүрсө, эми алардын кийинки мууну — балдары кубандыра баштады.

Sputnik Кыргызстан агенттиги дүйнөнүн ар кайсы өлкөлөрүндө жашап, иштеп жүргөн кыргыздардын спорт жаатында аты чыккан уул-кыздары тууралуу билип көрдү.

Победительница соревнования по художественной гимнастике в Германии Бермет Чороева после выступления
© Фото / Кемелбек Чороев
Ушул жылдын башында ритмикалык гимнастика боюнча мелдеште 8-10 жашка чейинкилердин арасынындагы К6 категориясында 1-орунга ээ болгон Бермет Чороева

Бермет Чороева

Кыргызстанда туулуп-өскөн Кемелбек Чороев аттуу жигит үй-бүлөсү менен Германиянын Бавария аймагындагы Мюнхен шаарында жашайт. Анын 10 жаштагы Бермет аттуу кызы көркөм  гимнастика менен алектенип, катышкан мелдештеринен алдыңкы орундарды ээлеп келет. Мисалы, ушул жылдын башында ритмикалык гимнастика боюнча мелдеште 8-10 жашка чейинкилердин арасынындагы К6 категориясында 1-орунга ээ болгон

Берметтин апасы Кундуз Чалапинованын айтымында, кызы гимнастикага 4 жашынан аралашкан. Кичинекей спортчу мындан тышкары, сүрөт, теннис, музыка жана шахмат ийримдерине катышат. Атургай сүрөт тартуу боюнча сынактарга эки жылдан бери катышып, 1-орунду эч кимге бербей келет.

Молодой боец Темур Айтназаров
© Фото / Тилек Айтназаров
Тогуз жашар Темур Айназаров Россиянын Санкт-Петербург шаарында спорттун жиу-житсу, грэпплинг жана жоокердик самбо боюнча мелдештерге катышып ийгилик жаратып жүрөт

Темур Айназаров

Тогуз жашар Темур Айназаров Россиянын Санкт-Петербург шаарында спорттун жиу-житсу, грэпплинг жана жоокердик самбо боюнча мелдештерге катышып ийгилик жаратып жүрөт. Ал соңку үч жылда Россиянын 27 медалына ээ болгон. Темур беш жашынан тартып эле спортко аралаша баштаган. Учурда ал "Стоун Файт" деп аталган спорт клубунда бразилиялык Валсио Сенно аттуу машыктыруучунун колунда тарбияланууда. Жаш спортчунун өзүнүн айтымында, спорт залга эки күндө бир жолу барат. Ал жердеги жалгыз кыргыз болгондуктан, машыктыруучусу ага өзгөчө мамиле кылып, жылуу мамиледе экен. Азырынча Россиянын аймыгадагы эле мелдештерге катышып жүргөн Темур келечекте дүйнө чемпиону болууну кыялданат.

Фигурное катание. Чемпионат мира. Женщины. Произвольная программа
© Sputnik / Александр Вильф
Элизабет 2015-жылы АКШнын Солт-Лейк-Сити шаарындагы мелдеште экинчи орунду, 2016-жылы Жаштар арасындагы II олимпиадалык оюнда жана 2017-жылы Кышкы Азия оюндарында үчүнчү орундарды ээлеген

Элизабет Турсынбаева

Казакстандык муз бийчиси Элизабет Турсынбаеванын апасы Кыргызстандын Аксы районунда туулуп-өскөн кыргыз кызы Падишахан Султаналиева. Өзүнүн айтымында, мектепти аяктаары менен Москвага барып, МГУнун экономика факультенде билим алган. Жолдошу казакстандык. Учурда үй-бүлөсү менен Канадада жашашат. Элизабет 2015-жылы АКШнын Солт-Лейк-Сити шаарындагы мелдеште экинчи орунду, 2016-жылы Жаштар арасындагы II олимпиадалык оюнда жана 2017-жылы Кышкы Азия оюндарында үчүнчү орундарды ээлеген. Акыркы үч жылдан бери Казакстандын чемпиондгун эч кимге бербей келет.

"Кызым конькиге биринчи жолу 4 жашында турган. Алгачкы машыгууларын Москва шаарында баштап, 2013-жылдан бери Канаданын Онтарио шаарында жашап жатабыз", — деди апасы.

Юный дзюдоист из Кыргызстана Бекзат Турдумамбетов
© Фото / Асель Рахманова
Ата-энеси менен Россияда жашап, дзюдо менен машыккан Бекзат Турдумамбетов

Бекзат Турдумамбетов

Ата-энеси менен Россияда жашап, дзюдо менен машыккан Бекзат Турдумамбетов 10 жашта. Москва шаарындагы мектептерди биринде билим алган Бекзат окуунун отличниги. Футбол, сууда сүзүү ийримдерине катышат. Бирок машыккан спортунун негизги түрү —  дзюдо. Эки жылдан бери Sensei клубунда машыгып, бир катар шаардык жана клубдар аралык мелдештерге катышып келет. "Быйыл клубдар арасында өткөн Балдадын дзюдо боюнча IV ачык турнирде 38 килограммга чейинкилер арасында биринчи орунду ээлеп, өзү машыккан клубдун намысын коргоду", — деди апасы Асел Рахманова.

Бекзаттын баалаган спотчусу — Лионель Месси. Келечекте спортто Месси жетишкен бийиктиктерди багындырып, Кыргызстандын желегин желбиретүүнү максат кылат.

No tengas miedo de renunciar lo bueno para ir a por lo grande.⚽️🙏😍

Публикация от Erbol Atabaev (@erbolitos) Апр 24 2017 в 2:58 PDT

Эрбол Атабаев

Мындан бир нече жыл мурда кичинекей кыргызстандык Эрбол Атабаев Испаниянын айтылуу "Барселона" футбол клубунун академиясына окууга өтүп, барыбызды кубандырган. Учурда ата-энеси Барселона шаарында жашап, "Гава" клубунун курамында машыгып жатканын жергиликтүү ЖМКларга КРдеги Испания мамлекетинин ардактуу консулу Таалайбек Бапанов билдирген. Анын айтымында, былтыр 15 жашка толгон Эрбол Испаниянын мыйзамдарына ылайык, футболчу катары профессионалдык клубдардан чакыруу алууга укутуу. Футболчу алгачкы машыгууларын Канттын "Абдыш-Ата" клубунан баштап, Испанияга кеткенге чейин россиялык "Рубинге" ойногон.

3281
Белгилер:
спорт, балдар, жеңиш, чет өлкө, жетишкендик
Тема боюнча
Канатбек Бегалиев: жылдыз оорусуна кабылып, спортту унутуп койгонума өкүнөм
Мээрим Жуманазарова күрөш боюнча Азия чемпиону болду. Видео
Кыргызстандык калыстар Тажикстандын футзал чемпионатынын финалында

Тажикстандын футзал чемпионатынын финалын кыргызстандык калыстар тейледи. Сүрөт

69
(жаңыланган 14:07 25.10.2021)
Тажикстандын футзал боюнча профессионалдык лигасынын финалында "Сипар" менен "Соро компания" клубдары беттешүүдө.

БИШКЕК, 25-окт. — Sputnik. Кыргызстандык футзал калыстары Элдияр Келдибеков менен Талант Раимбердиев Тажикстандын футзал боюнча профессионалдык лигасынын финалдык беттештерин тейлешти. Маалыматты өлкөнүн Футболдук союзунун башкы катчысы Нурдин Букуев Sputnik Кыргызстанга тастыктады.

  • Кыргызстанские судьи по футзалу Элдияр Келдибеков и Талант Раимбердиев во время судейства финального матча профессиональной лиги Таджикистана. 25 октября 2021 года
    Кыргызстандык футзал калыстары Элдияр Келдибеков менен Талант Раимбердиев Тажикстандын футзал боюнча профессионалдык лигасынын финалдык беттештерин тейлешти
    © Фото / пресс-служба Федерации футбола Таджикистана
  • Кыргызстанские судьи по футзалу Элдияр Келдибеков и Талант Раимбердиев во время судейства финального матча профессиональной лиги Таджикистана. 25 октября 2021 года
    Мелдеште Худжанд шаарынын "Сипар" клубу менен Душанбе шаарынын "Соро компания" клубдары беттешүүдө
    © Фото / пресс-служба Федерации футбола Таджикистана
  • Кыргызстанские судьи по футзалу Элдияр Келдибеков и Талант Раимбердиев во время судейства финального матча профессиональной лиги Таджикистана. 25 октября 2021 года
    Кыргызстандык адистер кошуна өлкөнүн футзал боюнча чемпионатынын финалдык сериясынын үчүнчү жана төртүнчү беттештерине калыстык кылышты. Соңку оюндарда адегенде "Соро компания" клубу 6:2 менен утса, кийинкисинде "Сипар" 4:3 эсебинде жеңип, жалпы эсепти теңеди
    © Фото / пресс-служба Федерации футбола Таджикистана
1 / 3
© Фото / пресс-служба Федерации футбола Таджикистана
Кыргызстандык футзал калыстары Элдияр Келдибеков менен Талант Раимбердиев Тажикстандын футзал боюнча профессионалдык лигасынын финалдык беттештерин тейлешти

Мелдеште Худжанд шаарынын "Сипар" клубу менен Душанбе шаарынын "Соро компания" клубдары беттешүүдө.

Кыргызстандык адистер кошуна өлкөнүн футзал боюнча чемпионатынын финалдык сериясынын үчүнчү жана төртүнчү беттештерине калыстык кылышты. Соңку оюндарда адегенде "Соро компания" клубу 6:2 менен утса, кийинкисинде "Сипар" 4:3 эсебинде жеңип, жалпы эсепти теңеди.

"Оюндар 23-24-октябрда Худжанд шаарындагы "Касри Варзиш" спорттук комплексинде өттү. Кыргызстандык калыстар эки беттешти тейлешти. Тажикстандын футболдук уюму финалдык беттештерди бейтарап тейлеп берүүнү өтүнүп бизге кайрылган. Биз аны кабыл алып, мыкты адистерди жибергенбиз. Эки беттеш тейленди, биздин арбитрлердин ишине карата эч кандай сын, терс пикир айтылган жок", — деди Букуев.

Ал ошондой эле эгер тажик тарап чечүүчү беттешти тейлөө боюнча өтүнүч келтирсе, КФС ага калыс жиберүүгө даяр экенин кошумчалады.

Финалдык сериядагы жалпы эсеп 2:2 болду. Чемпиондуктун тагдырын чечкен оюн 30-октябрда Душанбе шаарында өтөт.

69
Белгилер:
Кыргызстан, футзал, калыс, Тажикстан, чемпионат, финал, беттешүү, тейлөө
Тема боюнча
Тагдыр чечип... Дүйнөлүк беттештерди тейлеп таанылган кыргызстандык калыстар
Букуев: бешинчи ирет дүйнө чемпионатына катышсамбы деген кыялым бар
Футзал боюнча Кыргызстандын чемпионатынын "Суперлига" мелдеши башталат
Балбандар күрөш учурунда. Архив

Кыргызстандык эркин күрөш балбаны Англиянын чемпиону болду. Видео