Германиянын курама командасы Чилинин футболчуларын Санкт-Петербург шаарында өткөн Конфедерация кубогунун финалында утуп кетти

Германия бир гол менен Россияда өткөн Конфедерация кубогун утуп кетти

97
(жаңыланган 09:17 03.07.2017)
Немецтер Чилинин курама командасын 1:0 эсебинде жеңип кетти

БИШКЕК, 3-июл. — Sputnik. Германиянын курама командасы Чилинин футболчуларын Санкт-Петербург шаарында өткөн Конфедерация кубогунун финалында утуп кетти.

  • Футбол. Кубок конфедераций-2017. Финальный матч
    Оюндун 20-мүнөтүндө жалгыз голду Германиянын жарым коргоочусу Ларс Штиндль киргизди.
    © Sputnik / Владимир Песня
  • Футбол. Кубок конфедераций-2017. Финальный матч
    Биринчи таймда Чилинин кумара командасынын тепкен 10го чукул тобу майнапсыз болуп, ал эми немецтер азганактай гана аракети менен гол киргизди.
    © Sputnik / Александр Вильф
  • Футбол. Кубок конфедераций-2017. Финальный матч
    Алгачкы таймдын аягында чилиликтерге жаралган кооптуулуктан команданын капитаны Клаудио Браво сактап калды.
    © Sputnik / Владимир Песня
  • Экинчи тайм Чилинин командасынын бир аз артыкчылыгы менен башталганы менен 10-15 мүнөттөн кийин чабуулдар менен коргонуу ыкмалары эки тараптыкы тең салмак маанайга өттү.
    Экинчи тайм Чилинин командасынын бир аз артыкчылыгы менен башталганы менен 10-15 мүнөттөн кийин чабуулдар менен коргонуу ыкмалары эки тараптыкы тең салмак маанайга өттү.
    © Sputnik / Владимир Песня
  • Футбол. Кубок конфедераций-2017. Финальный матч
    Эки өлкөнүн футболчуларынын айтышып кетүүлөрү, кекенген көз караштары беттештин акыркы мүнөттөрүндө күчөдү.
    © Sputnik / Григорий Сысоев
  • Футбол. Кубок конфедераций-2017. Финальный матч
    Оюн бүтө жаздап калганда Чилинин чабуулчусу Алексис Санчестин тепкен тобун германиялыктардын дарбазачысы Андре Тер Штеген ушундай бир шамдагайлык менен тосуп калды.
    © Sputnik / Григорий Сысоев
  • Футбол. Кубок конфедераций-2017. Финальный матч
    Ошентип, оюн германиялыктардын пайдасына 1:0 менен аяктап, Конфедерация кубогунунун ээси болуп калды.
    © Sputnik / Владимир Песня
  • Футбол. Кубок конфедераций-2017. Финальный матч
    Германиянын курама командасы Чилинин футболчуларын Санкт-Петербург шаарында өткөн Конфедерация кубогунун финалында утуп кетти.
    © Sputnik / Григорий Сысоев
  • Футбол. Кубок конфедераций-2017. Финальный матч
    Германиянын курама командасы Чилинин футболчуларын Санкт-Петербург шаарында өткөн Конфедерация кубогунун финалында утуп кетти.
    © Sputnik / Алексей Даничев
1 / 9
© Sputnik / Владимир Песня
Оюндун 20-мүнөтүндө жалгыз голду Германиянын жарым коргоочусу Ларс Штиндль киргизди.

Оюндун 20-мүнөтүндө жалгыз голду Германиянын жарым коргоочусу Ларс Штиндль киргизди. Биринчи таймда Чилинин кумара командасынын тепкен 10го чукул тобу майнапсыз болуп, ал эми немецтер азганактай гана аракети менен гол киргизди. Алгачкы таймдын аягында чилиликтерге жаралган кооптуулуктан команданын капитаны Клаудио Браво сактап калды.

Экинчи тайм Чилинин командасынын бир аз артыкчылыгы менен башталганы менен 10-15 мүнөттөн кийин чабуулдар менен коргонуу ыкмалары эки тараптыкы тең салмак маанайга өттү.

Эки өлкөнүн футболчуларынын айтышып кетүүлөрү, кекенген көз караштары беттештин акыркы мүнөттөрүндө күчөдү. Оюн бүтө жаздап калганда Чилинин чабуулчусу Алексис Санчестин тепкен тобун германиялыктардын дарбазачысы Андре Тер Штеген ушундай бир шамдагайлык менен тосуп калды. Ошентип, оюн германиялыктардын пайдасына 1:0 менен аяктап, Конфедерация кубогунунун ээси болуп калды.

Буга чейин коло медалды мексикалыктарды жеңген Португалия командасы алып кеткен. Ал оюнда тагдырды кошумча берилген эки тайм чечкен.

Конфедерация кубогу 17-июндан 2-июлга чейин Москва, Санкт-Петербург, Казань жана Сочи шаарларында өттү.

97
Белгилер:
укук коргоочу, чабуулчу, дарбаза, жеңиш, футбол, Конфедерация кубогу
Тема боюнча
Конфедерация кубогу: финалда Германия менен Чили командалары беттешет
Чили Португалияны утуп Конфедерация кубогунун финалына чыкты
Конфедерация кубогу: Чили жеңишти майрамдаса, Португалия менен Мексика тең чыкты
Конфедерация кубогу: бүгүн Мексика менен Португалия футболчулары беттешет
Көк-бөрү оюну. Архивдик сүрөт

Ноябрда Чолпон-Атада президенттин кубогу үчүн көк бөрү оюну өтөт. Программасы

86
(жаңыланган 17:23 23.10.2020)
Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу жылган болчу.

БИШКЕК, 23-окт. — Sputnik. Ушул жылдын 3-ноябрынан 8-ноябрына чейин Чолпон-Ата шаарынын ат майданында өлкөнүн Эгемендүүлүк күнүнө арналган көк бөрү боюнча КР президентинин кубогу өтөт. Бул тууралуу Жаштар иши, дене тарбия жана спорт агенттиги кабарлады.

Ага ылайык, сыйлыктар жогорку жана I лиганын командаларынын арасында ойнотулат.

Жылда өтүп жүргөн көк бөрү боюнча президенттин кубогунун алкагында ат чабыш, эр эңиш жана салбурун боюнча мелдештер пландалган.

Программасы:

  • 3-7-ноябрь — көк бөрү боюнча турнирдин алдын ала беттештери;
  • 7-ноябрь — көк бөрү боюнча 3-орун үчүн кармаштар жана эр эңиш, салбурун боюнча мелдештер;
  • 8-ноябрь — көк бөрү боюнча финалдык мелдештер, эр эңиш, салбурун, ат чабыш боюнча мелдештер.

Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу адегенде октябрь айына жылдыруу чечими кабыл алынган болчу.

"Келатыр, сай күлүк"! Жамбылда кыргыз күлүгү лимузин утту. Видео

Өткөн жылы Чолпон-Ата шаарындагы ат майдандагы мелдеште "Достук" (Ош) менен "Ынтымак" (Талас) командалары финалга чыгып, 3:2 эсебинде Оштун командасы жеңишти илип кеткен.

Үчүнчү байгелүү орунду Чүйдүн "Сары-Өзөнү" ээлеген.

86
Белгилер:
Көк бөрү, мелдеш, кубок, президент, Чолпон-Ата
Тема боюнча
Валентина Шевченко КМШдагы сулуу жана мыкты мушкер аял деп табылды. Сүрөт

Салмагы ашып кеткен Хабиб таразага чечинип түштү. Видео

1806
(жаңыланган 16:36 23.10.2020)
Спортчулар 24-октябрда UFC 254 мелдешинде жекеме-жеке чыгышат. Марада Нурмагомедов ээлик кылган промоушендин жеңил салмактагы чемпиондук куру турат.

UFC мелдешинде чемпиондук наамды коргоочу беттеши алдында таразага түшкөн россиялык мушкер Хабиб Нурмагомедовдун салмагы ашып калды. Бул тууралуу РИА Новости жазды.

Таразадан так салмакты көрсөтүү үчүн россиялык мушкер толук чечинүүгө аргасыз болгон. Экинчи ирет түшкөндө Хабибди UFC кызматкерлери атайын материал менен калкалап турушту. Ал эми Гэтжи чолок шымчан эле түшүп, салмагы өз ченинде экени айтылды.

Хабиб менен Гэтжинин беттешин качан жана кайсы жактардан көрүүгө болот

Спортчулар 24-октябрда "Мушкерлер аралы" жайында өтүүчү UFC 254 мелдешинде жекеме-жеке чыгышат. Марада учурда Нурмагомедов ээлик кылган промоушендин жеңил салмактагы чемпиондук кур турат.

Учурда россиялык мушкер 28 беттеш өткөрүп, баарын жеңген. Ал эми анын атаандашы 22 таймашта утуп, эки жолу жеңилүү ызасын тарткан.

1806
Белгилер:
салмак, Жастин Гэтжи, Хабиб Нурмагомедов, UFC
Тема боюнча
Хабиб менен Гэтжинин беттешин качан жана кайсы жактардан көрүүгө болот
UFC: Хабиб көз караштар таймашында жеңилип калды. Тамашалуу ролик
Эркек киши. Архивдик сүрөт

Дарыканадан акчаны ала качып, бирок кайра кайтарып камалган жарандын маеги

0
Балдары ооруп, дарыга акчасы жок болуп дарыканадан акча уурдай качкан Токмоктогу жигит эсиңиздердеби? Окуянын өзү, фемида өкүлдөрүнүн ага чыгарган чечими коомчулукта чоң талкуу жараткан.

Каарманыбыз Замирбек Кожоканов 2019-жылдын 12-мартында балдары ооруп, дарыканадан курткасын күрөөгө коюп дары берүүсүн өтүнгөн. Дарыканачы баш тартканда акча алып чыгып кеткен. Бирок көп өтпөй акчаны кайтарып берип, милицияга өзү барган. Дарыкананын ээси доом жок деп жазып бергенине карабай, Кожоканов беш жылга эркинен ажыратылган. Кийин ал жаза 2,5 жылга кыскарган.

Учурда 34 жаштагы Кожокановго ырайым берилип, бир жылдык жазасы кыскарып эркиндикке чыккан.

Sputnik Кыргызстан агенттиги Замирбек Кожокановдун учурдагы абалы, жашоосу тууралуу өзү менен сүйлөштү.

— Учурда эмне менен алек болуп жатасыз?

— Бишкекте курулуш тармагында иштеп жүрөм. Мурдатан эле курулушта ички жасалгалоо, евроремонт менен алектенчүмүн. Азыр иштеген жеримде эле жатып, көп кабаттуу үйдөгү батирдин ичин жасап жатабыз.

— Үй-бүлөңүз Токмоктобу?

— Ооба, эки кызымды апам карап жатат. Эки кыз, бир уулум бар. Келинчегим менен кичүү уулумду эки жылдан бери көрө элекмин. Аялым менен таарынышып кеткенбиз. Эми ага ар кандай себептер болуп калды. Убактылуу кармоочу жайда жатканымда бир эле жолу телефон аркылуу сүйлөшкөнбүз. Ошондон кийин байланышкан жокпуз. Абактан чыккандан кийин издеп барган да жокмун. Баргым да келген жок.

Чыңгыз Анарбек уулу: качпасам өлтүрүп коюшмак

— Көңүлүңүз ооруп калган окшойт?

— Ошондой болуп калды. Көчөдөн көрүп калсам деле артынан чуркап барбайт болчумун. Азыр баары жакшы, кыздар ата-энемдин колунда. Иштерим деле, кудай буюрса, жакшы болуп жатат.

— Апаңыз сиз камалганда насыя алганын айтып жатты эле…

— Азыр карыздардан толук кутула элекпиз. Бир аз бересем бар. Токмоктогу убактылуу кармоочу жайда жатканда тергөөчүгө дос балам 20 миң сом берген. 

— Кандайча тергөөчүгө акча бердиңер?

— Токмокто жатканда тергөөчү камераны ачып туруп "сотко сүйлөшүп, абактан бошоттуруп берем" деп 20 миң сом сураган. Мен дароо дос балама байланышып, ал машинасын күрөөгө коюп, эртеси эле акчаны алып келип берген. Көрсө мени алдап коюшуптур. Ошентип досум кийин тергөөчүгө чалып жүрдү. Ал акыры номерин алмаштырып койду окшойт, өчүк болуп калды.

— Абакта толук бир жыл отурдуңузбу?

— Жок, бир жарым жыл отурдум. Беш жыл менен "централкага" (СИЗО-1 — ред.) киргем. Ал жактан бир ай өтпөй эле Бакыт жана Тилек (Тилек Мамбетов — ред.) деген эки адвокат мени облустук сотко чакыра баштады. Ошол эки адвокатым чуркап жүрүп, беш жылды эки жарым жылга кыскартып берди. Андан кийин Жалал-Абаддагы абакта 1,5 жыл отургандан кийин, так датасы эсимде жок, бир күнү эле микрофондон фамилиямды айтып чакырды. Барсам, адвокатым Тилек Мамбетов президентке кайрылып, жаза өтөөчү бир жылымды алдырып бергенин айтышты.

Токмоктогу дарыканадан акча уурдай качкан жигитке ырайым кылынды

— Сизди алгач беш жыл эркиңизден ажыратуу менен кошо 70 миң сом айып салды эле. Кийин 50 миң сомго азайган…

— Ооба, аны да төлөдүм. Ишимди тергөөчү, орусча айтканда, чалды-куйду толтуруп салыптыр да. Мурда бандиттер менен байланышы болгон өңдүү жалаа жаап салышкан экен. Бирок сотто мурун армияда кызмат өтөгөнүм, үй-бүлөлүк абалым каралды.

— Ошол каргашалуу күнү балаңыз аябай ооруп жатты беле? Эмнеге мындай ишке баргансыз?

— Ошол күнү акчага аябай муктаж болуп калдым. Бир жерде иштеп, ал жактан да иштеген акчамды бербей алдап кетишти. Негизи ал күнү ошол кишини издеп жүргөм. Ортодон бирөөлөргө жолугуп ачуум менен бир аз ичимдик да ичип алгам. Иччү эмесмин. Балам да грипп болуп ооруп жаткан. Анан ушундай окуя болуп кетти.

— Кыздарды жалгыз багып, бир чети сизге чуркап ортодон апаңыз кыйналыптыр. Сиз жалгыз уулсузбу?

— Жок, жети бир тууганмын. Эки эркек, беш кыз. Ата-энем пенсия курагындагы адамдар. Мен үй-бүлөм менен бөлүнүп, Токмоктун кичи районунда батирде турчумун.

— Баарынан кыйыны эмне болду?

— Башымдан өткөн күндөрдүн ичинен эң кыйыны соттолуп кеткеним, беш жылга эркимден ажыратуу тууралуу соттун чечимин угуу болду. Кийин 2,5 жыл бергенде беш жылга караганда шүгүр дедим. Жаза өтөө мөөнөтүмдүн бир жылы кыскартылган соң эки айдан кийин абактан чыктым. Азыр толугу менен пробация да бүттү. Айдын башында жана аягында келип турасың дешкен. Ушул жылдын 18-августунда Жалал-Абаддан бошоп чыктым. Кечинде коё берди. Алар да убакыт-сааты менен чыгарат экен. Анан ошол жакта отурган балдар жардам беришти, үйдөгүлөр акча салып маршрутка менен Чүйгө келип алдым.

"Братва" менен бир жайга жайгаштырууну өтүндүм. Максат Чакиев менен ачык маек

— Алгач кандай сезимде болдуңуз?

— Бошоп чыкканда эле эркиндикти сездим. Баа-баркы билинди.

— Алдыда пландарыңыз барбы?

— Эми кайрадан үйлөнүп, жаңы жашоо баштоону чечтим. Балам чоңойсо кийин издеп келер. Кыздарымды багып эле өз алдымча жаңы жашоо баштайм.

— Абактан кийин кандай ойдо калдыңыз?

— Баарын акча чечип калыптыр. Оор кылмыш кылган адам деле акчасы болсо кутулуп кетет турбайбы. Абакта деле кээ бир балдар менен сүйлөшүп калдым. Ал жакта деле ак жеринен отургандар бар. Көчөдө кетип бара жаткан жеринен кармалып, кылмышты мойнуна алып калган. Айтор, оор тагдырлар көп экен.

0
Белгилер:
акча, Жалал-Абад, абак, Токмок, сот
Тема боюнча
Дарыкананы тоноп кесилген кишинин апасы: 40 миң сомум болсо уулумду алып калмакмын