БИШКЕК, 25-авг. — Sputnik. UFC мушкери Валентина Шевченко Instagram баракчасына Лас-Вегаста (АКШ) машыгып жаткан видеосун жарыялады.
Кыргызстандык Валентина Шевченко менен бразилиялык Аманда Нуньестин UFC 215 турниринин алкагындагы реванш-беттеши 9-сентябрь күнү Канаданын Эдментон шаарында өтөт. Бул күнү Шевченко кыз-келиндер арасындагы жеңил салмак боюнча дүйнө чемпиону титулу үчүн кармашат. Ал эми Нуньес 2016-жылы америкалык Ронду Роузини жеңип дүйнө чемпиону аталган.
Эске сала кетсек, Шевченко менен Нуньестин беттеши 8-июль күнү болмок. Бирок кармашка саналуу сааттар калганда Нуньестин ден соолугу начарлап ооруканага түшкөн.
