Бел боо күрөш. Архивдик сүрөт

Азия оюндарында балбан кыз Мээрим Момунова алтын медаль алды

1175
(жаңыланган 10:18 24.09.2017)
Жума күндүн жыйынтыгы менен кыргызстандыктар төрт медаль тагынышты

БИШКЕК, 23-сен. — Sputnik. Ашхабадда өтүп жаткан жабык имараттагы V Азия оюндарында алыш бел боо күрөшү боюнча күч сынашка кыргызстандык балбан Мээрим Момунова 60 килограммдык салмак категориясында алтын медалга ээ болду.

Жалпысынан 22-сентябрдын жыйынтыгы менен кыргызстандык спортчулар төрт — бир алтын, бир күмүш, эки коло медаль алышты.

Момунова чейрек финалда түркмөнстандык Зухра Мадраимованы, жарым финалда казакстандык Уулжан Дүсебаеваны утуп, финалда түркмөнстандык Зарина Абдырахманованы 3:0 эсебинде утуп, Азия оюндарынын чемпиону аталды.

Ал эми бел боо, алыш күрөшү боюнча дүйнө чемпиону, Көчмөндөр оюндарынын эки жолку чемпиону, бүткүл дүйнөлүк студенттердин универсиада оюндарынын чемпиону Нурбек Кожобеков 90 килограмм салмакта түркмөнстандык Нурмурат Мамметдурдыевди жана тажикстандык Хуршед Шариповду жеңип, баш байгеге талапкердин бири болду. Тилекке каршы, Кожобеков финалда түркмөн балбаны Арслан Ибраимгулиевге 3:0 эсебинде жеңилип, Азия оюндарынын күмүш байгесине татыды.

Мындан тышкары, күрөштүн ушул эле түрү боюнча күч сынашкан Анара Рыскулова менен Мадаминбек Шаршеналы уулу жарым финалга чейин жетип, коло байгелүү болушту.

Учурда Кыргызстандын улуттук командасынын куржунунда 34 байге — 3 алтын, 11 күмүш жана 20 коло медаль менен 14-орунда бара жатат.

Мелдеш бүгүн да уланат, мында спортчулар баскетбол, алыш бел боо күрөшүнүн классикалык ыкмасы, боулинг, бильярд, шахмат, ат спорту, футзал, сууда сүзүү, теннис, кикбоксинг, тайбокс, велотрек жана оор атлетика боюнча ат салышат.

1175
Белгилер:
медаль, Азия оюндары, Ашхабад
Тема:
Ашхабаддагы жабык имараттагы V Азия оюндары (17)
Тема боюнча
Мушкер Бусурманкул Абдубаит уулу ММА боюнча эл аралык турнирде намыс талашат
Азия оюндары: кыргызстандыктар дагы 1 алтын, 4 күмүш, 4 коло утушту
Азия оюндары: кыргызстандык спортчулардын байге куржунунда 17 медаль
Азия оюндары: бүгүн спортчулар кыргыз күрөш боюнча ат салышат
Эркин күрөш боюнча мелдеш. Архив

Эркин күрөш. Өлкө биринчилигинде КРдин курама командасы аныкталат

57
Өлкө чемпионатынын жыйынтыгы менен Кыргызстандын улуттук командасы аныкталат. Мыктылардын баары катышары айтылууда.

БИШКЕК, 18-янв. — Sputnik. 29-30-январда Бишкекте эркин күрөш боюнча Кыргызстандын ачык чемпионаты өтөт. Бул тууралуу өлкөнүн Спорттук күрөш федерациясынын вице-президенти Мелис Турганбаев Sputnik Кыргызстан агенттигине билдирди.

Анын айтымында, мелдештин жыйынтыгы менен улуттук курама команда аныкталат.

"Баары катышат. Өлкө чемпионатынын жыйынтыгы менен Кыргызстандын улуттук командасын аныктайбыз. Ошондуктан мыктылардын баары катышышы зарыл. Өткөн жылы дүйнөлүк аренада күрөшүп келген айрым балбандар мелдештен боштулган болчу, быйыл машыктыруучулардан мындай билдирүү бизге келе элек", — деген ал.

Эскерте кетсек, Кыргызстандын эркин күрөш боюнча курама командасынын мүчөлөрү учурда Бишкекте окуу-машыгуу өткөрүп жатышат. 11-январда башталган иш чара 29-январга чейин уланат.

57
Белгилер:
курама команда, Мелис Турганбаев, чемпионат, эркин күрөш
Тема боюнча
Жоламан Шаршенбековдой эч качан багынбаш керек! UWW балбан тууралуу ролик даярдады
Түркиянын суперлигасынын Сивасспор командаларынын футболчулары. Архивдик сүрөт

Түркиялык команда "көрүнбөгөн" атаандаш менен футбол ойноду. Сүрөттөр

137
(жаңыланган 18:06 18.01.2021)
Беттешкен команданын бири ак түстөгү кийимчен чыккан. 20-мүнөттө кар жаап, жер агарып оюнчулар көрүнбөй калган.

БИШКЕК, 18-янв. — Sputnik. Стамбулда өткөн футболдук беттеште кар жаап, ак кийим менен чыккан команданын оюнчулары көрүнбөй калды. Бул тууралуу The Daily Mail маалымат булагы жазды.

​Кызык окуя Түркиянын суперлигасынын алкагында "Истанбул Башакшехир" жана "Сивасспор" командаларынын беттешинде болгон.

​"Сивасспор" клубунун оюнчулары ак түстөгү кийим кийип чыгышкан. 20-мүнөттө кар жаап, жер агарып, биринчи бөлүктүн аягында оюнчулар көрүнбөй калган. Ага карабай беттеш аягына чейин улантылып, эсеп 1:1  менен бүткөн.

​Бул окуя соцтармактагы белгилүү Reddit сервисинде кызуу талкууланган. Айрым көрүүчүлөр "Истанбул Башакшехирдин" футболчулары атаандашы жок өзүлөрүнчө эле ойногондой болду деп белгилеген.

137
Белгилер:
талкуу, социалдык тармак, окуя, Түс, ак, кар, Түркия, футбол
Тема боюнча
Контрчабуулду куулук менен токтоткон швециялык футболчу жазаланды. Видео
Футбол академиясынын түзүүчүсү: боосун байлай албаган балдар да келип тыңып кетет
Футболчу Вальбуэнанын керемет пасы голго айланып, жеңишке жеткирди. Видео
Имбирь. Архив

Имбирь бардыгына эле пайдалуу эмес. Адис аны колдонуунун жолу тууралуу

0
Дарыгер имбирден таттуулар да жасаларын, андай учурда пайдалуу касиетин жоготпой турганын белгиледи. Аны бир жолу колдонуу өлчөмү 80-100 грамм экени эскертилди.

БИШКЕК, 19-янв. — Sputnik. Имбирь иммунитетти чыңдап, организмди инфекциялардан коргоого жардам берет. Аны кандай колдонуш керектигин Sputnik радиосуна дарыгер-терапевт, диетолог, нутрициолог Мария Черняева айтып берди.

Адистин айтымында, имбирь көптөгөн витаминдер жана минералдарга бай. Ал күчтүү антиоксидант катары сезгенүүгө каршы туруп, зат алмашуу процессин тездетип, иммунитетти бекемдөөгө жардам берет.

"Имбирди каалагандай колдонсо болот. Кургатылганда пайдалуу касиети көбүрөөк сакталат. Жаңы имбирдин тамырын майдалап, бал менен аралаштырып, чайга кошуп ичип же ар кандай суусундуктарды даярдаса болот", — деген диетолог.

Имбирди шорпого жана татымалдарга кошсо мүмкүн экенин, ошондой эле чыгыш ашканасында маринаддалган түрдө колдонуларын кошумчалаган.

Мындан тышкары, имбирден таттуулар жасаларын, андай учурда да дарылоо касиетин жоготпой турганын белгиледи.

Бирок адис каршы көрсөтмөлөрүн да эскерте кетти.

"Имбирь канды суюлтуучу дары-дармектердин таасирин күчөтүп салат. Ал эми өзү канды суюлтуучу касиетке ээ да. Андан тышкары, өт баштыкчасынын дарты менен жабыркагандарга жана ашказан оорусу барларга сунушталбайт", — деген адис.

Аны бир колдонуунун өлчөмү 80-100 грамм экенин да эскерткен.

0
Белгилер:
имбирь, дарыгер, витамин, иммунитет
Тема боюнча
Кышында эртең мененки тамактан баш тартуу эмне үчүн кооптуу. Адистин жообу
Майды эритип, адамды ашыкча салмактан арылта турган азык аталды