WEF (World Ertaymash Federation) уюму өткөзгөн таймаш. Архивдик сүрөт

Мушкерлердин багын ачкан WEF федерациясынын тарых-таржымалы

791
(жаңыланган 17:22 18.11.2017)
22-ноябрда Борбордогу Кожомкул атындагы спорт сарайында "WEF Global-10: Улуу жибек жолунун аскерлери" аталышындагы эл аралык ири турнир өтөт.

Акыркы жылдары WEF ("World Ertaymash Federation) уюму ММА боюнча беделдүү беттештерди өткөрүп, Кыргызстандын гана эмес, Орто Азиянын да бир топ мушкерлерин чемпион кылды.

Sputnik Кыргызстан маалымат агенттиги мушкерлердин багын ачкан WEF федерациясынын тарых-таржымалын тартуулайт. 

Начало боя на международном чемпионате по кулатуу WEF2.
© Sputnik / Табылды Кадырбеков
WEF уюмунун максаты — спортчулардын профессионалдык баскычка көтөрүлүүсүнө мүмкүнчүлүк түзүп берип, дүйнөдөгү беделдүү деп эсептелген UFC, Bellator жана башка белгилүү уюмдардын мелдештерине катыштыруу

1. WEF деген эмне? WEF бул — "World Ertaymash Federation" сөзүнүн кыскартылып айтылышы. Кыргызча Бүткүл дүйнөлүк кулатуу эр таймаш федерациясы деп аталат. Негиздөөчүлөрдүн айтымында, мушкерлердин рейтингин түзгөн Sherdog аттуу порталга киргизиш үчүн федерацияны англисче аташкан. Коомчулукта дал WEF аталышы менен белгилүү.

2. Дүйнөлүк статус алган федерация. Кулатуу спорттун түрү катары 1985-жылы пайда болуп, 1991-жылы КРдин Кулатуу эр таймаш федерациясы түзүлүп, 2002-жылы улуттук спорттук түр катары катталган. Ал эми 2014-жылы кулатууну дүйнөгө жайылтуу максатында дүйнөлүк деген статуска ээ болушкан. Шарт боюнча кеминде дүйнөнүн 12 мамлекетинде уюмдун өкүлчүлүгү түзүлүп, жылына аз дегенде үч эл аралык турнир өткөрүп турушат. Мындан тышкары, бир нече беделдүү спорттук уюмдар менен иш алып барышат.

Президент WEF (World ertaymash Federation) Руслан Кыдырмышев во время интервью Sputnik Кыргызстан
© Sputnik / Данияр Сандыбаев
Руслан Кыдырмышев 35 жаштагы ишкер, WEF (World Ertaymash Federation) федерациясынын президенти

3. Кимдер жетектейт? WEF федерациясынын президенти 35 жаштагы Руслан Кыдырмышев. Кыдырмышев таэквандо боюнча кара курдун ээси, кикбокс сүйүүчү, белгилүү ишкер, меценат, "Бакубат келечек" кайрымдуулук фондусунун жетекчиси.  

WEF вице-президенти — Эмил Токтогонов жана Рафик Мамбеталиев;

WEF Талас облусундагы президенти — Дастан Жумабеков;

WEF Жалал-Абад облусундагы президенти — Талант Мамытов;

WEF Нарын облусундагы президенти — Жыргал Турускулов;

WEF Чүй-Бишкек боюнча президенти — Алияр Абдыжалиев;

WEF Ысык-Көл облусу боюнча президенти — Акыл Кемелов;

WEF Өзбекстандагы президенти — Надыр Кадыров;

WEF Тажикстандагы президенти — Раджаб Баёнов;

Башкы катчы — Осмон уулу Даниэль.

4. WEF максаты — спортчулардын профессионалдык баскычка көтөрүлүүсүнө мүмкүнчүлүк түзүп берип, дүйнөдөгү беделдүү деп эсептелген UFC, Bellator жана башка белгилүү уюмдарынын мелдештерине катыштыруу. WEF алкагында катышкан мушкерлер ар кайсы спорттук клубдардын атынан чыгышат. Федерациянын мушкерлерди даярдаган атайын клубу жок. Президенти Кыдырмышев "калыстык үчүн спорттук клуб ачпайбыз" деп айтканы бар. 

Бойцы смешанных единоборств на турнире по кулатуу-эртаймаш по правилам WEF Selecion 7 в Бишкеке
© Sputnik / Табылды Кадырбеков
WEF турниринин беттешинде үч мүнөт, эгерде чемпиондук кур болсо беш мүнөт сайын тыныгуу берилет. Тыныгуу бир мүнөткө созулат

5. Спортчулар турнирге кантип катыша алат? WEF үч жыл ичинде 40ка чукул беттеш өткөрө алды. Турнирлер спортчулардын деңгээлине жараша төрт серияда өтөт.

WEF "Amateur" — каалаган мушкер катыша алат, башкача айтканда, эрежесиз урушка кадам таштайт;

WEF "Selection" — спортчулар деңгээлине жараша тандалып, жеңип чыккандар WEFтин кийинки "Proffight" баскычында ат салыша алат;

WEF "Proffight" — деңгээли орто мушкерлер күч сынашат;

WEF "Global" — эң мыкты спортчулар чемпиондук кур үчүн кыл чайнашат.

6. Шерлерди аныктаган Sherdog порталы. WEF өткөргөн турнирлердин жыйынтыгы дүйнөлүк Sherdog порталына катталып турат. Учурда порталдын рейтингинде алдыңкы кыргыз мушкерлеринин рейтинги 10-0 болсо, ортончу мушкердин рейтинги 6-5 болуп турат.

7. Ким каржылайт, кантип пайда табышат? Негиздөөчүлөрдүн айтымында, мелдешке жумшалган акча көбүнесе өз чөнтөктөрүнөн болот. Жалпы короткон каражаттын 20-30 пайызы билет саткандан түшөт. Жетекчилер азырынча турнирдин пайдасынан чыгымы көп экендигин айтышат. 

Бойцы смешанных единоборств во время боя на турнире по кулатуу-эртаймаш по правилам WEF Selecion 7 в Бишкеке
© Sputnik / Табылды Кадырбеков
WEF өткөргөн турнирлердин жыйынтыгы дүйнөлүк Sherdog порталына жарыяланып турат

8. Эрежелер. Кулатуу — кыргыздын улуттук спорту. Мында гректердин панкратион жана бразилиялыктардын валетудо спортунун ыкмалары бар. Уюштурчуулар кулатууга эр таймаш деген сөздү кошуп, беттештерди аралаш мушташтын (ММА) эрежеси менен өткөрүшөт. 2017-жылдын апрелинен тарта чыканак менен урууга уруксат берилген.

9. Раунддар. WEF турниринин беттешине үч мүнөт, эгерде чемпиондук кур болсо беш мүнөт сайын тыныгуу берилет. Тыныгуу бир мүнөткө созулат. 

Бойцы ММА Мурод Хантураев и Игорь Задерновский на взвешивании
© Фото / федерация WEF
Мушкерлер WEF турниринин алкагында 8 түрдөгү салмак категориясы боюнча күч сынашат

10. Салмактык категориялар

Эң жеңил салмак (57 килограммга чейин)

Жеңилирээк салмак (61,3 килограммга чейин)

Жарым жеңил салмак (65,8 килограммга чейин)

Жеңил салмак (70,3 килограммга чейин)

Орто жарым салмак (77 килограммга чейин)

Орто салмак (84 килограммга чейин)

Орто оор салмак (93 килограммга чейин)

Оор салмак (93 килограммдан өйдө)

791
Белгилер:
федерация, спорт, WEF, ММА, Руслан Кыдырмышев
Тема боюнча
Мигрант элек, чемпион болдук! Чет жакта топ жарып чыккан кыргыз спортчулары
Рингден трибунага карай жол. Спорттон саясатка секирген аткаминерлер
WEF жетекчиси Кыдырмышев: бир телефондук чалуу үчүн 20 миң долларга сынгам
Оштун Алай футболдук клубу 2020-жылдагы Кыргызстандын чемпиону болду

Футбол: "Алай" Кыргызстандын кубогу мелдешин утту

57
(жаңыланган 17:12 22.10.2020)
Алайлыктардын чабуулчусу Соломон Инкумдун башы менен киргизген жалгыз голу финалдык беттештин тагдырын чечти.

БИШКЕК, 22-окт. — Sputnik. Оштун "Алай" футболдук клубу 2020-жылдагы Кыргызстандын кубогу мелдешин утту. Финалдык беттеште алар Кант шаарынын "Абдыш-Ата" командасын 1:0 эсебинде жеңип алышты. Оюндун жүрүшүн Kyrgyz Sport TV youtube каналы түз алып көрсөттү.

  • Футбольный матч между клубами Абдыш-Ата и Алай за кубок чемпиона Кыргызстана 2020. 22 октября 2020 года
    Оштун "Алай" футболдук клубу 2020-жылдагы Кыргызстандын кубогу мелдешин утту
    © Фото / пресс-служба Кыргызского футбольного союза
  • Футбольный матч между клубами Абдыш-Ата и Алай за кубок чемпиона Кыргызстана 2020. 22 октября 2020 года
    Финалдык беттеште алар Кант шаарынын "Абдыш-Ата" командасын 1:0 эсебинде жеңип алышты
    © Фото / пресс-служба Кыргызского футбольного союза
1 / 2
© Фото / пресс-служба Кыргызского футбольного союза
Оштун "Алай" футболдук клубу 2020-жылдагы Кыргызстандын кубогу мелдешин утту

Биринчи бөлүктүн 36-мүнөтүндө алайлыктардын 28-катар санындагы чабуулчусу Соломон Инкум стандарттык абалдан чыгарылып берилген топту башы менен киргизип, финалдык беттештин тагдырын чечти.

Муну менен "Алай" клубу Кыргызстандын кубогун акыркы 10 жылдын ичинде экинчи ирет утуп, Азия футбол конфедерациясы кубогунун квалификациялык стадиясына жолдомо алды.

"Дордой" футбол клубу мөөнөтүнөн мурда өлкө чемпиону болду

Футбол боюнча өлкө кубогу борборлоштурулган форматта Кант шаарында өттү. Ага чемпионатта экинчиден сегизге чейинки орунду ээлеген командалар катышкан.

"Алай" финалга чейинки жолдо "Каганат", "Нефтчи" командаларын уткан.

Акыркы 10 жылда бул мелдешти Бишкектин "Дордой" клубу алты, канттык "Абдыш-Ата" эки жолу утса, өткөн жылы Кочкор-Атанын "Нефтчи" клубу жеңген.

57
Белгилер:
ФК "Абдыш-Ата", ФК Алай, кубок, футбол
Тема боюнча
Эшенов: футболду өнүктүрүүдө көйгөйлөр көп

Бишкектик жигит бир жылда 60 килограммга арыктады! Шыктандырган видео

438
(жаңыланган 18:21 22.10.2020)
Бишкектин тургуну Орозбек Мейманбек уулунун салмагы 18 жашында эле 134 килограммга жетип калган. Бул көрүнүш өзүн гана санаага батырып, ден соолугуна кедергисин тийгизбестен, жакындарынын дагы тынчын ала баштаганын айтат.

Бирок жаш жигит өзүн колго алып, кесипкөй машыктыруучунун жардамы менен бир жылда 60 килограмм салмактан арыла алды. Учурда салмагы 74 килограмм. Мындан дагы бир аз ылдый түшсөм деген ою бар. Анткен менен жакында аскердеги күндөрү башталат.

Ал машыктыруучусу менен биргеликте Sputnik Кыргызстан агенттигине толук кезиндеги жана андан кийинки жашоосу тууралуу айтып, башкаларга дагы кеңеш берди.

Карантин бизге кеп бекен! Үйүн залга айландырып машыккан КР спортчулары. Видео

  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
1 / 4
© Sputnik / Табылды Кадырбеков
Бишкекчанин Орозбек Мейманбек уулу

Орозбек Мейманбек уулунун айтымында, бала кезинде арык эле болчу. Бирок 5-класстан тарта салмак кошулуп отуруп 16 жашында 93 килограммга, ал эми 18 жашында 134 килограммга чейин толуп кеткен. Былтыр жайында жашоосун өзгөртүүнү чечип, фитнес-залга баш баккан.

"Туура эмес тамактангам деп ойлойм. Сендвич, шаурма сыяктуу бат даярдала турчу тамактарды жечүмүн. Өтө толуп кеткенде басып-турганда, жатканда кыйналып, күйүгүп, алым кетип, бат чарчап калдым. Машыгуулар деле оңойго турган жок. Башында сөөктөрүм ооруп жүрдү, анан витаминдерди ичтим. Жөн гана машыгып койбостон, туура тамактанууга өттүм. Алгачкы бир айда эле 13 килограмм таштап, өзүмдү жеңил сезе баштадым, ишеним дагы пайда болду", — деди Мейманбек уулу.

Ал спорт жашоосун өзгөртүп, жакшы чөйрөгө туш кылганын айтып, башкаларды дагы ден соолугуна көңүл бурууга чакырды.

18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
© Sputnik / Табылды Кадырбеков
Бишкекчанин Орозбек Мейманбек уулу

"Арыктаганда биринчи кезекте апам сүйүндү. Туугандар, достор таң калышууда. Интернеттен кеңеш сурагандар көп. Азыркы жаштардын убактысы телефон, компьютер тиктөө менен өтүп жатат. Машыгууга жок дегенде күнүнө бир саат убакыт бөлсөңүздөр, ден соолукка эле пайда. Ондогон килограммды кетирүү зыян эмеспи деп сурагандар болушу ыктымал. Жакында эле армияга баруу үчүн медициналык кароодон өттүм. Кудайга шүгүр, дени-кардым соо экен", — деди жаш жигит.

Орозбек Мейманбек уулун пауэрлифтинг боюнча КРдин абсолюттук чемпиону, бодибилдинг, таяк тартыш боюнча Азиянын жана дүйнөнүн чемпиону Келдибек Атайбек уулу арыктаткан.

Атабек Азисбеков: Токио Олимпиадасында мен үчүн ыңгайсыз атаандаш болбойт

Машыктыруучу окуучусу менен "мырзаларча" сүйлөшүп алып, ойлогон максатка жетишкенин айтып берди.

Абсолютный чемпион КР по бодибилдингу Келдибек Атайбек уулу в тренажерном зале
© Sputnik / Табылды Кадырбеков
Абсолютный чемпион КР по бодибилдингу Келдибек Атайбек уулу
"Ороздун абалы тууралуу эжеси Instagram аркылуу жазган эле. Жумушка келсем Ороз ары карап отурган экен. Артынан карасаң чоң киши, астынан карасаң жаш бала... Бир четинен ушунчалык толуп кеткенге чейин ичип-жедиби деп ичимен ачуулансам, экинчиден, боорум ооруду. Дароо эркектик маселени койдук. Орозду эки нерсени танда: дагы деле ушунтип кыйналып жүрө бер же менин айткандарымды аткарасың дегем. Талыкпаган эмгектин, кыйынчылык, ишенимдин артынан бир жылда 60 килограмм салмак таштай алдык", — деди машыктыруучу.

Ал окуучуларынын ичинен арыктагандар боюнча Орозбек рекорд койгонун жана андан мотивация алган көптөгөн киши залга келип жатканын кошумчалады. 

Булар менен дүйнө сыймыктанчу! Олимпиаданы багынткан 8 кыргыз спортчусу

Машыктыруучу менен Орозбектин дагы бир нече килограмм таштайлы деген планы бар. Бирок 19 жаштагы жигитти жакында армияга алып кетишет. Ал милдетин аткаргандан кийин ИИМ академиясына тапшырып, милиционер болууну кыялданып жатат.

438
Белгилер:
ООрозбек Мейманбек уулу, Келдибек Атайбек уулу, видео, машыктыруучу, салмак, арыктоо, Кыргызстан
Тема боюнча
Netflix көк бөрү жөнүндө фильм тартты. Трейлери
Тергөө абагы. Архив

Кримтөбөл Камчы Көлбаев УКМКнын тергөө абагына киргизилди

9
(жаңыланган 21:51 22.10.2020)
Бүгүн Камчы Асанбектин (Камчы Көлбаев) кайда экени маалым болуп, тергөө иштерин жүргүзүү үчүн УКМКга алып келинген.

БИШКЕК, 22-окт. — Sputnik. Кримтөбөл Камчы Көлбаев УКМКнын тергөө абагынын убактылуу кармоо жайына 48 саатка киргизилди. Бул тууралуу комитеттин маалымат кызматы кабарлады.

Эске салсак, бүгүн, 22-октябрда, Бишкектеги спорт клубдардын биринен Камчы Көлбаев кармалып, УКМКга алып келинген.

Ага карата Жазык кодексинин 249-беренеси ("Кылмыштуу уюмду түзүү же ага катышуу") боюнча кылмыш иши козголуп, Кылмыш жана жоруктардын бирдиктүү реестрине катталган. Учурда сотко чейинки өндүрүш иштери башталды.

9
Белгилер:
абак, Камчы Көлбаев, УКМК, Кыргызстан
Тема боюнча
УКМК Камчы Көлбаев кайсы кылмышы үчүн кармалганын айтты