Кыргызстанский боец MMA Мыктыбек Мамасалиев

"Ак аюу" Мамасалиев: атаандашым Проценко "муунтам" дегени үчүн жооп берет

8668
(жаңыланган 12:06 09.12.2017)
Күн мурун украиналык Юрий Проценко интернет аркылуу атаандашы Мыктыбек Мамасалиевге видео кайрылуу жасаган

БИШКЕК, 6-дек. — Sputnik. Атаандашым Юрий Проценко "муунтам" деген дубай саламы үчүн беттеште жооп берет. Бул тууралуу "Ак аюу" каймана аты менен таанымал кыргызстандык мушкер Мыктыбек Мамасалиев Sputnik Кыргызстан маалымат агенттигинин мультимедиалык борборунда өткөн маалымат жыйында билдирди.

Эскерте кетсек, 9-декабрда борбордогу Кожомкул атындагы спорт сарайда "Жаш күч" спорттук клубунун аралаш мушташ боюнча "Jash Kuch Fighting Championship-2017" эл аралык турнири өтөт.

Программада 12 беттеш бар. Анын ичинде кыргызстандык "Жаш күч" жана Чеченстандын "Ахмат" спорттук клубунун мушкерлери "Жекеме жеке" мелдештик жолугушуусун өткөрөт. Эки командадан төрттөн мушкер чыкмакчы.

Ошондой эле кеченин башкы беттешине чемпиондук кур коюлган. Анда "Ак аюу" каймана аты менен таанымал Мыктыбек Мамасалиев украиналык Юрий Проценко менен күч сынашат.

Күн мурун Проценко интернет аркылуу атаандашы Мамасалиевге "мен "Азия Аюсу" Мурод Хантураевди муунткам, эми кезек сага да келет" деген видео кайрылуу жасаган.

Эске сала кетсек, ушул жылдын 26-августунда Астанада өткөн FSK Promotion Company турниринин алкагында Юрий Проценко өзбекстандык "Азия аюсу" каймана аты менен таанымал Мурод Хантураевди муунтуу ыкмасы менен утуп алган.

Мамасалиев журналисттердин суроосуна жооп берип жатып Проценконун видео кайрылуусу тууралуу оюн айтты.

"Чынын айтсам, ал видеону көргөн жокмун. Ар бир мушкердин өзгөчөлүгү болот. Бири партерде, бири тик туруп жакшы иштейт. Кимдин күчтүү экендиги сегиз бурчтукта билинет эмеспи. Андыктан атаандашым "муунтам" дегени үчүн беттеште жооп берет," — деди Мамасалиев.

Ал ошондой эле беттешке кызуу даярданып жатканын кошумчалады.

"Жаш күч" спорттук клубунун башкы машыктыруучусу Айбек Мусаев бүгүн эртең менен Чеченстандын ММА мушкерлери борборго учуп келгенин кошумчалады. 

Тренер бойцовского клуба Жаш Куч Айбек Мусаев на пресс-конференции к турниру ММА JFC Fight Night 2017
© Sputnik / Табылды Кадырбеков
"Жаш күч" спорттук клубунун башкы машыктыруучусу Айбек Мусаев

"Быйылкы JFС ММА турниринин өзгөчөлүгү — эки элдин мушкерлеринин мелдештик жолугушуусу. Эртең менен Чеченстандан келген конокторду тосуп алдык. Мындан сырткары, Өзбекстан, Казакстан, Тажикстан жана Украинанын спортчулары катышат. Алдыдагы беттеш кызыктуу өтөрүнө ишенем", — деди Мусаев.

JFС ММА турнири Бишкекте үчүнчү ирет өтүп жатат. 2015-жылы кыргызстандык Замирбек Сыргабаев америкалык атаандашы Джефф Монсонду баш көтөртпөй жеңип алса, 2016-жылкы турнирде кыргыз мушкери Данияр Бабакулов чемпиондук курга ээ болгон.

JFC ММА турниринде күч сынаша турган спортчулардын чыга турчу тизмеси:

70 килограммга чейин
Эльдор Эронов (Өзбекстан) — Авазбек Жоробаев (Кыргызстан)

61 килограммга чейин
Бахтияр Несипбек (Казакстан) — Абдибаит уулу Айдарбек (Кыргызстан)

77 килограммга чейин
Хусниддин Нишонов (Өзбекстан) — Таштанкул уулу Руслан (Кыргызстан)

70 килограммга чейин
Еркын Дарменов (Казакстан) — Жыргалбек Эмилбеков (Кыргызстан)

77 килограммга чейин
Бихтире Турсунов (Тажикстан) — Фарух Абдужаббаров (Кыргызстан)

77 килограммга чейин
Андрей Белык (Украина) — Дарханбек Эргешов (Кыргызстан)

61 килограммга чейин
Сирожиддин Абдукаюмов — Бахтияр Тойчубаев

"Ахмат" (Чеченстан) жана "Жаш-Күч" (Кыргызстан) спорттук клубунун мелдештик жолугушуусу:

84 килограммга чейин
Мурад Идрисов — Белек Абдыжапаров

70 килограммга чейин
Али Мургулчиев — Орозбек Марипов

70 килограммга чейин
Амирхан Адиев — Эрлан Улукбеков

61 килограммга чейин
Замир Арипшев — Тилек Батыров

Чемпиондук кур үчүн беттеш, 100 килограммдан өйдө
Юрий Проценко (Украина) — Мыктыбек Мамасалиев (Кыргызстан)

8668
Белгилер:
ММА, мушкер, жыйын, атаандаштык, спорт, Мыктыбек Мамасалиев, Айбек Мусаев
Тема боюнча
ТОП-11. ММА мушкерлери Кыргызстанды дүйнөгө таанытабы?
Мушкер Эмилбеков кайрадан ММА боюнча эл аралык турнирде ат салышмай болду
Ночной забег. Архивное фото

Түнкү марафондун жыйынтыгы чыгарылды. Тизме

73
(жаңыланган 18:05 20.06.2021)
Спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө болуп, аны Nomad Sport коомдук бирикмеси уюштурган.

БИШКЕК, 20-июн. — Sputnik. Борбор калаада өткөн Toyboss Night Run 2021 түнкү марафондун жыйынтыгы чыгарылды.

Белгилей кетсек, спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө өткөн. Мелдешти Nomad Sport коомдук бирикмеси уюштурган. Ордо калаада мындай жарыш үчүнчү ирет өтүүдө.

Башында 2000дей кишинин чуркай турганы күтүлсө, пандемияга байланыштуу 500дөй адамга кыскарган.

21 чакырымга чуркагандардын ичинен алдыңкы келген беш киши:

  • Евгения Прокофьева (1 саат 13 мүнөт 37 секунд);
  • Александр Салахидинов (1 саат 13 мүнөт 55 секунд);
  • Аман Момуналиев (1 саат 14 мүнөт 3 секунд);
  • Кайнар Камалов (1 саат 15 мүнөт 57 секунд);
  • Алик Бекбасар уулу (1 саат 16 мүнөт 48 секунд).

10 чакырымга чуркагандардын ичинен алдыңкы келген беш киши:

  • Марат Дастан уулу (37 мүнөт 50 секунд);
  • Дастан Ташыбеков (38 мүнөт 23 секунд);
  • Ырыскелди Акеров (38 мүнөт 40 секунд)
  • Бакыт Момуналиев (38 мүнөт 42 секунд);
  • Алымбек Керимбеков (38 мүнөт 59 секунд).

5 чакырымга чуркагандардын ичинен алдыңкы келген беш киши:

  • Антон Егоров (19 мүнөт 10 секунд);
  • Илияз Чокоев (19 мүнөт 14 секунд);
  • Тимур Кенжеков (19 мүнөт 18 секунд);
  • Бактияр Ганиев (20 мүнөт 12 секунд);
  • Кутман Мамбетов (20 мүнөт 37 секунд).

Мелдеш учурунда күндүн көзү бузулуп, жаан жаап, күн күркүрөп, чагылган чартылдаган. Бирок аба ырайы катышуучуларга жолтоо боло алган эмес

73
Белгилер:
жыйынтык, марафон, Бишкек, Кыргызстан
Тема боюнча
Күн күркүрөп, чагылган чартылдап... Түнкү жарышта чуркаган жөө күлүктөр. Видео
Акактап келе жаткан атаандашына суу сунган Көчкөнбаевдин ич жылыткан видеосу

Күн күркүрөп, чагылган чартылдап... Түнкү жарышта чуркаган жөө күлүктөр. Видео