Ремень чемпиона UFC во время пресс-конференции в Лас-Вегасе

UFC чемпиондук куру Кыргызстанга кантип келип калды? "Жаш-Күчтүн" түшүндүрмөсү

2273
(жаңыланган 15:47 09.12.2017)
UFC — Америкадагы аралаш мушташ боюнча турнир өткөргөн белгилүү спорттук уюм болуп эсептелинет

БИШКЕК, 8-дек. — Sputnik. Бүгүн JFC ММА-3 эл аралык турниринин салмакка түшүү жана көз караштар таймашы аземи болуп өттү. Ал эми беттештин өзү эртең саат 18:00дө борбордогу Кожомкул атындагы спорт сарайында болмокчу.

Иш-чарага келген коноктордун көбүн сүрөт зонасына коюлган UFC уюмунун чемпиондук куру кызыктырды. Буга чейин интернет айдыңында турнирдин уюштуруучулары кур Кыргызстанга алып келингендиги тууралуу айтып, ал түрдүү пикирлерге жем таштаган. Бири кол жеткис курга суктанса, экинчиси анын жасалма болушу экендигин айткан.

Бүйүр кызыткан курдун таржымалын Sputnik Кыргызстан маалымат агенттигинин кабарчысы турнирди уюштурган "Жаш-Күч" спорттук клубунун президенти Айбек Мусаевден сураштырып көрдү. 

Тренер бойцовского клуба Жаш Куч Айбек Мусаев с чемпионским поясом UFC
© Фото / бойцовский клуб "Жаш куч"
"Жаш-Күч" спорттук клубунун президенти Айбек Мусаев UFCнин чемпиондук куру менен

"Жайында мекендешибиз Валентина Шевченко UFC турниринин алкагында бразилиялык Аманда Нуньес менен беттешмей болуп, бирок Нуньес жаракат алганына байланыштуу беттеш үзгүлтүккө учураганын баары эле билишсе керек. Ал турнирге биздин клубдун ардактуу президенти Алтынбек Сулайманов мекендешибизге колдоо көрсөткөнү барган. UFC спорттук уюмунун башкы кеңсесине барып, жетекчиси Дэйна Уайт менен жолугушуп, пикир алышкан. Анан UFC уюмунун жетекчиси өз колу менен кол тамгасы коюлган китеп жана чемпиондук курду белекке берген. Биз абдан сүйүүнүү менен кабыл алдык, биздин спортчулар дагы дүйнөнү дүңгүрөткөн уюмда күч сынашсын деп клубдун дубалына илип алганбыз," — деди Мусаев.

Ал ошондой эле Америкадан келген курдун тиешелүү документтери бар экендигин кошумчалады.

UFC — Америкадагы аралаш мушташ боюнча турнир өткөргөн белгилүү спорттук уюм жана эң жогорку деңгээлдеги спорттук чемпионат болуп эсептелинет.

2273
Белгилер:
кур, чемпион, спорт, UFC, Айбек Мусаев, Алтынбек Сулайманов
Тема боюнча
Мусаев Айбек Мусаевич — өмүр баяны
"Ак аюу" атаандашы Проценко менен жулкулдаша кетти. JFCнин көз караштар таймашы
Мушкер "Алгыр" Жумабеков Украинада өтчү беттеште күч сынашат
Ночной забег. Архивное фото

Түнкү марафондун жыйынтыгы чыгарылды. Тизме

73
(жаңыланган 18:05 20.06.2021)
Спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө болуп, аны Nomad Sport коомдук бирикмеси уюштурган.

БИШКЕК, 20-июн. — Sputnik. Борбор калаада өткөн Toyboss Night Run 2021 түнкү марафондун жыйынтыгы чыгарылды.

Белгилей кетсек, спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө өткөн. Мелдешти Nomad Sport коомдук бирикмеси уюштурган. Ордо калаада мындай жарыш үчүнчү ирет өтүүдө.

Башында 2000дей кишинин чуркай турганы күтүлсө, пандемияга байланыштуу 500дөй адамга кыскарган.

21 чакырымга чуркагандардын ичинен алдыңкы келген беш киши:

  • Евгения Прокофьева (1 саат 13 мүнөт 37 секунд);
  • Александр Салахидинов (1 саат 13 мүнөт 55 секунд);
  • Аман Момуналиев (1 саат 14 мүнөт 3 секунд);
  • Кайнар Камалов (1 саат 15 мүнөт 57 секунд);
  • Алик Бекбасар уулу (1 саат 16 мүнөт 48 секунд).

10 чакырымга чуркагандардын ичинен алдыңкы келген беш киши:

  • Марат Дастан уулу (37 мүнөт 50 секунд);
  • Дастан Ташыбеков (38 мүнөт 23 секунд);
  • Ырыскелди Акеров (38 мүнөт 40 секунд)
  • Бакыт Момуналиев (38 мүнөт 42 секунд);
  • Алымбек Керимбеков (38 мүнөт 59 секунд).

5 чакырымга чуркагандардын ичинен алдыңкы келген беш киши:

  • Антон Егоров (19 мүнөт 10 секунд);
  • Илияз Чокоев (19 мүнөт 14 секунд);
  • Тимур Кенжеков (19 мүнөт 18 секунд);
  • Бактияр Ганиев (20 мүнөт 12 секунд);
  • Кутман Мамбетов (20 мүнөт 37 секунд).

Мелдеш учурунда күндүн көзү бузулуп, жаан жаап, күн күркүрөп, чагылган чартылдаган. Бирок аба ырайы катышуучуларга жолтоо боло алган эмес

73
Белгилер:
жыйынтык, марафон, Бишкек, Кыргызстан
Тема боюнча
Күн күркүрөп, чагылган чартылдап... Түнкү жарышта чуркаган жөө күлүктөр. Видео
Акактап келе жаткан атаандашына суу сунган Көчкөнбаевдин ич жылыткан видеосу

Күн күркүрөп, чагылган чартылдап... Түнкү жарышта чуркаган жөө күлүктөр. Видео

231
(жаңыланган 01:16 20.06.2021)
Бүгүн спорт ышкыбоздору үчүн чоң майрам болду. Борбор калаада жыл сайын өтүүчү Toyboss Night Run 2021 жарышы өтүп, көпчүлүккө жагымдуу маанай тартуулады.

Жарыш 5, 10 жана 21,1 чакырымдык үч дистанцияда өттү. Кечки саат 9да башталган иш-чараны эң узак аралыкка чуркоочулар баштап берди. Жаңырган музыка, жолду бойлой суу, банан сунуштап турган уюштуруучулар жөө күлүктөргө дем берип, колдоо көрсөтүп жатышты.

Күндүн көзү бузулуп, жаан жаап, күн күркүрөп, чагылгандын чартылдашы да катышуучуларга жолтоо боло алган жок.

Милиция кызматкерлери жол кыймылын тескеп турса, жөө күлүктөрдүн саламаттыгына кооптуулук жаралып калса деп тез жардам унаасы да нөөмөттө болду.

Марага келген ар бир катышуучу медаль тагынды.

231
Белгилер:
Бишкек, жөө күлүк, жарыш
Тема боюнча
Бишкекте түнкү жарыш старт алды. Сүрөт
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

0
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

0
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы