Кыргызстанский марафонец Адилет Кыштакбеков

Кытайдагы марафондо биринчи келген Адилет: жарыш алдында 20 саат ачка жүрдүм

(жаңыланган 08:53 09.01.2018)
Кытайдын Куньмин шаарында Шанхай кызматташтык уюму тарабынан уюштурулган эл аралык марафондо кыргызстандык Адилет Кыштакбеков баш байгени багындырган. Ал 27 өлкөнүн жөө күлүктөрүн артта калтырып марага биринчи келген.

Аталган марафон жаңы жыл алдында өтүп Адилеттин жеңиши Кыргызстанга майрамдык белек болду. Жөө күлүктөрдүн жарышына жалпы 14 300 профессионалдуу жана спорт ышкыбоздору катышкан. Анда 2, 7, 21 жана 42 чакырымга төрт дистанция менен чуркашкан. Кыргызстандык спортчу 42 чакырым аралыкка чуркап 1469 спортчунун ичинен озуп чыкты.

ШКУ марафонунун баш байгесин уткан Адилет Кыштакбеков менен Sputnik Кыргызстан агенттигинин кабарчысы Эламан Карымшаков маектешти.

  • Кыргызстанский марафонец Адилет Кыштакбеков
    Кытайдын Куньмин шаарында Шанхай кызматташтык уюму тарабынан уюштурулган эл аралык марафондо кыргызстандык Адилет Кыштакбеков баш байгени багындырган.
  • Кыргызстанский марафонец Адилет Кыштакбеков
    Ал 27 өлкөнүн жөө күлүктөрүн артта калтырып марага биринчи келген.
1 / 2
Кытайдын Куньмин шаарында Шанхай кызматташтык уюму тарабынан уюштурулган эл аралык марафондо кыргызстандык Адилет Кыштакбеков баш байгени багындырган.

— Жеңишиңиз менен куттуктайбыз! Алгач ошол марафон тууралуу айтып берсеңиз.

— Деңиз деңгээлинен 2000 метр бийиктиктеги тоодо 42 чакырым 195 метр аралыкка чуркадык. Мен марага 2 саат 23 мүнөт 21 секундада келип биринчи боло алдым. Экинчи, үчүнчү, төртүнчү орундарды кытайлык жөө күлүктөр алса, бешинчини Кениядан барган спортчу ээледи. Чынын айтсам, башында жеңишке жетем деп ойлогон эмесмин. Былтыр бул марафонго Кыргызстандан Илья Тяпкин катышып 6-орунду алган болчу. Быйыл мен планда жок эле жүрүп катышып калдым. Бирок ага чейин Азия оюндарына даярданып жатып виза маселесинен улам барбай калгам. Ошол даярдыктар жеңишке жетүүгө жардам берди окшойт.

— Кыргызстандан жалгыз өзүңүз бардыңызбы?

— Жеңил атлетика федерациясы дагы бир жөө күлүк Жоомарт Көчкөнбаев экөөбүздү жиберген. Бирок ал катыша албай калды. Бул жактан текшерилгенде саламаттыгы жакшы чыкканы менен Кытайга барганда кан басымы төмөн экен деп катыштырбай коюшту. Анткени кардиограммага түшүү үчүн ачка жүрүш керек болду. Жумуштар белгиленген убактан кечигип жасалгандыктан 20 саат ачка жүрүп калдык. Жоомарт ошонун кесепетинен ден соолугу начарлап чыга албай калды. 

Кыргызстанский марафонец Адилет Кыштакбеков, победивший в китайском городе Куньмин марафона ШОС во время интервью на радио Sputnik Кыргызстан
© Sputnik / Табылды Кадырбеков
ШКУ марафонунун баш байгесин уткан Адилет Кыштакбеков: айланамды карасам баары кыйын көрүнөт. Күчтүү делген кара тору кениялыктар да жүрөт. Ичимден жок дегенде үчүнчү орунга жетсем экен деп жаттым

— Миңден ашуун жөө күлүктүн арасынан алдыга оозуп чыгуу да жеңил эмес. Жөнөкөй эле суроо берейин, кантип биринчи болуп калдыңыз?

— Айланамды карасам баары кыйын көрүнөт. Күчтүү делген кара тору кениялыктар да жүрөт. Ичимден жок дегенде үчүнчү орунга жетсем экен деп жаттым. Бирок 23-чакырымга келгенде экинчи сапка чыга алдым. Ал эми 30-чакырымда кытайлык жөө күлүк экөөбүз алдыда бараткан кениялыктан ашып кеттик. Анан ары жакта 12 чакырым эле калды, булардан менин эмнем кем экен деп катуулай баштадым. Бир маалда карасам бүт камералар мени тартып жатыптыр, ансайын демденип алып кете бердим. Ошол учурда машыктыруучумду эстедим, өлкө атынан барганымды ойлодум. Баарына жаңы жылга белек кылайын деп кайра чыйралдым. 35-чакырымга келгенде Жоомарт күтүп туруптур. Ал "Адилет байке, баары чарчап калды, сиз биринчи болуп жетесиз" деп кыйкырып, четтен чуркап дагы дем берип койду. Ошентип 38-чакырымда баарынан алдыга озуп кеттим. Марага жеткенде өзүмдү аябай башкача сездим. Буга чейин мындай сезим болгон эмес эле. Консулдукта иштеген байкелер кошулуп баары келип кучактаганда кубанычым койнума батпай чарчаганымды да унутуп койдум.

— Көздөн жаш чыктыбы?

— …Ооба, катуу сүйүнгөндүктөн жашып кеттим…

— Баш байгеге эмне берилди?

— Байгеге 20 миң юань (212 миң сом — ред.) ыйгарылган. Ал каражат азырынча колубузга тие элек, кийинчерээк которобуз дешкен. 

— Спорт менен канчадан бери машыгасыз?

— Бала чактан бери эле алектенем. Чуркоо боюнча машыгып баштаганыма 12 жыл болду. Виктор Борисовдун кол алдында машыгам. Учурда улуттук курама команданын мүчөсүмүн, федерацияга киргениме алты жылдын жүзү болду. Буга чейин да бир нече мелдештерге катышып келгем. Индияда өткөн Азия оюндарында 3-орунду алгам. Мындан сырткары, коңшу өлкөлөрдө өткөн мелдештерге да барып турам. Эң негизгиси машыктыруучунун айтканын угуш керек. Ошондо ийгилик болот!

— Машыгуулар кандай өтөт?

— Ысык-Көлдүн Кажы-Сай айылы жана Каракол шаарында машыгабыз. Бир күн чуркабай калсам маанайым ачылбай, тамак иче албай кыйнала берем. Күнүгө эртең менен, түштө, кечинде үч жолу чуркайбыз. Жалпы жонунан 30дан 50 чакырымга чейин басып өтөбүз. Мисалы, эртең мененки тамакка чейин көнүгүү катары 10 чакырым, кечинде бутка массаж болсун деп 10 чакырым чуркап коёбуз. Негизги машыгуу түштө болот.

— Мышыгууңар чуркоо менен гана чектелеби?

— Башкалар кандай билбейм, биз машыгууда чуркайбыз, андан соң уктайбыз. Андан башка жумушубуз жок. Ай сайын мамлекеттен стипендия берилет.

— Сиздерде тамак ылгап жеп, атайын режимге отуруу деген шарттар барбы?

— Жок. Бизге күч керек да, качан болбосун тамакты ылгабай жей беребиз. Машыктыруучубуз да каалашыңарча жегиле дейт. Биздики бат эле сиңип кетет. Мисалы кечинде көп тамак жеп алсак эртеси көбүрөөк чуркап сиңирип жок кылып жиберебиз.

— Алдыга койгон пландарыңыз?

— Эң башкы планым 2020-жылы Токиодо өтө турган Олимпиада оюндарына жолдомо алуу жана ийгиликке жетишүү. Азыртадан ага даярдык көрүп баштадым. Мындан сырткары, Кыргызстандын тарыхында 42 чакырымды 2 саат 13 мүнөттө басып өткөн Сатымкул Жуманазаровдун көрсөткүчүнө жетүүгө аракет кылам. Кыргызстандын рекордун жаңыртсам деген ойлорум бар. 

Кыргызстанский марафонец Адилет Кыштакбеков, победивший в китайском городе Куньмин марафона ШОС во время интервью на радио Sputnik Кыргызстан
© Sputnik / Табылды Кадырбеков
Адилет Кыштакбеков: бир максат койгондон кийин аягына жетиш керек. Токио Олимпиадасына жолдомо алып катышып келгенден кийин үйлөнөм го…

— Үй-бүлөңүздө да спортко жакын адамдар барбы?

— Мен Таластын Манас айылында туулгам. Бир туугандардын улуусумун, эки иним, бир карындашым бар. Алар башка тармакта окуп, иштешет. Атам мурда жеңил атлетика менен алектенген. Мен атамдын жолун жолдоп, ал жетишпей калган ийгиликтерди багындырууга максат койгом. Марафондон жеңгенде сүйүнчүлөйүн десем Кытайда биздин социалдык тармактар иштебейт экен. Бир ыктыярчынын телефонун сурап ата-энеме чалып жеңгенимди айтсам абдан кубанышты. Катуу сүйүнүшкөнүнөн сүйлөй албай ыйлап жиберишти.

— Жашыңыз 25ке келиптир, үй-бүлө курууну качанкыга пландап жатасыз?

— Бир максат койгондон кийин аягына жетиш керек да. Токио Олимпиадасына жолдомо алып катышып келгенден кийин үйлөнөм го…

Белгилер:
жөө күлүк, жеңиш, марафон, спорт, Адилет Кыштакбеков, Кытай
Тема боюнча
Биз билип-билбеген Айсулуу Тыныбекова. Спортчу кыз тууралуу кызыктуу 10 факты
Кыргыз спорту бул жылы эмнеси менен эсте калды
Дүйнө чемпиону "Алгыр": балалыгым "Дордойдо" соода менен өттү

Дүйнөдөгү эң бай 15 киши. Сүрөттөр

  • Ларри Пейж менен Сергей Брин дүйнөдөгү эң популярдуу Google издөө системасын иштеп чыгышкан. Байлардын тизмесинде сегизинчи катарда турган Ларри Пейждин мүлкү 91,5 миллиард доллар
Forbes журналы жакында эле жыл сайын жарыялоочу дүйнөнүн эң бай адамдарынын рейтингин чыгарды. Байлыгына сан жетпеген кишилер кандай болорун, алардын мүлкү тууралуу Sputnik Кыргызстандын сүрөт түрмөгүнөн окуңуз.

Эң байлардын тизмесинде дагы деле Amazon интернет-ритейлердин башкы директору Жефф Безос көч баштоодо. Анын байлыгы бир жыл ичинде 64 миллиард долларга көбөйгөн. Учурда анын мүлкү 177 миллиард долларды чапчыйт.

Tesla компаниясынын ээси, жеке ишкер Илон Маск экинчи сапта турат. Өткөн жылы анын компаниясынын акциялары 720 пайызга кымбаттап, рейтингдеги 31-катардан дароо экинчиге көтөрүлүүгө мүмкүнчүлүк берди.

LVMH мода үйүнө үй-бүлөсү менен ээлик кылган Бернар Арно үчүнчү сапка жайгашып, мүлкү 150 миллиард долларга бааланууда. Эскерте кетсек, россиялык супермодель Наталья Водянова Бернардын уулу Антуан Арнонун жубайы болот.

Рейтингге бардыгы болуп 2 755 миллиардер кирген. Алар былтыркыдан 660 кишиге көбөйгөн. Миллиардерлердин мүлкү жалпы жонунан 13,08 триллион долларга бааланууда. Бул рекорддук көрсөткүч.

 

  • © REUTERS / Joshua Roberts

    Планетанын эң бай адамы Жефф Безос 2018-жылы Вашингтондо өткөн экономикалык клубдун жыйынында сүйлөп жаткан учуру

  • © AP Photo / Richard Drew

    Tesla компаниясынын негиздөөчүсү Илон Маск автоунаанын жанында турат. 2020-жылы ал дүйнөдөгү эң бай адамдардын рейтингинде болуп көрбөгөндөй секирик жасаган

  • © AFP 2021 / Gabriel Bouys

    Рейтингде үчүнчү сапта LVMH мода үйүнө ээлик кылган Бернар Арно жана үй-бүлөсү турат. Сүрөттө: Бернар Арно өмүрлүк жары, уулу Антуан жана келини россиялык супермодель Наталья Водянова

  • © AFP 2021 / Tobias Schwarz

    Microsoft компаниясын негиздеген Билл Гейтс 124 миллиард доллар мүлкү менен төртүнчү орунда турат. Ал жубайы менен дүйнөдөгү эң ири кайрымдуулук фондду жетектешет. Мындан сырткары, АКШнын 19 штатында дыйканчылык жерлери бар

  • © AP Photo / Bob Edme

    Бешинчи сапты Марк Цукерберг ээлеген. Facebook социалдык тармагынын негиздөөчүсүнүн мүлкү 97 миллиардды чапчыйт

  • © AP Photo / Eric Francis

    Уоррен Баффеттин байлыгы Цукербергдикинен бир миллиард долларга аз. Ал белгилүү Berkshire Hathaway инвестициялык мекемеге жетекчилик кылат. Уюм 60тан ашык компаниянын үлүшүнө ээлик кылат

  • © AFP 2021 / Getty Images North America / Ezra Shaw

    Миллиардер Ларри Эллисондун негизги кирешеси Oracle компаниясынан түшөт. Мекеме программалык камсыздоо менен алектенет. Эллисондун мүлкү 93 миллиард доллар деп бааланат

  • Ларри Пейж менен Сергей Брин дүйнөдөгү эң популярдуу Google издөө системасын иштеп чыгышкан. Байлардын тизмесинде сегизинчи катарда турган Ларри Пейждин мүлкү 91,5 миллиард доллар
    © AP Photo / Jeff Chiu

    Ларри Пейж менен Сергей Брин дүйнөдөгү эң популярдуу Google издөө системасын иштеп чыгышкан. Байлардын тизмесинде сегизинчи катарда турган Ларри Пейждин мүлкү 91,5 миллиард доллар

  • © AFP 2021 / Getty Images North America / Justin Sullivan

    Сергей Бриндин 89 миллиард долларлык мүлкү бар. Анын атасы 1977-жылы Советтер Союзунан жер которуп кеткен

  • © REUTERS / Amit Dave

    Индиялык Мукеш Амбани ааламдагы эң байлардын тизмесиндеги алдыңкы ондукка кирген азиялык жалгыз өкүл. Ал ири мунай компаниясынын акционери болуп саналат. Мындан сырткары, 4G-интернет кызматын көрсөтүүчү компанияга ээлик кылат

  • © AP Photo / Iago Lopez

    Inditex корпорациясын негиздеген испаниялык Амансио Ортега 11-сапта турат. Ал бир катар дүйнөлүк бренддерди башкарат, алардын эң атактуусу – Zara

  • © AP Photo / Francois Mori

    Франсуаза Беттанкур-Майерс L'Oreal косметикалык бизнес-империясын негиздеген адамдын небереси болуп саналат

  • © AFP 2021 / STR / CNS

    Кытайлык Чжун Шаньшань суусундук чыгаруучу компанияга жана медициналык корпорацияга ээлик кылат

  • © AP Photo / Mark J. Terrill

    Microsoft компаниясынын мурдагы башкы директору Стив Балмер рейтингде 14-сапта

  • © AP Photo / Kin Cheung

    Ма Хуатэн Tencent Holdings интернет-холдингге ээлик кылат. WeChat мессенжери дал ушул уюмга таандык. Кытайлыктын ошондой эле дүйнөдөгү башка ири долбоорлордо да үлүшү бар.

Белгилер:
мүлк, рейтинг, миллиардер, байлык, Forbes
Тема боюнча
Дүйнөнүн эң бай беш кишиси аныкталды. Жаңы рейтинг
Кыргызстандык кикбоксчулар Түркияда өткөн мелдешинде

Кикбоксчулар Түркияда өткөн эл аралык мелдеште үч алтын, бир коло алды. Сүрөт

(жаңыланган 12:01 13.04.2021)
Турнирге 20 өлкөнүн күчтүү спортчулары катышканы белгиленди. Алтын медалды Авазбек Аманбеков, Рустам Ибрагимов жана Марат Мусаев алды.

БИШКЕК, 13-апр. — Sputnik. Кыргызстандык кикбоксчулар Түркияда өткөн Turkish Open Kickboxing European Cup мелдешинде үч алтын жана бир коло медаль алышты. Бул тууралуу Жаштар иши, дене тарбия жана спорт агенттиги кабарлады.

Турнир 8-11-апрель күндөрү Анталья шаарында болду.

Мелдештин алтын медалын Дүйнөнүн эки жолку чемпиону Авазбек Аманбеков (60 кг), Дүйнө кубогунун ээси Рустам Ибрагимов (63,5 кг) жана дагы бир кесипкөй спортчу Марат Мусаев (51 кг) тагынган.

Посмотреть эту публикацию в Instagram

Публикация от ААА Amanbekov (@avazbek_amanbekov)

Ал эми Ахрор Розбаев (57 кг) коло байгеге ээ болду.

Турнирге 20 өлкөнүн күчтүү спортчулары катышканы белгиленди.

Белгилер:
мелдеш, медаль, спорт, кикбоксинг, Түркия, Кыргызстан
Тема боюнча
Аягына чейин кармашып. Эрназар Акматалиев Алматы мелдешинен алтын байге утту
Ай чырайлуу мушкер дебюттук кармашында атаандашын оор нокаутка кетирди. Видео
Мушкер Канат Келдибеков ACA уюмунда беттешке чыгат
Жол кырсыгынан жабыркаган унаа. Архив

Чүйдө төрт унаа кагышып, эки адам жабыркады. Кырсыктын видеосу

(жаңыланган 18:53 13.04.2021)
Жол кырсыгы Александровка айылында катталган. Жеринде ыкчам тергөө тобу иштеп жатат.

БИШКЕК, 13-апр. — Sputnik. Чүй облусунун трассасында төрт унаа кагышып, эки адам жабыркады. Бул тууралуу Чүй облустук жол кыймылы коопсуздугун камсыздоо башкармалыгынын (ЖКККБ) маалымат кызматы билдирди.

Кырсыктын видеосу "Короче" Тelegram-каналына жарыяланган. 

Каргаша Александровка айылында 15:00дөр чамасында болгон. Анда Honda Stepwgn, Ford Transit, Lexus LX470 жана Merceses-Benz үлгүсүндөгү микроавтобус кагышкан.

Натыйжада Ford үлгүсүндөгү унаанын эки жүргүнчүсү жабыркаган. Жеринде ыкчам тергөө тобу иштеп жатат.

Күбөлөрдүн айтымында, жол кырсыгынан улам Бишкекти көздөй кеткен жолдо унаа тыгыны жаралган.

Белгилер:
тыгын, унаа, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Түптө жол кырсыгынан 19-20 жаштагы үч бала көз жумду. Дагы үчөө ооруканада