Кыргызстандык мушкер Акжол Сулайманбек уулу

Рингде жеңилип көрбөгөн Акжол Сулайманбек уулу кезектеги беттешин өткөрөт

175
(жаңыланган 19:27 01.02.2018)
Бокс боюнча турнир 13-февралда Екатеринбург шаарындагы "Дом Печати" спорт клубунда өтөт

БИШКЕК, 1-фев. — Sputnik. Кыргызстандык мушкер Акжол Сулайманбек уулу RCC Boxing промоутердик компаниясы тарабынан уюштурулган "Extra Round 6" турниринде күч сынашат. Бул маалыматты Sputnik Кыргызстан маалымат агенттигине спортчу өзү тастыктады.

Мелдеш 13-февралда Екатеринбург шаарындагы "Дом Печати" спорт клубунда өтөт. Турнирдин алкагында 14 беттеш каралган. Анын биринде Акжол Сулайманбек уулу 59 килограмм салмак ченинде колумбиялык мушкер Девис Перез менен бет келет.

Кыргыз мушкери Акжол буга чейин профессионалдар арасында тогуз ирет беттеш өткөрүп, бир да жолу утулган эмес.

Ал 1990-жылы Баткен облусунда туулган. Бокс менен 2000-жылдан тарта алектенип келет. Аталган спорттун түрү боюнча КРдин үч жолку чемпиону. 2016-жылдан бери Екатеринбург шаарында спорттук карьерасын улантууда.

Чет өлкөдө ар тараптан ийгилик жараткан мекендештерибиз арбын. Арасында иштеп да, окуп да, тер төгө машыгып да эл аралык деңгээлдеги турнирлерде намыска жараган спортчулардан уучубуз кур эмес.

Сыртта кыргыздын желегин желбиретип, гимнин ойноткон спортчулар, спорт клубдар тууралуу материалды бул жактан окуңуздар.

175
Белгилер:
Кыргызстан, спорт, бокс, турнир, ринг
Тема боюнча
Кыздар жана балдар рингде жолугат. Жакында бокс боюнча эл аралык турнир өтөт
Бишкекте шахмат боюнча турнир өтөт
Бишкекте бир жума бою футзал боюнча эл аралык турнир өтөт
ТОП-11. ММА мушкерлери Кыргызстанды дүйнөгө таанытабы?
Кыргыз мушкерлери ММА боюнча Азия чемпионатында биринчи болушту
Кыргызстан кубогун жеңип алган Нефтчи футболдук клубунун оюнчулары

Футбол: Кыргызстан кубогунун ээси аныкталды

5
(жаңыланган 19:56 18.09.2021)
Эсеп негизги убакытта да, кошумча берилген мөөнөттө да ачылган жок. Финалдык оюндун жеңүүчүсү пенальти сериясынан соң белгилүү болду.

БИШКЕК, 18-сен. — Sputnik. Кочкор-Атанын "Нефтчи" футболдук клубу Кыргызстан кубогунун ээси аталганын Кыргыз футбол союзу билдирди. 

90 мүнөттүк негизги убакытта "Нефтчи" да, ага атаандаш болгон Бишкектин "Алга" командасы да гол киргизе алган эмес. Кошумча берилген эки таймда да эсеп ачылган жок.

Жеңүүчүнү пенальти сериясы аныктап, "Нефтчи" 4:2 эсеби менен жеңүүчү аталды.

Оюн биринчи жолу Баткен шаарынын борбордук стадионунда өттү.

5
Белгилер:
футбол, кубок, мелдеш, команда
Тема боюнча
Кыргызстандын футбол командасы FIFA рейтингинде алдыңкы жүздүккө илинди
Спорттун олимпиадалык эмес түрлөрү дирекциясынын усулчусу Адилет Камчыбеков

Камчыбеков: Бишкек марафонуна майыптыгы бар 100 адам катышат

9
Спорттун олимпиадалык эмес түрлөрү дирекциясынын усулчусу Адилет Камчыбеков Кыргызстан боюнча 195 миңден ашуун майыптыгы бар адам жашай турганын айтты.

Эртең борбор калаада өтүүчү жарым марафонго коляскада отурган майыптыгы бар 100 адамдын катышары пландалган. Бул тууралуу Адилет Камчыбеков Sputnik Кыргызстан радиосуна маек куруп жатып билдирди.

Камчыбеков: Бишкек марафонуна майыптыгы бар 100 адам катышат

Анын айтымында, өлкөдө 195 миңден ашуун ден соолугунан мүмкүнчүлүгү чектелген жаран бар.

"Булар үч топко бөлүнөт. Биринчиси — үйдөн чыкпаган, ата-энесинен башка эч ким менен сүйлөшпөгөн адамдар, экинчи топтогулар жарым-жартылай коомчулукка аралашкандар, ал эми үчүнчүсү билим алып, дос күтүп, эл менен аралашып жүргөндөр, бирок майыптыгы бар. Биринчи топко киргендердин психологиялык дагы саламаттыгы кооптуу абалга кептелет. Алардын ата-энеси, жакындары да ушундай эле оор абалда болот. Бул жарандарды элге аралаштырып, жарышка катыштыруу биринчи кезекте алардын багуучулары, ата-энеси үчүн чоң дем-күч берет. Андыктан биздин марафонго коляскада отурган, үч жаштан өйдө 100 адамды катыштыруу пландалган. Алар төрт топко бөлүнүп чуркашат. Кыздар, эркектер өзүнчө жана жандоочу менен, ошондой эле өз алдынча чуркагандар бар. Марафон учурунда дарыгерлер, тиешелүү социалдык мекемелердин кызматкерлери көзөмөлдөп турушат", — деди Камчыбеков.

Спортчу марафондун жыйынтыгында ар кандай кызыктыруучу сыйлыктар берилерин кошумчалады.

 

9
Белгилер:
Адилет Камчыбеков, марафон, майыптар, ден соолук
Тема боюнча
Надыров: Бишкек жарым марафонунун онлайн катышуучулары да болот

Кымбаттап кетти! Эл көп алган жолтандабастардын баасы

0
Sputnik Кыргызстан ар апта сайын унаа базарындагы машиналардын баасы тууралуу маалымат берип келет. Бул жолу 2020-жылдын декабрынан тарта ушул күнгө чейин суроо-талап күч болгон жолтандабастар менен кроссоверлердин баасына көз жүгүрттүк.
Өлкөдөгү өтүмдүү жол тандабас  менен кроссоверлердин баасы 17.09.2021

Көп сатылган 10 автоунаанын тизмеси:

  • Lexus GX 470;
  • Honda CR-V;
  • Toyota RAV4;
  • Lexus RX 350;
  • Volkswagen Touareg;
  • Subaru Forester;
  • Toyota Landcruiser;
  • Kia Sportage;
  • Hyundai Santa Fe.

Тизмедеги машиналардын басымдуу бөлүгү орточо 200-1 000 долларга кымбаттаган. Бул Lexus GX 470, Toyota RAV4, Lexus RX 350, Honda CR-V, Toyota Landcruiser машиналарына тийиштүү.

2007-жылы чыккан Volkswagen Touareg, Subaru Forester, 2011-жылкы Kia Sportage болжол менен 200-1000 долларга арзандаганын көрүүгө болот.

0
Белгилер:
автоунаа, жолтандабас, баалар, базар, суроо-талап
Тема боюнча
Нефтетрейдерлер бензиндин баасы боюнча жакынкы күндөргө прогноз берди