Кыргызстандын футбол боюнча курама командасынын оюнчулары. Архив

Кыргызстандын эң кымбат футболчуларынын бири казак клубуна өттү

665
(жаңыланган 19:59 22.02.2018)
Землянухин жаңы клубда 7 саны менен футбол талаасына чыкмакчы

БИШКЕК, 22-фев. — Sputnik. Кыргызстандын футбол боюнча курама командасынын жарым коргоочусу Антон Землянухин Казакстандын "Атырау" клубуна өттү. Бул тууралуу аталган клубдан билдиришти.

Полузащитник сборной Кыргызстана Антон Землянухин перешел в казахстанский футбольный клуб Атырау
Полузащитник сборной Кыргызстана Антон Землянухин

Канттын "Абдыш-Атасынан" тарбияланып чыккан 28 жаштагы футболчу буга чейин Түркиянын "Гиресунспор", Сербиянын "Раднички" жана Таиланддын "Сисакет" жана "Сукхотхай" клубдарында ойногон.

Ал эми казакстандык клубга өткөнгө чейин Россиянын "СКА-Хабаровск" клубунда машыккан.

Баса, Землянухин буга чейин Казакстандын "Тараз", "Кайрат", "Кайсар" жана "Актөбө" командаларында ойноп, 20 оюнда 9 гол киргизген. Ал эми жаңы клубда 7 саны менен футбол талаасына чыкмакчы.

Землянухинди немистердин футбол тууралуу жазган Transfermarket.de басылмасы Кыргызстандын курама командасындагы эң кымбат оюнчу деп тапкан. 

Учурда анын баасы 300 миң еврого жетип, бир гана Валерий Кичинден (500 миң евро) артта калууда.

Эске салсак, өткөн айда КРдин курама командасынын капитаны Азамат Байматов индонезиялык "Борнео" клубу менен келишим түзгөн. Былтыр бул футболчу Омандын "Сохар" клубунун атынан ойногон болчу.

665
Белгилер:
клуб, футбол, Антон Землянухин
Тема боюнча
КРдин футбол курама командасынын капитаны Байматов Индонезиянын клубуна өттү
Мыктылар! Кыргызстандын дипломаттары мини-футбол боюнча турнирде жеңишке жетти
Акча сунуп жаткан адам. Архив

Спорт агенттиги коррупцияга каршы челлендж өткөрөт

55
Соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт.

БИШКЕК, 5-дек. — Sputnik. Жаштар иши, дене тарбия жана спорт боюнча мамлекеттик агенттик Коррупция менен күрөшүү эл аралык күнүнө карата социалдык тармактарда челлендж өткөрөт. Бул тууралуу агенттиктин маалымат кызматы кабарлады.

"Бүгүн "биз коррупцияга каршыбыз, токто" деп айта турчу күн келди. Демилге коомдо коррупциялык көрүнүштөргө терс мамилени калыптандыруу максатында көтөрүлдү", — деп айтылат билдирмеде.

Маалым болгондой, бул челленджге бардык каалоочулар катыша алат. Ал үчүн соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт. Челлендж 10-декабрга чейин уланат.

Агенттик Бириккен Улуттар Уюмунун чечими менен жыл сайын 9-декабрда Коррупция менен күрөшүү эл аралык күнү белгиленип келерин кошумчалады.

55
Белгилер:
Жаштар иши, дене тарбия жана спорт агенттиги, социалдык тармак, коррупция
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Ысык-Көл облустук өнүктүрүү фонду мамлекетке 13 млн. сом зыян келтиргени аныкталды
Кыргызстандык балбан кыз Айсулуу Тыныбнекова. Архив

Сүйүнчү! Айсулуу кыздар күрөшүнүн тарыхында эң мыкты балбан деп табылды

2950
(жаңыланган 19:55 04.12.2020)
Добуш берүү UWW уюмунун Instagram баракчасында жүргүзүлдү. Кыргызстандык балбан кыз 293 миңдей добуштун теңинен көбүн алган.

БИШКЕК, 4-дек. — Sputnik. Кыргызстандык балбан кыз Айсулуу Тыныбекова кыздар күрөшүнүн тарыхындагы эң мыкты балбан деп табылды. Бул тууралуу Бириккен күрөш дүйнөсү (UWW) уюмунун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Кыргызстандык дүйнө чемпиону индиялык Винеш Пхогат менен финалга чыккан болчу.

"Биз менен кошо Айсулуу Тыныбекованы куттуктаңыз. UWW уюмунун "Күрөш тарыхындагы эң мыкты балбан кыз" жарышында жеңүүчү болду. Тыныбекова 292 896 күйөрмандын 58 пайыз добушун алды", — деп айтылат билдирүүдө.

UWW уюмунун виртуалдуу мелдеши онлайн форматта өткөн. Индиялык спортчуга 121,907 адам добуш берсе, Тыныбекованы 170,989 адам колдогон. 

2950
Белгилер:
күрөш, Айсулуу Тыныбекова
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Секирген атаандашын төбөгө көтөрүп уруп... КР балбандары жасаган укмуш ыкмалар. Видео
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен