Кыргызстандык Акжол Махмудов

Сүйүнчү! Акжол Махмудов алтын тагынып Азия чемпиону болду

2241
(жаңыланган 12:06 01.03.2018)
Акжол Махмудов финалда казакстандык Демеу Жадраев менен беттешкен

БИШКЕК, 28-фев. — Sputnik. Бишкекте өтүп жаткан күрөш боюнча Азия чемпионатында 72 килограммга чейинки салмак категориясы боюнча беттешке чыккан кыргызстандык Акжол Махмудов грек-рим күрөшү боюнча алтын тагынып, Азия чемпиону болду.

  • Чемпионат Азии по борьбе во Дворце спорта в Бишкеке
    Бишкекте өтүп жаткан күрөш боюнча Азия чемпионатында 72 килограммга чейинки салмак категориясы боюнча беттешке чыккан кыргызстандык Акжол Махмудов грек-рим күрөшү боюнча алтын тагынып, Азия чемпиону болду.
    © Sputnik / Табылды Кадырбеков
  • Чемпионат Азии по борьбе во Дворце спорта в Бишкеке
    Ал финалда казакстандык Демеу Жадраев менен кез келип кыл чайнашкан беттеш өткөрдү.
    © Sputnik / Табылды Кадырбеков
  • Чемпионат Азии по борьбе во Дворце спорта в Бишкеке
    Махмудов оюндун биринчи бөлүгүндө 7:4 эсеби менен алдыга чыккан.
    © Sputnik / Табылды Кадырбеков
  • Чемпионат Азии по борьбе во Дворце спорта в Бишкеке
    Экинчи бөлүктө казакстандык спортчу активдүүлүгүн көрсөтүп эсеп санын алтыга чыгарды. Бирок кыргыз балбаны аягында 8:6 эсебинде жеңип алды.
    © Sputnik / Табылды Кадырбеков
1 / 4
© Sputnik / Табылды Кадырбеков
Бишкекте өтүп жаткан күрөш боюнча Азия чемпионатында 72 килограммга чейинки салмак категориясы боюнча беттешке чыккан кыргызстандык Акжол Махмудов грек-рим күрөшү боюнча алтын тагынып, Азия чемпиону болду.

Ал финалда казакстандык Демеу Жадраев менен кез келип кыл чайнашкан беттеш өткөрдү. Махмудов оюндун биринчи бөлүгүндө 7:4 эсеби менен алдыга чыккан. Экинчи бөлүктө казакстандык спортчу активдүүлүгүн көрсөтүп эсеп санын алтыга чыгарды. Бирок кыргыз балбаны аягында 8:6 эсебинде жеңип алды.

Махмудов буга чейин биринчи айлампада иорданиялык атаандашы Ахмад Махмуд Ахмед Дахшанды 12:2, экинчи кармашында индиялык каршылашын 8:0 эсебинде утуп алган. Ал эми жарым финалда 7:0 эсеби менен япониялык спортчуну багындырып, финалга жолдомо алган.

Акжол Махмудов Кыргызстан курама командасынын куржунуна алгачкы алтынды камсыздап берди. Ал эми Каныбек Жолчубеков коло медалга ээ болгон. Кечээ, чемпионаттын биринчи күнүндө Жоламан Шаршенбеков (55 кг) экинчи орунду камсыздап, күмүш тагынды. Ошондой эле дагы бир күмүш медалга Урмат Аматов (63 кг) ээ болсо, Азат Бейшебеков (87 кг) менен Мурат Рамонов (130 кг) коло байгеге татыды.

2241
Белгилер:
күрөш, грек-рим күрөшү, алтын, спорт, Азия чемпионаты, Акжол Махмудов
Тема:
Күрөш боюнча Азия чемпионаты-2018 (39)
Тема боюнча
Жылмайган Турганбаев, сүрөөнү күч ирандыктар. Азия чемпионатынын ачылышы сүрөттө
Умсунткан алтын. Шаршенбеков менен Аматовдун финалдык кармашы
Жаңы зеландиялык трансгендер оор отлетчи Лаурель Хаббард. Архив

Эркек киши Олимпиадада аялдар менен күч сынашат

85
(жаңыланган 10:02 07.05.2021)
Лаурель Хаббард 12 жыл мурда операция жасатып, жынысын алмаштырган. Ага чейин ал Гэвин деген ысым менен жашап, өз өлкөсүндө эркектер арасында алдыңкы оор атлетчи болгон.

БИШКЕК, 7-май — Sputnik. Жаңы зеландиялык оор отлетчи Лаурель Хаббард тарыхта Олимпиада оюндарына катышкан алгачкы трансгендер болуп калганы турат. Бул тууралуу The Guardian жазды.

43 жаштагы спортчу азырынча Жаңы Зеландиянын оор отлетика боюнча кыз-келиндер курама командасына расмий түрдө кабыл алына элек. Бирок Эл аралык олимпиада комитетинин жаңы эрежелерине ылайык, ал аялдар менен күч сынашып калышы толук мүмкүн.

Лаурель Хаббард  12 жыл мурда операция жасатып, жынысын алмаштырган. Ага чейин ал Гэвин деген ысым менен жашап, өз өлкөсүндө эркектер арасында алдыңкы оор атлетчи болгон.

Коомдук уюмдар анын аялдар арасында күч сынашына каршы болуп келет. Анткени спортчу расмий түрдө аял болгону менен факт жүзүндө дене түзүлүшү жана күчү эркектикиндей деп эсептешет.

Ал буга чейин Самоада өткөн кыз-келиндер мелдешине катышып, эки алтын, бир күмүш утуп алган.

85
Белгилер:
аял, оор атлетика, эреже, олимпиада, трансгендер, эркек
Тема боюнча
Модель болгусу келген кечил бала жынысын алмаштырып, подиумга чыкты
UFCинин эки категория боюнча чемпиону Аманда Нуньес. Архив

UFC Нуньес чемпион болуп турган дивизионду жабат

117
(жаңыланган 11:02 06.05.2021)
Спорттук уюм 65 килограмм салмакта атаандаштык жараткан кыз-келиндер жоктугунан дивизионду жаап салууну карап жатат. Нуньес ушул категорияда жана 61 килограмм салмакта чемпион.

БИШКЕК, 6-май. — Sputnik. UFC президенти Дана Уайт кыз-келиндер арасындагы жарым жеңил салмак дивизионун жабууну чечти. Бул тууралуу Fight Sports TV каналына промоушендин эки категория боюнча чемпиону Аманда Нуньес билдирди.

"Дана бул категорияны жабууну чечти. Мен ал жакта чемпион болгондуктан жабылбай эле турса экен дейм", — деди ал.

Нуньес жарым жеңил салмакта атаандаштык жараткан спортчулар аз экенин белгиледи.

"Бул категорияда таланттуу спортчуларды табуу кыйын болууда. Крис Сайборг (Bellator уюмунун чемпиону) менен беттешкен кыздарга деле бир нерсе жетишпегендей. Мен аларды жамандаган жерим жок, бирок көбүрөөк иштеп, ордун табышы керек", — деди бразилиялык спортчу.

Нуньес жарым жеңил салмактагы чемпиондук наамды 2018-жылы ошол кездеги чемпион Крис Сайборгду утуп тагынган. Андан бери эки ирет коргоду. Бразилиялык спортчу 61 килограмм салмактагылар арасында да чемпион экени белгилүү. Бул категорияда кыргызстандык Валентина Шевченко менен эки ирет беттешип утуп алган.

117
Белгилер:
атаандаштык, категория, салмак, Аманда Нуньес, Дана Уайт, UFC
Тема боюнча
Лезгинка жана Кыргызстанга жолдонгон салам. Шевченконун жеңиштен кийинки видеосу
UFC: Намаюнас кытайлык Жангды сулата тээп уткан соң ыйлап жиберди. Видео
UFC: башкы беттеште Усман атаандашы Масвидалды нокаутка кетирди. Видео
Баткенде дамба жырылышы

Баткенде дамба жырылып 1500 адам эвакуацияланды. Сүрөт

0
(жаңыланган 13:52 07.05.2021)
6-майдан 7-майга караган түнү нөшөрлөп жааган жамгырдан улам Кадамжайдагы дамба 4-5 жеринен жырылып кеткен.

БИШКЕК, 7-май — Sputnik. Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты. Бул тууралуу ӨКМден билдиришти.

  • Прорыв дамбы № 12 из-за проливных дождей в селе Орукзар Кадамджайского района
    Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты
    © Фото / пресс-служба МЧС КР
  • Прорыв дамбы № 12 из-за проливных дождей в селе Орукзар Кадамджайского района
    Кечээ, 6-майда, саат 23:13тө Кадамжай районундагы Өрүкзар айылында нөшөрлөп жааган жамгырдан улам № 12 дамба 4-5 жеринен жырылып, Кайтмас жана Өрүкзар айылдарына коркунуч жараткан
    © Фото / пресс-служба МЧС КР
1 / 2
© Фото / пресс-служба МЧС КР
Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты

Кечээ, 6-майда, саат 23:13тө Кадамжай районундагы Өрүкзар айылында нөшөрлөп жааган жамгырдан улам № 12 дамба 4-5 жеринен жырылып, Кайтмас жана Өрүкзар айылдарына коркунуч жараткан. Мындан улам жергиликтүү тургундар эвакуацияланган.

Болжол менен саат 04:00дө суунун деңгээли төмөндөп, айыл жашоочулары үйлөрүнө кайтышкан. Жеринде 30 куткаруучу иштеп жатат.

0
Белгилер:
ӨКМ, дамба, Кадамжай, Баткен
Тема боюнча
Баткенден эвакуациялангандардын так саны белгилүү болду