Кыргызстандын ММА жана Панкратион федерациясынын президенти, Дзюдо федерациясынын вице-президенти, Мухаммед Умар спорт клубунун жетекчиси Улукбек Өмүрзаков (оңдо)

ММА, Панкратион федерацияларынын президенти Өмүрзаков: эрежесиз эр урушка каршымын

1150
(жаңыланган 11:45 18.03.2018)
Кыргызстандын ММА жана Панкратион федерациясынын президенти, Дзюдо федерациясынын вице-президенти, "Мухаммед Умар" спорт клубунун жетекчиси Улукбек Өмүрзаков Sputnik Кыргызстан маалымат агенттигине маек берип, үй-бүлөсү, спорттогу жолу жана аркалаган жумушу тууралуу айтып берди.

— Улукбек мырза, алгач өзүңүз тууралуу айтып берсеңиз. Спорт дүйнөсүнө кантип келип калгансыз?

— Үй-бүлөдө он бир тууганбыз, беш эркек, беш кыз. Экинчи агам Тазабек каратэнин шотокан түрү менен машыкчу. Ал "эркек бала спортко жакын болушу керек" деп өзүнөн кичүү үч инисин спорт дүйнөсүнө аралаштырды десем болот. Өзүм туулуп өскөн Кара-Кулжа районундагы орто мектепте окуп жүргөн кезимде каратэге кызыгып, спорттун ушул түрү менен машыгып жүрдүм. Мектепти аяктап, Ош шаарына келип, бирок жогорку окуу жайга өтпөй калдым да Белоруссияга кеттим. Ал жакта каратэнин шотокан түрү, дзюдо менен машыгып жүрдүм. Кийинчерээк Кыргызстанга келип, күжүрмөн самбо менен машыктым.

Ошко кайтып, ОшМУнун юридикалык факультетинде окуп калдым. 2001-жылы университеттер арасында уюштурулган мелдеште абсолюттук чемпион болгом. 2004-жылы спартакиадада самбо боюнча Кыргызстанда 3-орунду ээлегем. Ал эми 2005-жылы дзюдо боюнча Кыргызстандын чемпионатында 3-орунга татыктуу болдум. Ошол жылдары биз үчүн бул чоң ийгилик эле. Анткени ал кезде азыркыдай спорттук клубдар, мектептер, спортчулардын машыгуусу үчүн шарттар жок эле. Учурда бул кызматтан сырткары Ош облустук прокуратурасынын Коррупцияга каршы күрөшүү жана мыйзамдардын аткарылышын көзөмөлдөө бөлүмүнүн прокурору болуп иштейм. Үй-бүлөлүүмүн. Алты уул, бир кызым бар.

— Клубду кандайча жетектеп калдыңыз?

— Бир тууган агам Сүйүн Өмүрзаков да буга чейин спорт менен машыгып келген. Учурда Ички иштер министринин биринчи орун басары болуп иштеп келет. 2005-жылы Ош шаарындагы спортчулар спортту көтөрөлү деген максат менен клуб ачып, алар үчүн шарт түзүп берүүсүн суранышат. Спортчулардын өтүнүчүн эске алып, агам демөөрчү таап, өзү да кошо демөөрчүлүк кылып, "Мухаммед Умар" спорт клубун негиздеген. Учурда аталган клубда дзюдо, күжүрмөн самбо, ММА, бокс, кикбоксинг жана башка спорттун бир катар түрлөрү боюнча 6 насаатчы спортчуларды машыктырып келет.

Президент федерации ММА и панкратиона КР Улукбек Омурзаков
© Sputnik / Зульфия Тургунова
Улукбек Өмүрзаков: спорт клубунун үч тарбиялануучусун сунуштап, Олимпиадага даярдайлы деп жатабыз

— Клуб кайсы чемпиондору менен сыймыктанат? Кайсы спортчуларды уядан учура алдыңыздар жана клубга атактуулукту кайсы спортчу алып келди?

— 2017-жылы Сочиде өткөн күжүрмөн самбо боюнча дүйнөлүк чемпионатта Бекназар Раимкул уулу 74 килограммга чейинки салмак ченинде россиялык атаандашы Байзет Хатхохту жеңип дүйнө чемпиону аталды. Орозбек Автандил уулу ушул эле чемпионатта 62 килограммга чейинки салмак ченинде финалга чейин келип, күмүш медалдын ээси болду. Белгилеп кетчү жагдай, Кыргызстан эгемендүүлүккө ээ болгондон бери күжүрмөн самбо боюнча дүйнө чемпиону чыга элек экен. Бекназар Раимкул уулу Кыргызстандын тарыхында алгачкы жолу чемпион болду.

Спорттун олимпиадалык түрү боюнча айта кетсем, 2015-жылы алгачкы жолу өспүрүмдөр арасында дзюдо боюнча Таиландда Азия чемпионаты өткөрүлгөн. Анда спортчу Баяман Сагынбай уулу 55 килограммга чейинки салмак ченинде биринчиликти ээлеп, Азия чемпиону аталды. Ушул күнгө чейин Кыргызстандан чемпион чыга элек болчу.

2016-жылы июль айында Якутияда өткөн "Азия балдары" мелдешинде дзюдо боюнча 46 килограммга чейинки салмак ченинде спортчу Айбек уулу Кубанычбек Азия чемпиону аталып, алтын медаль менен кайтты. Бул да жаш өспүрүмдөр арасындагы мелдеш боюнча өлкөнүн алгачкы ийгилиги эле.

Учурда "Мухаммед Умар" спорт клубунун үч тарбиялануучусун сунуштап, Олимпиадага даярдайлы деп жатабыз.

— Cиз жетектеген спорт клуб башка спорттук мектептерден эмнеси менен айырмаланат? Жеке клубга таандык кандай эреже тартип, мыйзамдарыңыздар бар?

— Клубдун тарбиялануучуларына жумасына эки жолу ыйман сабагы өткөрүлөт. Анда мечиттин имамдары жана шаардык, облустук казыяттын өкүлдөрү спортчуларды ыйман-адепке жана мекенчилдикке тарбиялашат.

— Эгерде кылмыштуу иштерге аралашып же клубдун атына көлөкө түшүргөн спортчулар болсо, аларга кандай чара көрүлөт?

— Машыктыруучулар олуттуу бир көз карашы менен балдарга айтайын деген оюн түшүндүрүп коет. Ушул жетиштүү го деп ойлойм.

— Учурда ММА же эрежесиз эр уруш дүйнө жүзүндө гана эмес, Кыргызстанда да спорттун популярдуу түрү. Эмне себептен ышкыбоздор спорттун дал ушул түрүнө кызыгат?

— Биринчиден "эрежесиз эр уруш" дегендин өзү туура эмес. Спорттун бул түрүндө эреже бар. ММА бул англис тилинен алынган сөз. Ал эми орус тилинде "смешанные единоборства" деп коюшат. Кыргыз тилиндеги мааниси бул аралаш мушташ дегенди түшүндүрөт. Себеби буга дзюдо, эркин күрөш, каратэ, кикбоксинг, самбодон эрежелер алынып, ММА түрүн иштелип чыккан. Негизи "аралаш мушташ" деп атасак туура болот. Бул спортко бардык спортчулар өздөрүнүн жөндөмдүүлүгүнө жараша катыша алат. Ошон үчүн кызыктуу болсо керек деп ойлойм.

Президент федерации ММА и панкратиона КР Улукбек Омурзаков
© Sputnik / Зульфия Тургунова
Өмүрзаков: чакан мелдештерде жүрүп эле UFC лигасына баруу өтө кыйын. Аталган лигага жеткен күндө да кесипкөйлүк төмөнүрөөк болгондуктан ийгилик жарата албайт.

— ММА ден-соолук үчүн да кооптуу жана кандуу спорт деп айтышат. Мындай пикирлерге көз карашыңыз кандай?

— Эрежесиз эр уруш болсо, анда, албетте, кооптуу. Анткени анда эреже жок. Мен эрежесиз эр урушту колдомок эмесмин. Ал эми мен жетектеген федерацияда эреже, дүйнөлүк ассоциация иштеп чыккан регламент бар. Ошонун негизинде спортчуларга упай берилет. Калыстар эсептеп чыгып, ошонун негизинде жеңүүчүлөрдү аныкташат.

— Кыргызстанда ММА боюнча мелдештерди көбүнчө WEF, JFS, Nomad Fight спорттук лигалары өткөрөт. Сиз жетектеген ММА жана Панкратион федерацияларынын турнирлери эмнеси менен айырмаланат?

— Мамлекеттик, анан жеке тараптар бар. Эгерде турнирлерди ММА жана Панкратион федерациясы өткөрсө, анда спортчуларга "КРдин спорт чебери" же "КРдин эл аралык класстагы спорт чебери" спорттук наамдары берилет. Ал эми сиз атап өткөн спорттук лигалар өткөрсө, анда аталган наамдарды бере албайт деп ойлойм.

— ММА олимпиадалык спорттун түрүнө кирбегендиктен спортчулардын жеткен чеги Америкадагы UFC лигасында күч сынашуу. Учурда ата мекендик спортчулардын ичинен Валентина Шевченко гана аталган уюмда ат салышып жүрөт. Башка спортчуларыбыздын ал жакка баруусу үчүн кандай шарт түзүп беришибиз керек?

— Биздин спортчулар эл аралык даражадагы чебер болбогондуктан ийгилик жарата албай жатат. Ошондуктан спортчулар кесипкөй болушу керек. Чакан мелдештерде күч сынашып жүрүп эле UFC лигасына баруу — бул өтө кыйын. Аталган лигага жеткен күндө да өздөрүнүн кесипкөйлүгү төмөнүрөөк болгондуктан ийгилик жарата албайт.

— Машыктыруучулар тууралуу айта кетсеңиз, учурда алар жетиштүү элеби? Дегеле спорт тармагында ийгилик жаратуу үчүн мамлекет эмнеге көңүл буруусу зарыл?

— ММА боюнча билимдүү, кесипкөй машыктыруучулардын саны аз. Өлкөдө спортту сүйгөн гана машыктыруучулар калышты. Ал эми көпчүлүгү айлык маянанын аздыгынан улам башка өлкөлөргө кетип калышкан. Мындан сырткары, өлкөдө спорттук дарыгерлер аз. Мамлекет спорттун деңгээлин көтөрүү үчүн спортчулардын туура тамактануусу, жашоо образы, кандай витаминдер керектиги тууралуу туура багыт берип, көзөмөлдөгөн дарыгерлердин санын көбөйтүүсү керек. Мындан сырткары, эл аралык даражадагы калыстарыбыз болушу керек. Спортту спорттук тил менен чагылдырып бере турган журналисттер да аз.

1150
Белгилер:
клуб, панкратион, ММА, Улукбек Өмүрзаков
Тема боюнча
Баары алдыда! Азия чемпионатынын эң ажарлуу балбаны Мээрим Жуманазарова менен маек
Балбан Мээрим Момунова: мен катышкан турнирге жакындарым келүүнү каалабайт
Акча сунуп жаткан адам. Архив

Спорт агенттиги коррупцияга каршы челлендж өткөрөт

29
Соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт.

БИШКЕК, 5-дек. — Sputnik. Жаштар иши, дене тарбия жана спорт боюнча мамлекеттик агенттик Коррупция менен күрөшүү эл аралык күнүнө карата социалдык тармактарда челлендж өткөрөт. Бул тууралуу агенттиктин маалымат кызматы кабарлады.

"Бүгүн "биз коррупцияга каршыбыз, токто" деп айта турчу күн келди. Демилге коомдо коррупциялык көрүнүштөргө терс мамилени калыптандыруу максатында көтөрүлдү", — деп айтылат билдирмеде.

Маалым болгондой, бул челленджге бардык каалоочулар катыша алат. Ал үчүн соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт. Челлендж 10-декабрга чейин уланат.

Агенттик Бириккен Улуттар Уюмунун чечими менен жыл сайын 9-декабрда Коррупция менен күрөшүү эл аралык күнү белгиленип келерин кошумчалады.

29
Белгилер:
Жаштар иши, дене тарбия жана спорт агенттиги, социалдык тармак, коррупция
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Ысык-Көл облустук өнүктүрүү фонду мамлекетке 13 млн. сом зыян келтиргени аныкталды
Кыргызстандык балбан кыз Айсулуу Тыныбнекова. Архив

Сүйүнчү! Айсулуу кыздар күрөшүнүн тарыхында эң мыкты балбан деп табылды

2462
(жаңыланган 19:55 04.12.2020)
Добуш берүү UWW уюмунун Instagram баракчасында жүргүзүлдү. Кыргызстандык балбан кыз 293 миңдей добуштун теңинен көбүн алган.

БИШКЕК, 4-дек. — Sputnik. Кыргызстандык балбан кыз Айсулуу Тыныбекова кыздар күрөшүнүн тарыхындагы эң мыкты балбан деп табылды. Бул тууралуу Бириккен күрөш дүйнөсү (UWW) уюмунун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Кыргызстандык дүйнө чемпиону индиялык Винеш Пхогат менен финалга чыккан болчу.

"Биз менен кошо Айсулуу Тыныбекованы куттуктаңыз. UWW уюмунун "Күрөш тарыхындагы эң мыкты балбан кыз" жарышында жеңүүчү болду. Тыныбекова 292 896 күйөрмандын 58 пайыз добушун алды", — деп айтылат билдирүүдө.

UWW уюмунун виртуалдуу мелдеши онлайн форматта өткөн. Индиялык спортчуга 121,907 адам добуш берсе, Тыныбекованы 170,989 адам колдогон. 

2462
Белгилер:
күрөш, Айсулуу Тыныбекова
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Секирген атаандашын төбөгө көтөрүп уруп... КР балбандары жасаган укмуш ыкмалар. Видео
Тапанча кармаган киши. Архивдик сүрөт

Мурда милиционерди өлтүргөн кылмышкер эки адамды атууга шектелип кармалды

0
(жаңыланган 11:56 05.12.2020)
Кармалган жаран буга чейин милиция кызматкерин өлтүргөнү үчүн соттолуп абакта 11 жыл отуруп, былтыр эркиндикке чыккан.

БИШКЕК, 5-дек. — Sputnik. Жайыл районунун кафелеринин биринде эки адамды атып качып кеткен уюшкан кылмыштуу топтун мүчөсү кармалды. Бул тууралуу Чүй облустук милициянын маалымат кызматы кабарлады.

Билдирүүгө ылайык, үстүбүздөгү жылдын 21-ноябрында милицияга чакыруу түшүп, Ново-Николаевка айылындагы кафеде 22 жаштагы жигитти белгисиз жаран атып кеткени белгилүү болгон. Ал аймактык ооруканага жаткырылган. 

В Жайыльском районе по подозрению в хулиганстве задержан член ОПГ, ранее судимый за убийство милиционера
© Фото / пресс-служба ГУВД Чуйской области
Жайыл районунун кафелеринин биринде эки адамды атып качып кеткен уюшкан кылмыштуу топтун мүчөсү кармалды.

Андан башка дагы бир 22 жаштагы жаран ошол эле кафеде ок жегенин айтып милицияга арыз жазган.

Аталган факты Жазык кодексинин 266-беренеси ("Бейбаштык") менен КЖБРге катталган.

"Чүй ОИИБдин жана Жайыл РИИБдин Криминалдык милиция кызматынын уюшкан кылмыштуулукка каршы күрөшүү бөлүмү кылмышкердин изине түшүп жакынкы имараттардагы бардык видеобайкоолорду карап, күбөлөрдү суракка алган. Натыйжада шектүү уюшкан кылмыштуу топтун активдүү мүчөсү катары ИИМдин каттоосунда турган 34 жаштагы Б.М. аттуу жаран экени аныкталды. Андан соң ал кармалып Жайыл райондук милициянын убактылуу кармоочу жайына киргизилди", — деп айтылат маалыматта.

Милициянын билдиришинче, кармалган жаран 2008-жылы Жайыл райондук милициянын кызматкери Эркин Жолдошбек уулун өлтүрүп, 11 жылга эркинен ажыратылган. Ал абактан 2019-жылы чыгып, кайра кылмышка барганы белгиленет.

Азыркы тапта тийиштүү соттук-медициналык экспертиза дайындалып, сотко чейинки өндүрүш жүрүп жатат.

0
Белгилер:
милиция, уюшкан кылмыштуу топ, кармоо, шектүү, Жайыл району
Тема боюнча
Уюшкан кылмыштуу топтун эки мүчөсүн кармаган видео жарыяланды
Качып кетип Москвадан кармалган кыргызстандыктар. Сүрөт
Ишкердин соода түйүнүн тартып алмакчы болгон. УКМК шектүүлөрдү кармады