Кыргызстандык спортчу Абдурахманажы Муртазалиев жиу-житсу боюнча эл аралык Chicago spring Open мелдешинде алтын байгеге ээ болду

Жиу-житсу чебери Муртазалиев эл аралык турнирде алтын медаль тагынды

111
(жаңыланган 18:18 26.03.2018)
Жиу-житсунун бразилиялык версиясы (IBJJF) боюнча турнир 24-мартта Чикаго шаарында өткөн

БИШКЕК, 26 мар — Sputnik. Кыргызстандык спортчу Абдурахманажы Муртазалиев жиу-житсу боюнча эл аралык Chicago spring Open мелдешинде алтын байгеге ээ болду. Бул маалыматты Sputnik Кыргызстан маалымат агенттигине спортчу тастыктады.

Кыргызстанский спортсмен Абдурахманажы Муртазалиев занял первое место на соревнованях по джиу-джитсу Chicago spring Open в США
© Фото / Муртазали Муртазалиев
Кыргызстандык спортчу Абдурахманажы Муртазалиев жиу-житсу боюнча эл аралык Chicago spring Open мелдешинде алтын байгеге ээ болду

Жиу-житсунун бразилиялык версиясы (IBJJF) боюнча турнир 24-мартта Чикаго шаарында өткөн.

Анда Абдурахманажы сыя көк кур арасындагы кармашта эки спортчуну упай менен утуп, финалда дагы бир атаандашын муунтуу ыкмасы менен жеңип алган.

Ошондой эле өлкө атынан кара кур арасындагы кармашта Аязбек Мустаков да катышып, коло байгеге ээ болгон.

111
Белгилер:
джиу-джитсу, медаль, спорт, Абдурахманхаджи Муртазалиев, Кыргызстан
Тема боюнча
Жалал-Абад шаарында ММА боюнча өлкө биринчилиги өткөрүлөт
Акжол Махмудов: белекке эки бөлмөлүү батир алам деп ойлогон эмесмин
Паралимпиадачы Эсен Калиев: тагдыр экен, уулумду жалгыз тарбиялайм
UFC чемпиону Хабиб Нурмагомедов жана лиганын президенти Дана Уайт. Архивдик сүрөт

Эки беттешти күтүп жатам. Хабиб UFC башчысына кандай шартта спортко кайтарын айтты

103
(жаңыланган 12:52 17.01.2021)
Россиялык спортчунун шарттары Конор Макгрегор менен Дастин Порьенин, Дэн Хукер менен Майк Чендлердин кармашынан көз каранды экени белгилүү болду.

БИШКЕК, 17-янв. — Sputnik. Мушкерлер UFC уюмунун чемпиондук куруна татыктуу экенин чындап көрсөтө алышса октагонго кайтам. Бул тууралуу Хабиб Нурмагомедов лиганын президенти Дана Уайтка билдиргенин Eurosport жазды.

Ишемби күнү Уайт менен Нурмагомедов жабык эшик артында сүйлөшүштү. UFC башчысынын айтымында, ага Хабиб спортто жетиштүү ийгиликти багындырганын, кайра кайтууга шык бере турчу деле нерсе жок экенин билдирген. Бирок ал Конор Макгрегор менен Дастин Порьенин, Дэн Хукер менен Майк Чендлердин кармашына көз саларын белгилеген.

"Жеңил салмактагы ушул беттештерди көрөйүн деп күтүп жатам. Балдар кызыктуу кармаш тартуулап, мага чыныгы атаандаш экенин көрсөтө алышса сегиз бурчтукка кайтам", — деген Нурмагомедов.

Россиялык мушкер октябрда америкалык Жастин Гэтжини утуп, үчүнчү ирет чемпиондук титулун коргогон. Беттештен кийин 32 жаштагы Нурмагомедов спорттук карьерасын жыйынтыктаганын жар салган. Кийинчерээк UFC президенти Дана Уайт бир нече жолу Хабибдин октагонго кайра чыгарын ишенимдүү айткан.

Нурмагомедов дагы UFC жетекчиси анын октагонго кайтышын каалап, улам-улам мыкты шарттарды жана жаңы атаандаштарды сунуштап жатканын билдирген. 

103
Белгилер:
мушкер, октагон, спорт, Дана Уайт, Хабиб Нурмагомедов, UFC
Тема боюнча
Хабиб кандай учурда октагонго кайтышы мүмкүн. Менеджердин жообу
Аягына чейин кармашкам. Хабиб менен беттешкен кыргыз мушкер Турсунбектин маеги
Курду тээп ийген Хабиб, сый көрсөткөн Конор. 2020-жылдагы тиктешүүлөр видеодо

Чыканак менен башка уруп... Соңку UFC турниринин кызыктуу учурлары видеодо

21
Кечээ Абу-Даби шаарында UFC Fight Island 7 турнири болуп өттү. Кеченин башкы беттешинде америкалык мушкер Макс Холлоуэй мекендеши Кэлвин Каттарды утуп алды.

Турнирдин кызыктуу учурлары UFC Russia аталышындагы YouTube-каналга жүктөлдү.

Уюмдун мурдагы чемпиону Холлоуэй спортто жолу болбой, буга чейин эки ирет утулган эле. Учурда жеңишин майрамдап жаткан кези. Ал эми атаандашы Каттар, тескерисинче, эки ирет катары менен жеңип, эми утулуп отурат.

Кеченин дагы бир башкы беттешинде америкалык Карлос Кондит дагы бир АКШ спортчусу Мэтт Браунду калыстардын чечими менен уткан.

21
Белгилер:
видео, мушкер, турнир, UFC, Абу-Даби
Тема боюнча
UFC 2020-жылдагы эң мыкты беттештердин бүйүр кызыткан видеосун жарыялады
Ооруканадагы бейтаптын орун жайы. Архивдик сүрөт

Бишкектеги ооруканаларда COVID жуктургандарды жаткырганга 306 орун бар

0
(жаңыланган 13:48 17.01.2021)
Саат 12:00гө карата берилген маалыматка таянсак, борбор калаадагы ооруканаларда COVID-19га чалдыккандарды жаткырып дарылай турган 306 бош орун бар.

БИШКЕК, 17-янв. — Sputnik. Саламаттык сактоо министрлиги коронавирус жуктуруп алгандарды жаткыруу үчүн Бишкектеги бош оруну бар ооруканалардын тизмесин жарыялады.

17-январь саат 12:00гө карата берилген маалыматка ылайык, ооруканаларда 306 бош орун бар.

Коронавируска чалдыккандарды дарылаган ооруканалар:

  • Улуттук хирургия борбору — 2;
  • Улуттук фтизиатрия борбору — 19;
  • №1 шаардык клиникалык оорукана — 78;
  • Республикалык жугуштуу илдеттер ооруканасы — 172;
  • Улуттук онкология жана гематология ооруканасы — 16;
  • №2 клиникалык төрөт үйү — 19.

Соңку маалыматтар боюнча, Кыргызстанда коронавирус 123 адамдан табылып, алардын ичинен 38 бейтаптын өтө оор абалда жатканын Республикалык штаб маалымдады. Ал эми илдеттен 128 киши айыгып кетти. Тилекке каршы, Бишкектеги ооруканадан эки адам COVID-19дан каза тапты.

0
Белгилер:
оорукана, коронавирус, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жумаканова: январдын соңунда COVID менен ооругандар көбөйүшү мүмкүн
Кениядан коронавирустун 16 түрү табылды. Эксперттер тынчсызданууда
Коронавирус: ДССУ быйылкы жыл былтыркыдан да оор болорун айтты